BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «قىز جىبەك» مۋزىكالىق دراماسىنىڭ پرەمەراسى وتەدى

13-14 ماۋسىم كۇندەرى م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا ع.مۇسىرەپوۆتىڭ «قىز جىبەك» مۋزىكالىق دراماسىنىڭ پرەمەراسى وتەدى.

قازاقتىڭ ليرو-ەپوستىق جاۋھار جىرى «قىز جىبەك» ماحاببات گيمنى دەسە بولادى. وسى ەپوس نەگىزگە الىنعان بۇل تۋىندىعا دا قىز جىبەك پەن تولەگەننىڭ جۇرەك تەربىرەنتەر قايعىلى ماحابباتى ارقاۋ بولعان. وقيعالار نەگىزىنەن جاعالبايلى رۋىنان شىققان باتىر تولەگەن، شەكتى رۋىنىڭ سۇلۋى جىبەك جانە ەل اراسىندا ەرجۇرەكتىگىمەن، كۇش-قايراتىمەن اتى شىققان باتىر بەكەجان اراسىنداعى قارىم-قاتىناستار توڭىرەگىندە ٴوربيدى دە، اقىرى تولەگەن قىزعانىشتىڭ قۇربانى بولادى. سۇيگەنىنسىز جىبەككە دە ٴومىر جوق...

ەل بىرلىگى مەن تۇتاستىعى يدەياسى قاتار ٴورىلىپ، حالىقتىڭ وي-ارمانى مەن اڭسارى تانىلاتىن، بوياۋى جارقىن قويىلىمدا ۇلتتىڭ ٴومىرى مەن تىعىز بايلانىستى داستۇرلەر دە - باتا ٴسوز، قارعىس، جوقتاۋ، زار، كوڭىل ايتۋ، قوشتاسۋ جانە ت.ب. جاقسى كورىنىس تاپقان.

«قىز جىبەك» مۋزىكالىق دراماسىنىڭ شىعارماشىلىق قۇرامى:

قويۋشى-رەجيسسەر ە.نۇرسۇلتان

رەجيسسەردىڭ اسسيستەنتى ش.جانىسبەكوۆا

قويۋشى-سۋرەتشى ە.تۇياقوۆ

كيىم سۋرەتشىسى ن.قاليەۆا

مۋزىكاسىن وڭدەگەن ا.رايىمكۇلوۆا، ت.جارمۇقانبەت

بالەتمەيستەر ا.سىدىقوۆا

ساحنا سايىسى ا.بايلين

ۆوكال ٴپانىنىڭ ۇستازى گ.قارامولدايەۆا

حور ٴپانىنىڭ ۇستازى گ.بەرەكەشەۆ

رەجيسسەردىڭ كومەكشىسى س.گەنياروۆا

«قىز جىبەك» مۋزىكالىق دراماسىندا تانىمال جۇلدىزدار س.باقايەۆا، ا.شاياحمەتوۆ، ە.دايىروۆ، ا.كيركاباكوۆ،م.تاعانوۆ، ش.اسقاروۆا، ش.جانىسبەكوۆا، گ.تۋتوۆا،ب.تۇرىس، ب.ٴابدىلمانوۆ، س.مەرەكە ۇلى، ج.تولعانباي،ز.كارمەنوۆا، د.ۇسەنوۆا، ج.جانىامانوۆا، ك.شاياحمەتوۆا، ج.ماقاجانوۆا، ا.جۇمابايەۆ، ج.تينبايەۆ، ا.باقىتجانوۆا سىندى باسقا دا كوپتەگەن تەاتر ارتيستەرى ونەر كورسەتەدى.

سونداي-اق، قويىلىم ەل ومىرىندەگى ماڭىزدى شارا «ەكسپو-2017» حالىقارالىق مامانداندىرىلعان كورمەسى اياسىنداعى م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ استانا قالاسىنداعى گاسترولدىك ساپارىندا 23 ماۋسىم كۇنى ساع.19-00دە استانا جاستار تەاترىنىڭ ساحناسىندا الەم جۇرتشىلىعىنىڭ نازارىنا ۇسىنىلماق.

سونداي-اق،14 ماۋسىمدا تەاتردىڭ 91-ماۋسىمىنىڭ جابىلۋ سالتاناتى وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي