BAQ.kz - Қазақстан жаңалықтары USD 379.01 BAQ.kz - Қазақстан жаңалықтары EUR 423.24 BAQ.kz - Қазақстан жаңалықтары RUB 5.9
استانا:

«انا-جەر انا» تراگەدياسى قۋىرشاقتار بەينەسىندە العاش رەت ساحنالانادى

الماتى مەملەكەتتىك قۋىرشاق تەاترى كورنەكتى جازۋشى، قوعام جانە مەملەكەت قايراتكەرى شىڭعىس تورەقۇل ۇلى ايتماتوۆتىڭ 90 جىلدىق مەرەيتويىنا وراي، اعىمداعى جىلدىڭ اقپان ايىنىڭ 27-28، ناۋرىز ايىنىڭ 1-2 كۇندەرى ارالىعىندا ساعات 17:00-دە «قۇس جولى» پوۆەسىنىڭ جەلىسى بويىنشا ساحنالانعان «انا-جەر انا» تراگەدياسىنىڭ پرەمەراسىن كورەرمەن نازارىنا ۇسىنباق.

قويىلىم رەجيسسەرى – دينا جۇمابايەۆا. سپەكتاكلدىڭ سۋرەتشىسى – يۋليا چەرنوۆا، حورمەيستەرى – عالىمجان بەرەكەشوۆ، بالەتمەيستەرى – گۇلجان داۋلەتقۇلوۆا.

ولار سۇم سوعىستىڭ جولىندا جاستىق شاقتارىن، اسقاق ارماندارىن، تۋلاعان قىزۋى مەن بالاۋسا اجارىن بەردى. قۇلاعان قايىڭ قايتا كوكتەپ، تاپتالعان ەگىن قايتا جايقالىپ جەر جازاسى جازىلسا دا، سول جولدا قۇربان بولعاندار قايتىپ كەلمەدى...

ەل باسىنا تۇسكەن اۋىرتپالىقتى ٴبىر وتباسىنىڭ تاعدىرىمەن سۋرەتتەگەن زاڭعار جازۋشى شىڭعىس ايتماتوۆتىڭ «انا-جەر انا» تراگەدياسىنىڭ كەيىپكەرلەرى العاش رەت قۋىرشاق بەينەسىندە الماتى مەملەكەتتىك قۋىرشاق تەاترىنىڭ ساxناسىندا كورەرمەنگە جول تارتىپ، ٴۇن قاتپاق. انا – ماڭگىلىك سيمۆولى! ٴتورت بىردەي ازاماتىن جەر انانىڭ قويناۋىنا تاپسىرعان تولعاناي بەينەسى قويىلىم بارىسىندا كورەرمەندى توزىمدىلىككە، سابىرلىق پەن قايسارلىققا شاقىرادى.

ادامزاتتىڭ ايتماتوۆىنا اينالعان شىڭعىس تورەقۇل ۇلىنىڭ «انا-جەر انا» تراگەدياسى ەلىمىزدىڭ بىرنەشە درامالىق تەاترلارىندا ساحنالانىپ، ايگىلى ٴازىربايجان مامبەتوۆتىڭ رەجيسسەرلىك قولتاڭباسىنداعى نۇسقاسى مەملەكەتتىك سىيلىققا يە بولعانى بارشامىزعا ٴمالىم.

بۇگىندە ارادا قانشا جىل وتسە دە، وزەكتىلىگىن جوعالتپاعان كلاسسيكالىق شىعارماعا دارىندى رەجيسسەر دينا جۇمابايەۆا ەكىنشى تىنىس سىيلاپ، جاڭاشا فورماتتا رەجيسسەرلىك، اكتەرلىك شەشىمىن تابا وتارىپ، جازۋشىنىڭ سۋرەتكەرلىك قىرىن ونەر سۇيەر جانعا وزگەشە تۇرعىدان سيپاتتاماق. سان عاسىر بۇرىن بولعان تاريحي وقيعانى بۇگىنگى ۇرپاقتىڭ جانىنا جەتكىزۋ، كوز الدىنا كەلتىرۋ – ۇلكەن ونەر.

ٴوز ۇلتىنىڭ مادەنيەتىن، ادەبيەتىن، تاريحىن جان-تانىمەن ۇققان ۇرپاق قانا وزگە حالىقتىن ٴسالت-داستۇرىن، ٴتىلىن، ادەت-عۇرپىن ەرەكشە ىلتيپاتپەن قابىلدايتىنى زاڭدى قۇبىلىس.

تەاتر ۇجىمى ٴقادىرلى ونەر سۇيەر جاندى، تەاتر ونەرىنە دەگەن سۇيىسپەنشىلىگى زور، تالعامى جوعارى كورەرمەندى جانىنا رۋحاني ازىق سىيلاپ، كوڭىل پەردەسىن ادەمى كۇيگە بولەۋ ٴۇشىن اتالمىش پرەمەرانى تاماشالاۋعا شاقىرادى!


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي