BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا اۆتورلىق قۇقىق بويىنشا سەمينار وتەدى

2018 جىلعى 15 قاڭتار كۇنى ساعات 16.00 دە ٴا. قاستەەۆ اتىنداعى قر مەملەكەتتىك ونەر مۋزەيى «اسەم الەم» ونەر اكادەمياسىنىڭ اياسىندا، قازاقستانداعى اۆتورلىق قۇقىق بويىنشا سەمينارلار توپتاماسىن باستايدى. سەميناردىڭ تاقىرىبى: «اۆتورلىق قۇقىق - مادەني-كاسىپكەرلىك نەگىزى». ٴدارىس وقۋشى – زاڭ عىلىمدارىنىڭ كانديداتى تەمىرلان بولات ۇلى تولەگەنوۆ. سەمينارلار ايىنا ٴبىر رەت بىرنەشە اي كولەمىندە وتەتىن بولادى.

قازاقستاننىڭ الەمدىك مادەني جانە ىسكەرلىك قوعامداستىققا كىرۋى ىسكەرلىكتى جۇرگىزۋدىڭ الەمدىك تاجىريبەسىن، سونىڭ ىشىندە، اۆتورلىق قۇقىق نەمەسە زياتكەرلىك مەنشىك قۇقىعى تۋرالى ماسەلە كوتەرىلەتىن ونەر سالاسىندا دا ەنگىزۋ بولىپ تابىلادى. نەگە ٴسىز اۆتورلىق قۇقىق تۋرالى زاڭدى بىلمەسەڭىز، از اقشا تاباسىز؟ نەگە تۋىندىنى ساتىپ العان كەزدە اۆتورلىق قۇقىقتار ارنايى كەلىسىم جاسالماسا، ساتىپ الۋشىعا بەرىلمەيدى؟ قۇقىقتاردى بەرۋدى قالاي راسىمدەۋ كەرەك؟ شىعارماشىلىق ادامداردىڭ قۇقىقتارى قانداي؟ ٴسىز وسى جانە باسقا دا اۆتورلىق قۇقىقپەن بايلانىستى ماڭىزدى سۇراقتارعا جاۋاپ الاتىن بولاسىز.

تەمىرلان تولەگەنوۆ «ورت-كازاحستان»، «31 كانال» جانە «استانا»، «قازاقفيلم» كينوستۋدياسىندا اۆتورلىق قۇقىق بويىنشا كەڭەسشى بولىپ قىزمەت اتقاردى. قازاقستاننىڭ انتيپيراتتىق ۇيىمىن (كازاسپ) باسقاردى. «ابىروي» اۆتورلىق قوعامىنىڭ اۆتورلىق كەڭەسىنىڭ ٴتوراعاسى بولدى. «اۆتورلىق قۇقىق نەگىزدەرى» پانىنەن قۇرمانعازى اتىنداعى الماتى كونسەرۆاتورياسى مەن ت. جۇرگەنوۆ اتىنداعى قازاق ۇلتتىق ونەر اكادەمياسىندا ساباق بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي