BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سىر ونەرپازدارى ازەربايجان تورىندە

قىزىلوردا وبلىستىق فيلارمونياسى ونەرپازدارى بۇعان دەيىن دە حالقىمىزدىڭ قاسيەتتى ونەرىن الىس جانە جاقىن شەت ەلدەردە پاش ەتىپ، تالعامى بيىك كورەرمەندەردىڭ ىقىلاسىنا بولەنىپ كەلەدى. ەلىمىزدىڭ بارلىق قالالارىمەن بىرگە، شەتەل اسىپ ٴان شىرقاعان ونەر ورداسىنىڭ بيىلعى شىعارماشىلىق كەشى ازەربايجان ەلىندە جالعاسۋدا.

ايتا كەتەيىك، قىزىلوردا وبلىسىنىڭ مادەنيەتى مەن ونەرى كۇندەرى وبلىس اكىمدىگى مەن ازەربايجان رەسپۋبليكاسىنىڭ مادەنيەت جانە تۋريزم مينيسترلىگىنىڭ قولداۋىمەن وتەدى. سونىمەن، 12-15 ٴساۋىر ارالىعىندا ازەربايجان رەسپۋبليكاسىنىڭ ەكى قالاسىندا، ەلدىڭ استاناسى باكۋ مەن شەكي شاھارلارىندا سىر ونەرپازدارى بىرنەشە مادەني شارا وتكىزەدى. ايتۋلى شارا تۋىستاس قوس ەلدىڭ، ياعني، قازاقستان مەن ازەربايجان رەسپۋبليكالارى اراسىندا ديپلوماتيالىق قارىم-قاتىناستىڭ ورناعانىنا 25 جىل تولۋىنا وراي ۇيىمداستىرىلىپ وتىر.

ٴتورت كۇنگە سوزىلاتىن مادەني شارادا وبلىستىق فيلارمونيانىڭ تۇرماعامبەت اتىنداعى حالىق اسپاپتار وركەسترى مەن «توميريس» بي ٴانسامبلى، سونداي-اق، جىرشى-جىراۋلار رۋسلان احمەتوۆ، كۇنسۇلۋ تۇرىكپەن، كلاسسيكالىق اندەردىڭ ورىنداۋشىلارى تالعات مۇسابايەۆ، سامال بايسەيتوۆا، ماقسات ماقۇلبەكوۆ، ماعجان امانجولوۆ، ۆەنەرا الپىسبايەۆا جانە ن.بەكەجانوۆ اتىنداعى وبلىستىق قازاق مۋزىكالىق دراما تەاترىنىڭ ارتىستەرى ونەرلەرىن ورتاعا سالادى. وبلىستىق فيلارمونيا ونەر يەلەرىنىڭ كونسەرتى 12 ٴساۋىر كۇنى باكۋ شاھارىنداعى ازەربايجان مەملەكەتتىك مۋزىكالىق تەاترىندا وتەدى. جەرگىلىكتى تۇرماعامبەت اتىنداعى حالىق اسپاپتار وركەسترىنە حالىقارالىق جانە رەسپۋبليكالىق كونكۋرستاردىڭ لاۋرەاتى، مەملەكەتتىك اكادەميالىق سيمفونيالىق وركەستردىڭ ديريجەرى ٴمۇسىلىم امزە مەن باس ديريجەر كەۋلىمجاي بوتابايەۆ جەتەكشىلىك جاسايدى.

ايتا كەتەيىك، ەلىمىز تاۋەلسىزدىك العاننان كەيىن ازەربايجان رەسپۋبليكاسىمەن دوستىق قارىم-قاتىناس كۇن ساناپ نىعايىپ كەلەدى. جۋىردا قر پرەزيدەنتى ن.نازاربايەۆ پەن ازەربايجان رەسپۋبليكاسىنىڭ پرەزيدەنتى يلحام اليەۆتىڭ كەزدەسۋى ٴتۇبى ٴبىر تۋىستاس ەلدەردىڭ وسى دوستىق قارىم-قاتىناستىڭ ايقىن دالەلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي