BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستان كەسكىندەمەسى» عىلىمي كاتالوگىنىڭ سالتاناتتى تانىستىرىلىمى بولدى

2017 جىلى 13 جەلتوقساندا ٴا. قاستەەۆ اتىنداعى قر مەملەكەتتىك ونەر مۋزەيىندە قر تاۋەلسىزدىگى كۇنىنە ورايلاستىرىلعان «قازاقستان كەسكىندەمەسى» عىلىمي كاتالوگىنىڭ سالتاناتتى تانىستىرىلىمى بولدى. قازاقستان تاريحىندا ٴبىرىنشى رەت كەسكىندەمە كاتالوگىنىڭ تولىق يلليۋستراسيالى عىلىمي باسىلىمىن شىعارۋ باستالدى. وسى كەزگە دەيىن ونەر زەرتتەۋشىلەرى 1971 جىلى جارىق كورگەن كەسكىندەمە، ٴمۇسىن، تەاتر-دەكوراسيا جانە قولدانبالى ونەر تۋىندىلارى ەنگىزىلگەن «قازاقستان بەينەلەۋ ونەرى» كاتالوگىن پايدالانىپ كەلدى.

وتە جۇيەلى جۇرگىزىلگەن ەڭبەكتىڭ ٴبىرىنشى تومى 2016 جىلدان كوركەمدىك مۋزەيدىڭ قامقورلىق كەڭەسىنە كىرىپ، ونىڭ شىعارماشىلىق جانە عىلىمي جوبالارىن بەلسەندى قولداپ كەلە جاتقان قازاقستانداعى جانە ورتالىق ازياداعى kpmg كومپانياسىنىڭ قولداۋىمەن جارىققا شىعۋىنا مۇمكىندىك الدى. ەكىنشى تومىن 2018 جىلى شىعارۋ جوسپارلانىپ وتىر. بىرەگەي كوللەكسيانىڭ قالىپتاسقان ساتىنەن باستاپ، مۋزەي قىزمەتكەرلەرىنىڭ سان بۋىنى كوپ ەڭبەك سىڭىرگەن وسى باسىلىم قازاقستاننىڭ مۋزەي قورىن كاتالوگتاۋعا جانە ٴا. قاستەەۆ اتىنداعى قر ٴموم باسىلىمىن دارىپتەۋگە قوسقان پايدالى ٴارى ماڭىزدى ۇلەسى بولماق.

«قازاقستان كەسكىندەمەسى» كاتالوگى ەكى تومنان تۇرادى: 1 توم – ا-دان ق-عا دەيىن، 2 توم – ل-دان يا-عا دەيىن. تەاتر كورىنىستەرىنىڭ ويىن بىلدىرەتىن جانە بەلگىلى شەبەرلەردىڭ قولىنان شىققان دەكوراسيالاردىڭ، كيىمدەردىڭ، بۋتافوريالاردىڭ، رەكۆيزيتتەردىڭ ەسكيزدەرى ەكىنشى تومنىڭ «قازاقستاننىڭ تەاتر كەسكىندەمەسى» دەگەن اتاۋمەن جەكە قوسىمشا بولىپ ۇسىنىلادى. سەرگەي كالمىكوۆتىڭ ٴتۇرلى تەحنيكادا جاساعان ەڭبەگىنىڭ تياناقتىلىعىنا جانە 1100 تۋىندىسى ەنگەن «سەرگەي كالمىكوۆ» اتتى جەكە كاتالوگىنىڭ شىعارىلۋىنا بايلانىستى قىلقالام شەبەرىنىڭ شىعارماشىلىعى كىرگىزىلگەن جوق.

سۋرەتشىنىڭ ٴوزى جانە ەڭبەكتەرى جونىندەگى دەرەكتەر بارلىق تومداردا ٴبىرىڭعاي ۇلگى بويىنشا بەرىلەدى. تومدار ٴبىر ۇستانىم بويىنشا قۇرىلعان – سۋرەتشىلەردىڭ ەسىمدەرى مەن مالىمەتتەرى قازاق ٴتىلىنىڭ ٴالىپبيى تارتىبىمەن، ٴاربىر شەبەردىڭ شىعارمالارى حرونولوگيالىق بىرىزدىلىكپەن ورنالاسقان. تۋىندىلاردى مەرزىمدەۋ اۆتورلىق قولتاڭبا، ٴا. قاستەەۆ اتىنداعى قر مەملەكەتتىك ونەر مۋزەيىنىڭ قۇجاتتاماسى، سونداي-اق، قر ورتالىق مەملەكەتتىك مۇراعاتى قورىنىڭ مالىمەتتەرى نەگىزىندە بەرىلدى.

اتالمىش باسىلىم تەك قانا كەسكىندەمەگە ارنالادى جانە 1936 جىلدان 2016 جىلعا دەيىنگى كەزەڭدى قامتيدى. ٴومىرباياندىق انىقتامالاردىڭ قىسقاشا ٴارى اقپاراتتىق ۇلگىسى وقىرماندارعا سۋرەتشى مەن ونىڭ تۋىندىلارى جونىندە قاجەتتى ماعلۇمات بەرەدى.

ايتا كەتەرلىك ماڭىزدى جايت، كارتينالار مۋزەيدىڭ قور-ساتىپ الۋ كوميسسياسىنىڭ شەشىمىمەن عانا الىنعان جوق، سونداي-اق، قر مادەنيەت مينيسترلىگىنىڭ كوركەمسۋرەت كورمەسىنىڭ ديرەكسياسى مەن قازكسر سۋرەتشىلەر وداعىنىڭ كوركەمسۋرەت قورىنان جىبەرىلىپ وتىردى، سونىمەن بىرگە ٴا. قاستەەۆ اتىنداعى قر مەملەكەتتىك ونەر مۋزەيىنە سۋرەتشىلەردىڭ وزدەرى مەن جەكە كوللەكسيالاردان سىيعا بەرىلدى. ەسىمدەرى مۋزەيدىڭ كاتالوگتارى مەن تۇگەندەۋ كىتاپتارىندا ماڭگىگە قالاتىن سىيعا تارتۋشىلارعا العىسىمىز شەكسىز.

كاتالوگتىڭ قۇراستىرۋشى-اۆتورلارى، ماقساتى عىلىمي الەۋەتتى ىنتالاندىرۋدى كوزدەيتىن كەز-كەلگەن عىلىمي باسىلىمعا ٴتان بولاشاق زەرتتەۋلەر بارىسىندا، كەلتىرىلگەن مالىمەتتەردىڭ تولىقتىرىلۋى مەن تۇزەتۋلەر ەنگىزىلۋى مۇمكىن ەكەندىگىن جەتە ۇعىنادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي