BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورىنبوردا ونەر كورسەتتى

«سىر ەلى – جىر ەلى» دەگەن كيەلى تىركەستىڭ جۇگىن سىربويىلىق ٴاربىر ونەرپازدىڭ ۇلكەن جاۋاپكەرشىلىكپەن ارقالاپ كەلە جاتقانى قۋانتادى. سىر ەلىنە ٴتان ماقامداردى كومەيىنە قوندىرىپ، كورەرمەنىنىڭ ىستىق ىقىلاسىنا بولەنىپ جۇرگەن ٴداستۇرلى ورىنداۋشىلارمەن قاتار ەسترادا جانرىن تەرەڭ مەڭگەرىپ، بۇگىنگى تىڭدارماننىڭ تالعامىنا ساي جەتكىزىپ جۇرگەن انشىلەردىڭ دە ورنى بولەك. رەسپۋبليكالىق، حالىقارالىق بايقاۋلاردا شاشاسىنا شاڭ جۇقتىرماي، جۇلدەلى ورىنداردى قانجىعاسىنا بايلاپ، سىر ەلىنىڭ اتىن تورتكۇل دۇنيەگە پاش ەتكەن ونەرپازدارمەن ماقتانۋعا بولادى. وڭىردەگى وسىنداي ونەرلى وردانىڭ ٴبىرى – قىزىلوردا وبلىستىق فيلارمونياسى.

ەلىمىزدىڭ بارلىق قالالارىمەن بىرگە، شەتەل اسىپ ٴان شىرقاعان ونەر ورداسىنىڭ كەزەكتى گاسترولدىك ساپارى ورىنبوردا جالعاستى. ياعني، 23-26 ناۋرىز ارالىعىندا رەسەي فەدەراسياسىنىڭ ورىنبور قالاسىنداعى قانداس باۋىرلارىمىزعا ۇلىستىڭ ۇلى كۇنىنە وراي «ناۋرىز-دۋمان» اتتى مەرەكەلىك كونسەرت تارتۋ ەتتى. گاسترولدىك ساپار بارىسىندا سول-يلەسك، بەليايەۆكا، ديميتروۆسكيي، نوۆورسك اۋداندارى قامتىلدى.

مەرەكەلىك كونسەرتتە "مادەنيەت قايراتكەرى" توسبەلگىسىنىڭ يەگەرى ٴۇ.مەدەۋوۆا، ن.نۇراددينوۆا، و.نۇراليەۆ، ب.مولدابەرگەنوۆ، ز.بايمۇرزايەۆا ونەر كورسەتتى. سونىمەن بىرگە، «توميريس» بي ٴانسامبلى كورەرمەندەرگە مىڭ بۇرالعان بيلەردى تارتۋ ەتتى. كەش بارىسىندا ورىنبورلىق اعايىندار ونەر يەلەرىمەن بىرگە ٴان شىرقاپ، زور قوشەمەتكە بولەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي