BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«جاۋحار» كارتينالار گالەرەياسى سىيعا كارتينالاردى بەرۋدە

الماتى، 2016 جىلدىڭ 21 قاراشاسى – ماسكەۋ تۇبىندەگى سوعىستىڭ جانە قازاقستاندىق-جاۋىنگەرلەر ەرلىكتەرىنىڭ 75-جىلدىعىنا وراي، اسكەر ۇيىندە وتكىزىلگەن پانفيلوۆشى-باتىرلارعا ارنالعان سالتاناتتى ٴىس-شارادا قولباسشىنىڭ نەمەرەسى بايقاداموۆا الۋا «جاۋحار» كوركەم سۋرەت گالەرەياسىنان «گەنەرال پانفيلوۆتىڭ قىزىنىڭ پورترەتىن» سىيعا الدى.

وسى ماسكەۋ تۇبىندەگى سوعىستىڭ قارساڭىنا ارنالعان ٴىس-شارادا «جاۋحار» جەكە كوللەكسياسى قورىنان قازاقستاندىق سۋرەتشىلەردىڭ ٴۇش كارتيناسىن گەنەرال پانفيلوۆ قورىنا تابىس ەتۋ – بۇل ٴبىزدىڭ حالقىمىزدىڭ ۇلى ەرلىگىنە دەگەن تاعزىم بولىپ سانالادى. قورعا 316-شى قىزىل تۋلى، لەنين وردەندى، سۋۆوروۆ وردەندى گۆارديالىق ديۆيزيانىڭ اڭىزعا اينالعان قولباسشىسى – كەڭەستەر وداعىنىڭ باتىرى، گەنەرال-مايور پانفيلوۆ يۆان ۆاسيلەۆيچتىڭ ەسىمى بەرىلگەن. سوعىستان كەيىنگى ۋاقىتتا جازىلعان بۇل سۋرەت تۋىندىلارى تەك ارداگەرلەردىڭ باتىرلىعىن عانا كورسەتىپ وتىرعان جوق، سونىمەن قاتار، بۇل ٴححى عاسىردا ٴومىر ٴسۇرىپ جاتقان بىزدەرگە، وسى بەيبىتشىلىكتىڭ باعاسىنىڭ قانشالىقتى بولعانىن ەسكە سالاتىن مۇرا بولىپ تابىلادى.

ٴبىز قانتوگىس سوعىستىڭ وتىنان وتكەن، جەڭىسكە جەتكەن، مايداندا سوعىسقان جانە تىلدا ايانباي ەڭبەك ەتكەن، كونسلاگەرلەردە بولعان جانە قورشاۋدا اشتىقتى باستان وتكەرگەن ٴوز باتىرلارىمىزدى ۇمىتپاۋىمىز كەرەك. ٴبىز، بۇگىندە ۇلى وتان سوعىسىنىڭ ارداگەرلەرى دەپ اتالاتىن تۇلعالارىمىزدى ەستە ساقتاۋعا ٴتيىسپىز.

«وسى كارتينالاردى سىيعا تارتۋ – بۇل وتكەنگە، ونەرگە دەگەن جاۋاپتى، ٴارى سانالى ٴىس-قيمىلدىڭ بەلگىسى عانا ەمەس، سونىمەن قاتار جەكە گالەرەيانىڭ گەنەرال پانفيلوۆ قورىنمەن جاقسى ىنتىماقتاستىقتا ەكەندىگىنىڭ دۇرىس ونەگەسى»، - دەيدى جۇرگەنوۆ اتىنداعى ٴقازۇوا پروفەسسورى، ونەرتانۋشى، «جاۋحار» كارتينالار گالەرەياسىنىڭ كۋراتورى ولگا باتۋرينا. الەۋمەتتىك سەرىكتەستىك – بۇل تۆورچەستۆولىق جانە قوعامدىق باستامالارمەن ٴوزارا ارەكەتتەسۋدىڭ نەگىزگى مەحانيزمى بولىپ تابىلادى جانە ونى قالىپتاستىرۋ قر قازىرگى مادەنيەتىنىڭ ەڭ باستى مىندەتتەرىنىڭ ٴبىرى بولىپ وتىر. ٴالى دە جەكە باستامالار مەملەكەتتىك قۇرىلىمداردىڭ ىس-ارەكەتتەرىنەن باسىم بولىپ كەلە جاتىر.

«جاۋحار» كارتينالار گالەرەياسى – بۇل جۇمىستاردىڭ دەڭگەيى جاعىنان دا، سونداي-اق، ايتۋلى ەسىمدەردىڭ بولۋى جاعىنان دا قازاقستاندىق سۋرەت ونەرىنىڭ ۇلكەن ەنسيكلوپەدياسى بولىپ تابىلادى. مۇندا 100 دەن استام ەڭ مىقتى قازاقستاندىق سۋرەتشىلەردىڭ 500 تۋىندىلارى جيناقتالعان. ونىڭ ىشىندە سۋرەت ونەرىنىڭ مەترلەرى مەن شەبەرلەرى دە بار، ولاردىڭ كارتينالارى قازاقستاندىقتارعا ەندى عانا تانىمال بولا باستادى. سۋرەت ونەرى كوللەكسياسىندا حح عاسىردىڭ 30-شى جىلدارىنان باستالعان قازاقستاندىق سوسرەاليزمنىڭ اسىل قازىنالارى دا بار. ن.حلۋدوۆ، ٴا.قاستەەۆ، ا.يسمايلوۆ، ۋ.اجيەۆ، س.كالمىكوۆ، ا.چەركاسسكيي ك.تەلجانوۆ، م.كەنبايەۆ، ج.شاردەنوۆ، س.ايتبايەۆ، گ.يسمايلوۆا، ل.لەونتەۆ، و.كۋجەلەنكو، ن.باباد، م.سانوسيان، ن.رەچەنسكيي، ساحي رومانوۆ، ا.توعىسبايەۆ، ە.سيدوركين، ي.يسابايەۆ – مىنە، بۇل وتاندىق ونەردىڭ اڭىزعا اينالعان كوريفەيلەرىنىڭ قىسقارتىلعان ٴتىزىمى. گالەرەيا الماتى قالاسىنداعى ٴا.قاستەەۆ اتىنداعى مەملەكەتتىك ونەر مۇراجايىنىڭ عيماراتىندا ورنالاسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي