BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «استانا – اسىل ارمانىم» كونسەرتى وتەدى

ايگىلى وپەرا ٴانشىسى، «استانا وپەرا» تەاترىنىڭ جەتەكشى ٴسوليسى، قازاقستاننىڭ ەڭبەك سىڭىرگەن قايراتكەرى، قر مەملەكەتتىك سىيلىعىنىڭ لاۋرەاتى مايرا مۇحامەدقىزى «استانا – اسىل ارمانىم» كونسەرتىندە ونەر كورسەتپەك. استانانىڭ 20 جىلدىعىنا ارنالعان تاماشا مۋزىكالىق كەش 8-قىركۇيەكتە وتەدى، دەپ حابارلايدى baq.kz اقپارات اگەنتتىگى.

سونىمەن قاتار وسى كەشتە ساحناعا: «استانا وپەرا» جەتەكشى ٴسوليسى، ارمەنيانىڭ حالىق ٴارتىسى بارسەگ تۋمانيان (باس)، شاقىرىلعان تەنورلار مۇرات قاراحان (تۇركيا) جانە رودريگو پورراس گارۋلو (گەرمانيا) شىعادى. كونسەرتكە «استانا وپەرا» سيمفونيالىق وركەسترى جانە حور قاتىسادى. ديريجەرلىك تۇعىردا – ايگىلى ماەسترو فرانچەسكو يۆان چامپا (يتاليا)، باس حورمەيستەر – قازاقستاننىڭ ەڭبەك سڭىرگەن قايراتكەرى ەرجان ٴداۋىتوۆ.

ەلوردا تۇرعىندارى مەن قوناقتارىنا كوپشىلىكتىڭ سۇيىكتى حالىق اندەرى ٴارى وتاندىق جانە شەتەلدىك وپەرا كلاسسيكاسىنىڭ جاۋھارلارى ۇسىنىلاتىن بولادى. دج.ۆەرديدىڭ، دج. ٴپۋچچينيدىڭ، ج.ماسسنەنىڭ، ح.حيمەنەستىڭ، ف.باربەريدىڭ، ي.كالماننىڭ، ف.لەگاردىڭ، د.شوستاكوۆيچتىڭ، ي.دۋنايەۆسكييدىڭ، ن.جيگانوۆتىڭ جانە ت.ب. تۋىندىلارىنان اريالار، دۋەتتەر، تريو جانە وپەرالار مەن وپەرەتتالاردان ساحنالىق كورىنىستەر شىرقالادى.

مايرا مۇحامەدقىزى پاريج ۇلتتىق وپەراسى، لوتارينگيا ۇلتتىق وپەراسى (نانسي ق.)، كان تەاترى، رەننا وپەرا تەاترى، بوردو تەاترى، ۆاشينگتون ۇلتتىق وپەراسى جانە ت.ب. الەمنىڭ ەڭ ۇزدىك تەاترلارىنداعى وپەرا كلاسسيكاسىنىڭ جاۋھار تۋىندىلارىنداعى باستى پارتيالاردى تابىستى ورىندادى. بۇدان بولەك، ول لوندوندىق كادوگان-حوللدا، بەرليندىك كونسەرتحاۋستە، ۆەناداعى حوفبۋرگ سارايىندا، پاريجدەگى يۋنەسكو زالىندا، پەكيندىك «جون شان لي تان» زالىندا جانە ت.ب. ەۆروپا مەن ازيانىڭ، امەريكانىڭ بەدەلدى زالدارىندا جەكە كونسەرتتەرىمەن ۇنەمى ونەر كورسەتەدى. ساحناداعى سەرىكتەستەرىنىڭ قاتارىندا – ميرەللا فرەني، روبەرتو الانيا، مارسەلو الۆارەس، سەرگەي لەيفەركۋس، كريستينا گاياردو-دومەس، ستيۆەن كوستەللو، بيۋلەنت بەزدۋز سياقتى كوپتەگەن وپەرا جۇلدىزدارى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي