«التىن ادام» كورمەسى - مادەني ورتالىقتار|16 قىركۇيەك 2016، 12:34
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«التىن ادام» كورمەسى

2016 جىلعى 6 قىركۇيەكتە سەمەي قالاسىنداعى وبلىستىق تاريحي-ولكەتانۋ مۋزەيىندە قازاقستان رەسپۋبليكاسى ۇلتتىق مۋزەيىنىڭ باستاۋىمەن ەل تاۋەلسىزدىگىنىڭ 25 جىلدىعىنا وراي «ۇلتتىق مۋزەي سەنىڭ قالاڭدا» مادەني تۋرى ٴوتتى.

اتالمىش شارانىڭ باستى ەرەكشەلىگى – تاۋەلسىزدىكتىڭ باعالى مۇراسىنا اينالعان «التىن ادام» جادىگەرىمەن قازاقستان قالالارىندا بولىپ، باعالى مۇرامەن ٴوڭىر تۇرعىندارىنىڭ جاقىنىراق تانىسىپ، زەردەلەپ، تۇسىۋىنە مۇمكىندىك بەرۋ. «الەمگە تانىمال «التىن ادام» ارتەفاكتىسى»، ەلباسى ن.نازاربايەۆ ايتقانداي «قازاقستاننىڭ بەتكە ۇستار جادىگەرى»، ەلدىگىمىزدىڭ باستى سيمۆولى، رەسپۋبليكامىزدىڭ ەڭ قۇندى جادىگەرى.

«التىن ادام» كورمەسى «ۇلتتىق مۋزەيگە ساياحات» جانە 3d گرافيكالىق ۆيديوروليكتەرمەن بىرگە ۇسىنىلعاندىقتان، سەمەي كورەرمەندەرىنىڭ ۇلكەن قىزىعۋشىلىقتارىن تۋدىرۋدا. اشىلۋ سالتاناتىندا ٴسوز سويلەگەن سەمەي قالاسى اكىمدىگىنىڭ مادەنيەت ٴبولىمىنىڭ جەتەكشىسى ب.كوپبايەۆ، قالالىق ارداگەرلەر كەڭەسىنىڭ ٴتوراعاسى ا.دوعالاقوۆ، سەمەي قالاسىنىڭ وبلىستىق تاريحي-ولكەتانۋ مۋزەيىنىڭ باسشىسى ب. تەمىروۆتەر تاماشا «ۇلتتىق مۋزەي سەنىڭ قالاڭدا» جوباسىن ىسكە اسىرۋدا ارقاۋ بولعان رەسپۋبليكا مادەنيەت جانە سپورت مينيسترلىگىنىڭ، قازاقستان رەسپۋبليكاسى ۇلتتىق مۋزەيىنىڭ باسشىلىقتارىنا زور العىستارىن ٴبىلدىردى. سەمەيلىكتەر بۇل شارا ەل تاۋەلسىزدىگىنىڭ 25 جىلدىق مەرەكەسىنە وراي ۇلتتىق يدەولوگيانىڭ نەگىزدەرىن باعامداۋدا باعا جەتپەس ٴىس بولدى دەپ ريزاشىلىقتارىن بىلدىرۋدە. تۇسكە دەيىن 300 گە تارتا كورەرمەن مۋزەيدە بولىپ، كورمەنى تاماشالادى. كورمە جۇمىسى جالعاسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي