BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

م.اۋەزوۆ تەاتر ۇجىمى حاديشا بوكەەۆانىڭ باسىنا گۇل شوعىن قويدى

م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا 13-18 ناۋرىز ارالىعىندا ٴداستۇرلى تۇردە وتكىزىلەتىن «تەاتر كوكتەمى» - 2017 فەستيۆالى وتەدى. بيىلعى فەستيۆال قازاقستان جانە كسرو حالىق ٴارتىسى، كسرو مەملەكەتتىك سىيلىعىنىڭ لاۋرەاتى، پروفەسسور حاديشا بوكەەۆانىڭ 100 جىلدىعىنا ارنالادى.

فەستيۆال اياسىندا كورەرمەندەر مەن ٴادىلقازىلار نازارىنا م.اۋەزوۆ تەاترىنىڭ رەپەرتۋارىنداعى بەس سپەكتاكل ۇسىنىلادى. 13 ناۋرىز كۇنى قازاق ٴان ونەرىنىڭ اقيىعى اقان سەرى تۋرالى ع.مۇسىرەپوۆتىڭ «اقان سەرى – اقتوقتى» سپەكتاكلى ساحنالانادى. 14 ناۋرىز كۇنى م.وماروۆانىڭ «اقتاستاعى احيكو» اتتى ەل تاۋەلسىزدىگىنىڭ 25 جىلدىعىنا ارنالىپ قويىلعان قويىلىمى ۇسىنىلادى. 15 ناۋرىزدا رەي كۋنيدىڭ «ماني-ماني» كومەدياسى، ال 16 ناۋرىز كۇنى ق.مۇراتتىڭ «باقىت كىلتى» دراماسى ساحنالانادى. 17 ناۋرىز م.وماروۆانىڭ (رەج. ا.كاكىشوۆا) ٴتۇرلى تاريحي جاعدايدا قازاقستانعا جەر اۋدارىلعان ۇلتتاردىڭ تاعدىرىن ارقاۋ ەتكەن «كومبە ناننىڭ ٴدامى» دراماسىنىڭ پرەمەراسى وتكىزىلەدى.

سونداي-اق، فەستيۆال اياسىندا تەاتر ارتىستەرىنىڭ «وزىندىك جۇمىستارى» كورسەتىلەدى. فەستيۆالگە قازىلىق ەتەتىن ٴادىلقازىلار القاسىنىڭ ٴتوراعاسى قر ەڭبەك سىڭىرگەن قايراتكەرى، استانا جاستار تەاترىنىڭ كوركەمدىك جەتەكشىسى نۇرقانات جاقىپباي.

«تەاتر كوكتەمى» - 2017 فەستيۆالىنىڭ ٴبىر ەرەكشەلىگى حالىقارالىق دەڭگەيدە وتكىزىلگەلى وتىر. فەستيۆالگە ارنايى ونەرتانۋ دوكتورى، بلوگگەر، يليا اتىنداعى مەملەكەتتىك عىلىمي زەرتتەۋ ۋنيۆەرسيتەتىنىڭ باسشىسى لاشا چحارتيشۆيلي مەن ۆادادي گافاروۆ، فيلوسوفيا جانە ونەرتانۋ دوكتورى، دوسەنت، ازەربايجان ۇلتتىق عىلىمي اكادەمياسىنىڭ ارحيتەكتۋرا جانە ونەر ينستيتۋتىنىڭ «تەاتر، كينو جانە تەلەۆيدەنيە» ٴبولىمىنىڭ مەڭگەرۋشىسى شاقىرىلعان.

14 ناۋرىز كۇنى تەاتردىڭ كىشى زالىندا «حاديشا بوكەەۆا جانە بۇگىنگى اكتەرلىق ونەردىڭ ماسەلەلەرى» اتتى عىلىمي-پراكتيكالىق كونفەرەنسيا وتەدى. «سىرلاسۋ» كىتابىندا ح.بوكەەۆا تۋرالى ٴتۇرلى ەستەلىكتەر ايتىلىپ، كەزدەسۋلەر وتكىزىلمەك.

18 ناۋرىز فەستيۆال قورتىندىسى جاريالانىپ، ۇزدىكتەردىڭ ەسىمى بەلگىلى بولادى. سونداي-اق، ٴبۇل كۇنى كسرو حالىق ٴارتيسى حاديشا بوكەەۆانى ەسكە الۋ كەشىن وتكىزۋ جوسپارلانىپ وتىر.

شۋاقتى كوكتەممەن قاتار كەلگەن «تەاتر كوكتەمى» - 2017 فەستيۆالىنىڭ اشىلۋ سالتاناتى بۇگىن 18.30-دا م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ۇلكەن زالىندا وتەدى.

فەستيۆالدىڭ اشىلۋ سالتاناتى قارساڭىندا تەاتردىڭ ديرەكتورى ەرلان ٴبىلال باستاعان ٴبىر توپ ونەر قايراتكەرلەرى مەن تەاتر ۇجىمى ح.بوكەەۆانىڭ زيراتىنا بارىپ، قۇران باعىشتاپ، گۇل شوعىن قويدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي