BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا شىڭعىس ايتماتوۆتىڭ 90 جىلدىق مەرەيتويىنا ارنالعان كەش ٴوتتى

فوتو: mks.gov.kz

استانا، baq.kz. قازاقستان رەسپۋبليكاسى مادەنيەت جانە سپورت مينيسترلىگىنىڭ ۇيىمداستىرۋىمەن ۇلى جازۋشى شىڭعىس ايتماتوۆتىڭ 90 جىلدىق مەرەيتويىنا ارنالعان «ادامزاتتىڭ ايتماتوۆى» اتتى ادەبي-مۋزىكالىق كەش ٴوتتى. بۇل تۋرالى قر مادەنيەت جانە سپورت مينيسترلىگىنىڭ رەسمي سايتى حابارلايدى.

ادەبي-مۋزىكالىق كەشكە شىڭعىس تورەقۇل ۇلىنىڭ ۇلى اسقار ايتماتوۆ، قىرعىزستان رەسپۋبليكاسىنىڭ مادەنيەت، اقپارات جانە تۋريزم ٴمينيسترى ازامات قاپار ۇلى، ايتماتوۆتىڭ جاقىن دوسى، اتاقتى اقىن مۇحتار شاحان ۇلى، كسرو حالىق ٴارتىسى الىبەك دىنىشەۆ، رسفسر ەڭبەك سىڭىرگەن ٴارتىسى، كسرو مەملەكەتتىك سىيلىق لاۋرەاتى، قازاقستاننىڭ ەڭبەك سىڭىرگەن ٴارتىسى ناتاليا ارىنباساروۆا، قر مەملەكەتتىك سىيلىق لاۋرەاتى مايرا مۇحامەدقىزى جانە باسقا دا كورنەكتى تۇلعالار قاتىستى.

«شىڭعىس ايتماتوۆتىڭ قازاقستانعا دەگەن قۇرمەتى ەرەكشە ەدى، ٴوزىنىڭ «بوراندى بەكەت» شىعارماسىنداعى ەدىگە – ناعىز قازاقتىڭ بەينەسى ەكەنىن باسا ايتاتىن.وسىدان ون جىل بۇرىن شىڭعىس تورەقۇل ۇلى ەلباسىمىزدىڭ شاقىرۋىمەن قازاقستانعا كەلىپ، رەسمي شارالاردان كەيىن جەكە سۇبحاتتاسۋ مۇمكىندىگى تۋىپ ەدى. وكىنىشكە قاراي، سوڭعى كەزدەسۋىمىز ەكەن. ول كىسىنىڭ ٴبىزدىڭ ەلگە، حالقىمىزعا دەگەن ىستىق ىقىلاسى ٴالى ەسىمدە» دەپ اتاپ ٴوتتى قازاقستان رەسپۋبليكاسىنىڭ مادەنيەت جانە سپورت ٴمينيسترى ارىستانبەك مۇحامەدي ۇلى.

سونداي-اق، ەسكە الۋ كەشى بارىسىندا زاڭعار جازۋشىنىڭ تاريح تۇعىرىندا قالعان ماڭگىلىك ورنى مەن كەلبەتى جايلى ايتىلدى.

شىڭعىس ايتماتوۆ كوزىنىڭ تىرىسىندە-اق الەمدىك ادەبيەتتىڭ جاتقا وقىلاتىن كلاسسيگى بولعان ەدى. ورىس جانە قىرعىز تىلدەرىندە جازعان ونىڭ شىعارمالارى الەمنىڭ 150-دەن استام تىلدەرىنە اۋدارىلدى، قىرعىزدىڭ جانە قازاقستاننىڭ حالىق جازۋشىسى، ساياسي قايراتكەر، ديپلومات.

ش. ايتماتوۆتىڭ كوپ قىرلى شىعارماشىلىعى حح عاسىردىڭ الەۋمەتتىك شىنايىلىعىنا حالىق دانالىعى مەن پسيحولوگيالىق تەرەڭدىكتىڭ رەڭكىن بەرىپ، الەمدىك پروزاداعى جاڭا باعىتتى بەلگىلەيدى. الەمنىڭ بىرنەشە تىلدەرىنە اۋدارىلعان «ٴجاميلا» پوۆەسى ش. ايتماتوۆقا الەمدىك تانىمالدىلىق اكەلدى. ونىڭ 60-80 جىلدارى جازىلعان «بەتپە بەت»، «قىزىل ورامالدى شىنارىم»، «العاشقى ۇستاز»، «قوش بول، گۇلسارى»، «تەڭىز جاعالاي جۇگىرگەن تارعىل توبەت» جانە وزگە شىعارمالارى جانعا جاقىن تيەدى. ال «عاسىردان دا ۇزاق ٴتۇن» («بوراندى بەكەت»)، «كەسىندى»، «كاسساندرو تاڭباسى»، «تاۋلار قۇلاعاندا» («ماڭگىلىك قالىڭدىق») روماندارى الەمدىك مادەني ماڭىزدى وقيعا بولدى جانە ش. ايتماتوۆتى حح عاسىردىڭ سوڭى – ٴححى باسىنداعى ٴىرى جازۋشىلاردىڭ ٴبىرى، رۋحاني ٴومىردى ونىڭ ەڭ كۇردەلى احۋالى كەزىن سۋرەتتەۋ دارىنى بار جاڭا ٴتيپتى سۋرەتشى رەتىندە الەمگە ۇسىندى.

كەشتە كسرو حالىق ارتيستەرى ا. ٴاشىموۆ، ٴا. دىنىشەۆ، رسفسر ەڭبەك سىڭىرگەن ٴارتيسى، قازاقستاننىڭ ەڭبەك سىڭىرگەن ٴارتيسى ن. ارينباساروۆا، قازاقستاننىڭ ەڭبەك سىڭىرگەن ٴارتيسى م. مۇحامەدقىزى، ق. قۋانىشبايەۆ اتىنداعى قازاق مۋزىكالىق-دراما تەاترىنىڭ، «جاستار» تەاترىنىڭ اكتەرلارى قاتىستى.

كەش سوڭىندا شىڭعىس ايتماتوۆ شىعارمالارىنان ۇزىندىلەر وقىلىپ، كىتاپتارىنىڭ جەلىسى بويىنشا قويىلعان كينوفيلمدەرىنەن ۇزىندىلەر كورسەتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي