BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«رۋحاني جاڭعىرۋ: تەوريادان پراكتيكاعا» اتتى اقپارات كۇنى ٴوتتى

6 قازان كۇنى اباي اتىنداعى امبەباپ كىتاپحانا قىزمەتكەرلەرى بورودۋليحا اۋداندىق كىتاپحاناسىندا مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا «رۋحاني جاڭعىرۋ: تەوريادان پراكتيكاعا» اتتى اقپارات كۇنىن وتكىزىپ قايتتى. شارانىڭ ماقساتى: ەلباسى ماقالاسى ەل بولاشاعى ٴۇشىن ۇلكەن مىندەتتەر جۇكتەيتىنىن جۇرتشىلىققا جەتكىزىپ، ماڭىزدى باعدارلامانىڭ ٴمان-ماڭىزىن سارالاپ ايتىپ بەرۋ. شاراعا جەرگىلىكتى تۇرعىندار، باق وكىلدەرى، ٴبىلىم جانە مادەنيەت سالاسىنىڭ قىزمەتكەرلەرى، كىتاپحانا پايدالانۋشىلارى قاتىستى.

اتالمىش شاراعا قاتىسۋشىلارعا «الاش» ەلەكتروندى كىتاپاحاناسى (http://alash.semeylib.kz/) قورىنداعى ساندىق فورماتتاعى 1500-گە جۋىق جيناقتالعان مەرزىمدى باسىلىمدار، 600 گازەت-جۋرنالدارداعى ماقالالار، 500-گە تارتا كىتاپتار الاش قايراتكەرلەرىنىڭ ٴومىرى مەن شىعارماشىلىعى تۋرالى قازاقستان كولەمىندە عانا ەمەس، شەت مەملەكەتتەردىڭ دە تاريحي-مادەني جانە ٴبىلىم مەكەمەلەرىنەن جيناستىرىلعان ماتەريالدار ۇسىنىلدى. تىڭداۋشىلارعا الاش قايراتكەرلەرى م.جۇمابايەۆ، ج.ايماۋىتوۆ، ا.بايتۇرسىنوۆ، ا.ەرمەكوۆ ت.ب. قاتىستى دەرەكتەمەلەر ۇسىنىلدى.

اقپارات كۇنىنىڭ ەكىنشى جارتىسىندا قاتىسۋشىلارعا «اباي اتىنداعى كىتاپحانانىڭ سيرەك باسىلىمدار قورىنداعى لاتىن الىپبيىندەگى باسىلىمدار» اتتى پرەزەنتاسيا ۇسىنىلىپ، كىتاپحانا قورىنداعى قول جەتىمدى، قازاقستاندا لاتىن گرافيكاسىن پايدالانعان جىلدارى جارىق كورگەن لاتىن ارىپتەرىمەن جازىلعان باسىلىمدارمەن تانىستىرىلدى. بۇل شامامەن 200 كىتاپ، 10 گازەت جانە جۋرنالدار. سونداي-اق، كىتاپحانا قىزمەتكەرلەرى ەلباسىنىڭ تاپسىرماسىنا سايكەس قازاقستاننىڭ 2025 جىلعا دەيىن لاتىن الىپبيىنە كوشەتىندىگىنىڭ ماڭىزدىلىعىن اتاپ ٴوتتى. قاتىسۋشىلار لاتىن الىپبيىندە جازىلعان كىتاپتارعا، «كومسومول ناسيحاتشىسى» جانە «ادەبيەت مايدانى» جۋرنالدارىنا، «تۇركسىب»، «eكپىندى التاي»، «تاۋەلسىزدىك»، «ەكپىندى» گازەتتەرىنە ەرەكشە قىزىعۋشىلىق تانىتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي