BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

حالىق ىنتىماعى – ەل يگىلىگى...

بەرەكەنى كوزدەگەن ەل قاشان دا مەرەكەلى تىرلىك جاساۋدان جالىقپاعان. «بەرەكە باستاۋى بىرلىك، ەل ٴىشى تاتۋ تىرلىك» قاعيداسىن ۇستانعان قورعالجىن ەلى ٴۇشىن دە بۇل مەيرامنىڭ ورنى ەرەك. جىل سايىن اتاۋلى مەرەكەدە قازاقستان اۋماعىندا تۇرىپ جاتقان 130-دان استام ۇلت پەن ۇلىس وكىلدەرى كيەلى قارا شاڭىراقتا ٴتاتۋ-تاتتى، بەرەكە مەن بىرلىكتە، بەيبىتشىلىك پەن ىنتىماقتا ٴومىر ٴسۇرىپ جاتقاندىعىن تويلايدى. ەلىمىزدەگى ەتنوستاردى بۇرىنعىدان دا جاقىنداستىرۋ ٴۇشىن بۇكىل قازاقستاندا جاپپاي پاتريوتتىق شەرۋلەر وتەدى.

1-مامىر «قازاقستان حالىقتارىنىڭ بىرلىگى كۇنى» مەرەكەسىن اۋدان كولەمىندە اتاپ ٴوتۋ ماقساتىندا، اۋداندىق «داۋرەن» ستاديونىندا «حالىق ىنتىماعى – ەل يگىلىگى!» اتتى مەرەكەلىك شەرۋ جانە كونسەرتتىك باعدارلاما جۇرگىزىلدى. مەرەكەلىك شەرۋگە اۋداندىق اكىم اپپاراتىنان باستاپ بارلىق مەكەمەلەرمەن اۋدان باسىنداعى ەكى مەكتەپ وقۋشىلارى قاتىستى. اتالمىش مەرەكە اياسىندا اۋدان جەتىستىكتەرىنەن ارنايى راديو-گازەت ازىرلەنىپ، اۋدان جۇرتشىلىعىنا ۇسىنىلدى. باعىندىرعان بەلەستەر – از ەمەس، شىعار شىڭدار ٴالى دە الدا ەكەندىگىنە انىق كوز جەتكىزە الدىق. 900-دەن استام شەرۋ قاتىسۋشىلارى وزىندىك ۇراندارىمەن مەرەكەلىك كوڭىل-كۇيدى كورسەتە الدى. شەرۋ سوڭى مەرەكەلىك-كونسەرتتىك باعدارلامامەن جالعاسىن تاپتى.

سالتاناتتى بولىمدە قر مەملەكەتتىك ٴانۇرانى ورىندالىپ، ٴار قاتىسۋشى بويىنا پاتريوتتىق رۋح پەن وتانسۇيگىشتىك قاسيەتتى وياتقاندىعى انىق بايقالدى. اۋدان اكىمى – رىسكەلدىنوۆ قايىر ٴومىرسادىق ۇلى قالىڭ جۇرتشىلىقتى ايتۋلى مەرەكەمەن قۇتتىقتاپ، بەيبىتشىلىك پەن جاسامپازدىقتىڭ ماڭگى مەكەنىنە اينالعان قازاقستاننىڭ گۇلدەنۋىنە اتسالىسۋعا شاقىردى.

كونسەرتتىك باعدارلامادا ك. كۇمىسبەكوۆ اتىنداعى قورعالجىن اۋداندىق مادەنيەت ٴۇيىنىڭ كوركەمونەرپازدار ۇجىمدارىنىڭ انسامبلدەرى مەن ونەر مايتالماندارى توبە كورسەتتى. 1 ساعاتتان استام ۋاقىتتى قامتىعان كونسەرتتە: «رۋسسكايا پەسنيا» ٴانسامبلى، «دۋداراي» حالىق فولكلورلىق ٴانسامبلى، «اجەلەر» ٴانسامبلى، ماقسات ابزەلوۆ، تورەحان تاجين، رىسبيكە ورازالينا، اسقار سادۆوكاسوۆ، ٴلاززات قۇسايىنوۆالار اننەن شاشۋ شاشسا، «فلامينگو» حالىق بي ٴانسامبلى «حالىقتار دوستاستىعى» جانە «ٴۇندى»، «قازاق» بيلەرىمەن مەرەكەگە كورىك بەرە تۇسكەندىگى جاسىرىن ەمەس. سونداي-اق، اتالمىش مەرەكە قارساڭىندا جاڭا ەسىمدەر: حاديشا سەيتماعانبەتوۆا، راۋشانگۇل يسماعۇل، ەرزات سماگۋلوۆ-سىندى ازامات، ازاماتشالاردان قۇرالعان تريو «تۋعان جەر» ٴانىن ورىنداپ، كونسەرتتىك باعدارلامانى ٴتامامدادى.

كونسەرتتىك باعدارلاما سوڭى حالىق قىدىرىسىمەن جالعاسىن تاۋىپ، جارمەڭكەگە ۇلاستى. سپورتتىق ويىندار وتكىزىلىپ، مەرەكە جان-جاقتى قامتىلدى دەۋگە تولىق نەگىز بار. مەرەكەلى دە، بەرەكەلى كۇندەرىمىز كوپ بولىپ، حالىق ىنتىماعى ماڭگىلىك جاساي بەرسىن!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي