BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا اسقار سۇلەيمەنوۆتى الۋ كەشى ٴوتتى

استانا، baq.kz. الماتىدا قر ۇلتتىق كىتاپحاناسىندا جازۋشى، ادەبيەت سىنشىسى، دراماتۋرگ، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اسقار سۇلەيمەنوۆتىڭ 80 جىلدىق مەرەيتويىنا وراي «پاراسات پاديشاسى» اتتى ەسكە الۋ كەشى ٴوتتى. بۇل تۋرالى قر مادەنيەت جانە سپورت مينيسترلىگىنىڭ ٴباسپاسوز قىزمەتى حابارلادى.

ٴىس-شارانى قر ۇلتتىق كىتاپحاناسى ديرەكتورىنىڭ كىتاپحانالىق جۇمىستارى جونىندەگى ورىنباسارى باقىتجامال وسپانوۆا اشتى.

كەش اياسىندا قر ۇلتتىق كىتاپحاناسى قورىنان اسقار سۇلەيمەنوۆتىڭ ٴومىرى مەن شىعارماشىلىعىنان «پاراسات پاديشاسى» اتتى كىتاپ كورمەسى ۇيىمداستىرىلدى. شارانى جازۋشى، پۋبليسيست، عالىم - بەيبىت قويشىبايەۆ جۇرگىزدى.

ٴىس-شاراعا مۇرات اۋەزوۆ، ٴومىرزاق ايتبايەۆ، سماعۇل ەلۋباي، تەمىرحان تەبەگەنوۆ، نۇكەتاي مىشبايەۆا، قانات تورەباي، مامبەت قويگەلدى، ٴاليا بوپەجانوۆا، دوسحان جولجاقسىنوۆ، قاراكوز سۇلەيمەنوۆا، ساتىبالدى نارىمبەتوۆ جانە ت.ب. اقىن-جازۋشىلار، قوعام جانە مادەنيەت قايراتكەرلەرى قاتىسىپ، ٴسوز سويلەدى.

اسقار سۇلەيمەنوۆ 1938 جىلى 29 جەلتوقساندا وڭتۇستىك قازاقستان وبلىسى تۇركىستان اۋدانىنىڭ، شورناق ەلدى مەكەنىندە دۇنيەگە كەلگەن. 1959 جىلى ٴقازپي-دىڭ ادەبيەت-تاريح فاكۋلتەتىن (قازىرگى اباي اتىنداعى قازاق ۇلتتىق پەداگوگيكالىق ۋنيۆەرسيتەتى) بىتىرگەن. 1961 جىلى «جول باسى» العاشقى سىن ماقالاسى «لەنينشىل جاس» (قازىرگى «جاس الاش») گازەتىندە جاريالانعان. ول «بەسىن» (1970)، «اداسقاق» (1988)، «بەساتار» (1996)، «كەك» (2001)، «بولمىسپەن بەتپە-بەت” (2001)، شىعارمالارىنىڭ اۆتورى جانە «ارعىماقتار مەن ادامدار» دەرەكتى ٴفيلمىنىڭ (1977)، «اس» («قۇلاگەر») كوركەم ٴفيلمىنىڭ (1976)، «بايانەل» («قوزى كورپەش-بايان سۇلۋ») ٴفيلمىنىڭ سسەنارييىن جازعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي