BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ار نامىسىم، قاسىرەتىم، ماقتانىشىم – جەلتوقسان » اتتى پاتريوتتىق كەشى ٴوتتى

14 جەلتوقسان كۇنى ي.ا.كرىلوۆ اتىنداعى قالالىق ورتالىق بالالار كىتاپحاناسى ش.سماعۇلوۆ اتىنداعى دارىندى بالالارعا ارنالعان فيزيكا-ماتەماتيكا ورتا مەكتەپ-ينتەرناتى مەن بىرلەسە وتىرىپ قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «ار نامىسىم، قاسىرەتىم، ماقتانىشىم – جەلتوقسان » اتتى پاتريوتتىق كەشى ٴوتتى.

1986 جىلدىڭ جەلتوقسانىنداعى ادال دا، اڭعال قازاق جاستارىنىڭ بوداندىققا قارسى جويقىن بۇلقىنىسى، بەيبىت شەرۋگە شىققان، تۇڭعىش رەت كەڭەس يمپەرياسىنىڭ زورلىقشىل تاس قامالىنا تايسالماي قارسى شىققان جەلتوقسان قۇرباندارىنىڭ ەرلىگىن، جالىندى جىرلارىن وقۋشىلار كوڭىلىنە ۇيالاتۋ.

قازاق حالقىن دۇنيە جۇزىنە تانىتقان بۇل وقيعانىڭ العاشقى قۇرباندارى قايرات رىسقۇلبەكوۆ، ٴلاززات اسانوۆا، ٴسابيرا مۇحامەدجانوۆا، ەربول سىپاتايەۆتاردى ەسكە الىپ، ولاردىڭ رۋحىنا تاعزىم ەتۋ پارىزىمىز. 1986 جىلدىڭ جەلتوقسانى بۇكىل ۇلتىمىزدىڭ جانىن جارالاپ، جۇرەگىنە ىزعار شاشىپ كەتتى. بوستاندىق ٴۇشىن ورىمدەي جاپ-جاس قىز جىگىتتەر قۇربان بولدى. ٴبىز ٴاردايىم قايراتتىڭ جالىن جۇرەكتى ۇنىنە، قىزداردىڭ نامىسىن قورعاعان ەرلىگىنە، كۇناسىز كۇيىپ كەتكەن كەلبەتىنە باس يەمىز.

ٴان ۇرانىم جان ۇرانىم،
ايتار انىم-سويلەر ٴسوزىم.
تۋعان جەرىم ساعىنارىم،
ماڭگى باقي شىرقالادى – ٴانۇران ورىندالادى.

ەل تاريحى، جەر تاريحى ٴوزىمىز،

بولاشاقتىڭ قاسيەتتى كوزىمىز.

بارلىق ۇلتپەن باۋىرلاسىپ جەتەرمىز،

اق، قارانى ٴتىلىپ تۇرسا ٴسوزىمىز!

دەي كەلە وتكەن تاۋەلسىزدىك العان جىلدارىمىزدان باستاپ،ەلىمىزدىڭ مارتەبەسىن وسىرگەن، ەلىمىزدىڭ بولاشاعىنىڭ ەڭسەسىن تىكتەگەن ەلەۋلى وقيعالارعا شولۋ جاسالدى.

ش.سماعۇلوۆ اتىنداعى دارىندى بالالارعا ارنالعان فيزيكا-ماتەماتيكا ورتا مەكتەپ-ينتەرناتى، № 15 مەكتەپ-گيمنازياسى، ي.نۇسىپبايەۆ اتىنداعى مەكتەپ – ينتەرناتىنىڭ وقۋشىلارى اراسىندا مەكتەپ ارالىق ويىندار: دەبات، ينتەلەكتۋالدى، كوشباسشىلىق جارىستار وتكىزىلدى.

سونىمەن قاتار كەشىمىزگە ارنالعان «تاۋەلسىزدىك باستاۋى - جەلتوقسان» اتتى كىتاپ كورمەسى قويىلدى. قازاقستان تاريحىندا حالقىمىزدىڭ ۇلتتىق سانا-سەزىمىنىڭ قالىپتاسۋىنداعى، ونىڭ قازىرگى الەمدەگى ٴوز ٴرولى، تاۋەلسىزدىك پەن مەملەكەتىمىزدىڭ ەگەمەندىككە قول جەتكىزگەندەگى ماڭىزدى كەزەڭدەرى تۋرالى كىتاپحانا قىزمەتكەرى مايمىشەۆا التىناي تانىستىردى. كورمەدە تاۋەلسىزدىك تاريحى جانە 1986 جىلى 16 جەلتوقسان وقيعاسىنا تۇرتكى بولعان سەبەپتەر مەن دەموكراتيا جولىندا قۇربان بولعان ۇل-قىزداردىڭ ەرلىكتەرى جايىندا ماتەريالدار ۇسىنىلدى. ۇسىنىلعان كىتاپتار: ازاتتىق اڭساعاندار: دەرەكتى شىعارمالار جيناعى، جەلتوقسان - 1986.ۇلت تەڭدىگى كوتەرىلىسى، ك.تابەيدىڭ «قايسار رۋحتى قازاق»، ب. تولەپبەرگەنىڭ «ٴبىز بىلمەيتىن جەلتوقسان» جانە «الماتى 1986 جەلتوقسان» 5 توم، ق.تابەەۆتىڭ قازاقتىڭ جەلتوقسانى، م.شاحانوۆتىڭ جەلتوقسان ەپوپەياسى، ق.ايماحان تاۋەلسىزدىك جەلتوقساننان باستالادى، تاۋەلسىزدىك شەجىرەسى ، ن.ورازالين ازاتتىق ايدىنى، تاۋەلسىز قازاقستان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي