BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الەم جۇرتشىلىعىنىڭ نازارىندا – «بەيبارىس سۇلتان»

ەلورداسى استانا قالاسىندا ٴوتىپ جاتقان «ەكسپو-2017» حالىقارالىق مامانداندىرىلعان كورمەسى اياسىندا م.اۋەزوۆ اتىنداعى قازاق مەملەكەتتىك اكادەميالىق دراما تەاترى 18-25 ماۋسىم ارالىعىندا ونەر كورسەتەدى.

ەل تاريحىندا قالاتىن ايتۋلى شارا – «ەكسپو -2017» كورمەسى اياسىندا كوپتەگەن مادەني شارالار باستاۋ الىپ، ٴوز جالعاسىن تابۋدا. سولاردىڭ ٴبىرى –كسرو جانە قازاقستاننىڭ حالىق ٴارتيسى، «قازاقستاننىڭ ەڭبەك ەرى» ٴاسانالى ٴاشىموۆتىڭ 80 جىلدىق مەرەيتويىنا ارنالعان i دۇنيەجۇزىلىك «استانا» تەاتر فەستيۆالى. بۇل فەستيۆالدە قازاقستاندىق تەاترلارمەن قاتار، الىس-جاقىن شەتەلدەردەن كەلگەن ۇجىمدار دا ونەر كورسەتۋدە. ٴوز كەزەگىندە اۋەزوۆ تەاترى رەپەرتۋاردان بەرىك ورىن العان «بەيبارىس سۇلتان» قويىلىمىن الەمنىڭ تۇكپىر-تۇكپىرىنەن كەلگەن قوناقتاردىڭ نازارىنا ۇسىندى. كەمەڭگەر بيلەۋشى، تاعدىرى كۇردەلى تۇلعا سۇلتان بەيبارىستىڭ ومىرىنەن سىر شەرتەتىن قويىلىمنىڭ اۆتورى – راقىمجان وتاربايەۆ بولسا، رەجيسسەرى – يۋريي حانينگو-بەكنازار. ادام بويىنداعى تۋعان ەلگە، جەرگە دەگەن پاتريوتتىق سەزىمدى وياتىپ، وتانعا دەگەن سۇيىسپەنشىلىكتى ارتتىراتىن قويىلىمدا ا.ساتىبالدى، ە.دايىروۆ، ب.تۇرىس، ا.شاياحمەتوۆ سىندى تەاتردىڭ بەلدى اكتەرلەرى ونەر كورسەتتى. الەم جۇرتشىلىعىنىڭ نازارىنا ۇسىنىلعان تۋىندى ارقىلى تەاتر ارتيستەرى ٴوز شەبەرلىكتەرىن تاعى ٴبىر مارتە دالەلدەپ، حالىقتىڭ ىستىق-ىقىلاسى مەن زور قۇرمەت-قوشەمەتىنە بولەندى. مۇنىڭ دالەلى رەتىندە لىق تولعان كورەرمەن زالىن اتاپ وتۋگە بولادى. رەجيسسەرلىك شەشىم، اكتەرلىك ويىن، مۋزىكا مەن سسەنوگرافيالىق بەدەرلەۋ بىر-بىرىمەن ۇيلەسىم تاپقان قويىلىم ٴاربىر كورەرمەننىڭ جۇرەگىنەن ورىن تاپقانى ٴسوزسىز.

الەمنىڭ ٴار بولىگىنەن كەلگەن تەاتر ۇجىمدارىمەن تەرەزەلەرىن تەڭ ۇستاپ، جوعارى دەڭگەيدە ونەر كورسەتكەن اۋەزوۆ تەاترى، ۇلتتىق جاۋھارلارىمىزعا اينالعان «اباي»، «قىز جىبەك»، «ماحاببات داستانى» سىندى شىعارمالاردى الداعى كۇندەرى دە كورەرمەن نازارىنا ۇسىناتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي