BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاستار تەاترىندا «قىز جىبەك» ميۋزيكلىنىڭ پرەمەراسى

استانا قالاسى اكىمدىگى جاستار تەاترىندا – جاڭا قويىلىم. «رۋحاني جاڭعىرۋ» اياسىندا استانانىڭ 20 جىلدىعىنا وراي 12، 13، 14، 15 ٴساۋىر كۇندەرى عابيت مۇسىرەپوۆتىڭ «قىز جىبەك» ميۋزيكلىنىڭ پرەمەراسىن كورەرمەن نازارىنا ۇسىنادى.

«قىز جىبەك» – ماڭگىلىك ماحاببات جىرى. شەكتى رۋىنىڭ ايداي سۇلۋ ارۋى جىبەك پەن جاعالبايلى رۋىنىڭ باتىرى، سەرى تولەگەننىڭ اراسىندا تۇتانعان سەزىم شوعى كىرشىكسىز ماحابباتقا ۇلاسادى. الايدا ماحاببات باردا قىزعانىشتىڭ دا قاتار ٴجۇرۋى ٴومىر زاڭدىلىعى ەمەس پە؟ جىبەك ارۋعا بۇرىننان عاشىق سول اۋىلدىڭ بەكەجان ەسىمدى باتىرى دا سۇلۋدان دامەلى كوڭىلىن جاسىرماي، ماحاببات ٴۇشىن اشىق ايقاسقا تۇسەدى. قايشىلىققا تولى كۇرەستىڭ سوڭى ورنى تولماس وكىنىشكە ۇلاسادى...

عاسىردى عاسىرعا جالعاعان جاۋھار جىردىڭ جاستار تەاترى ساحناسىندا جاندانۋ مەن ٴتىل قاتۋ ٴادىسى دە، «سويلەۋ» قالىبى دا وزگەشە. ەۆگەنيي برۋسيلوۆسكييدىڭ زامانۋي ۇندە جاڭاشا وڭدەلگەن كلاسسيكالىق مۋزىكاسى كورەرمەنىن فورمالىق، يدەيالىق ٴھام كوركەمدىك ەرەكشەلىگىمەن باۋرايدى. قازاقتىڭ بايىرعى سالتى – باستاڭعى ستيلىندە ٴوربيتىن ميۋزيكلدە نەگىزىنەن جاستاردىڭ سىرى مەن مۇڭى، ارمانى مەن مۇراتى، ەڭ باستىسى، كىرشىكسىز ماحابباتى العا شىعادى. عاجايىپ مۋزىكا ٴتىلى ارقىلى سەزىم كۇيىن شەرتەر قويىلىم كورەرمەنىن بەي-جاي قالدىرمايدى.

سپەكتاكلدىڭ قويۋشى رەجيسسەرى – نۇرقانات جاقىپباي، قازاقستاننىڭ ەڭبەك سىڭىرگەن قايراتكەرى. مۋزىكا – ە.برۋليسوۆسكيي. قويۋشى سۋرەتشى – ەرلان تۇياقوۆ. بالەتمەيستەر – شىرىن مۇستافينا. مۋزىكانى ارلەۋشى – ەربولات قۇدايبەرگەن، جانداۋلەت باتاي.

جاڭا قويىلىمدى تانىستىرۋ ماقساتىندا 12 جەلتوقسان كۇنى ساعات 18:00-دە سپەكتاكل رەجيسسەرى قازاقستاننىڭ ەڭبەك سىڭىرگەن قايراتكەرى، تەاترىمىزدىڭ كوركەمدىك جەتەكشىسى نۇرقانات جاقىپبايدىڭ قاتىسۋىمەن تەاتردىڭ كونفەرەنسيا زالىندا باق وكىلدەرىمەن كەزدەسۋ ۇيىمداستىرىلادى.

ٴباسپاسوز جيىنىنا قاتىسۋشىلار:

  • ەرنار جۇماتايەۆ – تەاتر ديرەكتورى;
  • نۇرقانات جاقىپباي – قازاقستان رەسپۋبليكاسىنىڭ ەڭبەك سىڭىرگەن قايراتكەرى، قويىلىم رەجيسسەرى;
  • داۋرەن سەرعازين – تەاتر اكتەرى;
  • ەرلان تۇياقوۆ – قويۋشى سۋرەتشى;
  • شىرىن مۋستافينا – بالەتمەيستەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي