BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «قايىرىمدى قالاداعى قارلىعاشتار»

كەشەدەن بەرى استاناداعى وقۋشىلار سارايىندا قوستاناي وبلىستىق ٴى.وماروۆ اتىنداعى قازاق دراما تەاترى قوس بىردەي قويىلىم قويىپ جاتىر، دەپ حابارلايدى baq.kz اقپارات اگەنتتىگى.

ٴبىرىنشىسى – «قايىرىمدى قالاداعى قارلىعاشتار» (دراما-ابستراكسيا)، باستالۋى: 19-00. ەكىنشىسى – «مۇڭمەن الىسقان ادام» (دراما-ەلەگيا)، باستالۋى: 17-00.

ەكى تۋىندىنىڭ دا اۆتورى جولتاي ٴجۇمات-الماش ۇلى – قازاق رەسپۋبليكاسىنىڭ قىزىلوردا وبلىسى، جاڭاقورعان اۋدانىنداعى قىراش اۋلىندا دۇنيەگە كەلگەن. ٴابۋ-ناسىر ٴال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ تۇلەگى. جيىرمادان استام پروزالىق جانە دراماتۋرگيالىق تاريحي، زاماناۋي كىتاپتاردىڭ اۆتورى. قازاقستاننىڭ ەڭبەك سىڭىرگەن قايراتكەرى، فيلولوگيا عىلىمىنىڭ كانديداتى، قازاقستان جازۋشىلار وداعىنىڭ پلەنۋم مۇشەسى، قازاقستان جۋرناليستەر وداعىنىڭ جانە كوپتەگەن ادەبي سىيلىقتاردىڭ يەگەرى.

«قايىرىمدى قالاداعى قارلىعاشتار» دراما-ابستراكسياسى 2017 جىلى مادەنيەت مينيسترلىگى جاريالاعان بايقاۋدا بايگە العان. بۇل تۋىندىدا قازاق ەلىنىڭ تاۋەلسىزدىگىنىڭ تۇعىرلى بولۋى جولىنداعى جانقيارلىق كۇرەس پەن استانانىڭ ساۋلەتتى قالا بولىپ تۇرعىزىلۋى، وسى جولداعى ٴتۇرلى قيىنشىلىقتار مەن كەدەرگىلەر ٴسوز بولادى. پەسانىڭ باس كەيىپكەرى – ساۋلەتكەر جىگىت ارقىلى قيلى-قيلى قيىندىقتار مەن تارتىستار جەلىلەنەدى. مۇندا قازاق ەلىنىڭ قالا سالۋ جولىنداعى ارمانى ٴابۋناسىر ٴال-فارابي، ابىز احمەت ياسساۋي، ٴتىپتى حان ابىلاي زامانىندا كوكەيدى تولقىتقانى تۋرالى تولعانىس اسەرلى باياندالعان. سپەكتاكلدىڭ پرەمەراسى قوستاناي وبلىستىق دراما تەاترىندا وسى جىلدىڭ 30-تامىزى كۇنى بولدى. رەجيسسەر – ەرجان قاۋلانوۆ.

«مۇڭمەن الىسقان ادام» دراما-ەلەگياسى وتكەن عاسىردىڭ 30-جىلدارىنداعى الاساپىراندا تۋعان توپىراقتى تاستاپ قاشقان ٴبىر وتباسىنىڭ ايانىشتى تاعدىرى ارقىلى بۇكىل قازاق باستان كەشكەن اۋىر جاعداي ايتىلادى. باس كەيىپكەر اسان قاريا جاسى 80-نەن اسقاندا تۋعان ەلىنە قايتارۋدى ارمان ەتەدى، ال ەكى ۇلى مارات پەن ەلجان اراسىنداعى پىكىر تايتالاسى ارقىلى بۇگىنگى كۇنگى جاستاردىڭ ەكى ٴتۇرلى ويلايتىنى اشىپ كورسەتىلەدى. مارات ەلگە قايتۋعا تۇبىرىمەن قارسى، ال ەلجان – اكە ارمانىن ورىنداعىسى كەلەدى. وسى تالاس ۇستىندە ٴومىردىڭ كوپ شىندىعى اشىلعان. ەڭ اقىرىندا ەلجان اكەسىن قازاق توپىراعىنا جەتكىزەدى.

تۋىندىنىڭ نەگىزگى يدەياسى – تۋعان جەردى ٴسۇيۋ جانە ازاماتتىق بەينەڭدى ساقتاپ قالۋ توڭىرەگىندە وربىگەن. رەجيسسەر – ەرسايىن تولەۋباي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي