BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايشا عالىمبايەۆانىڭ تۋعانىنا 100 جىل تولۋىنا ارنالعان كورمە اشىلادى

27 جەلتوقساندا ٴا. قاستەەۆ اتىنداعى قر مەملەكەتتىك ونەر مۋزەيىندە قر حالىق سۋرەتشىسى، ش. ٴۋاليحانوۆ اتىنداعى قر مەملەكەتتىك سىيلىعىنىڭ لاۋرەاتى ايشا عالىمبايەۆانىڭ تۋعانىنا 100 جىل تولۋىنا ارنالعان كورمەنىڭ اشىلۋى جانە كوركەمسۋرەتتى البومىنىڭ تانىستىرىلىمى بولادى.

كورمەگە سۋرەتشىنىڭ ٴا. قاستەەۆ اتىنداعى قر ٴموم قورىنان، وتباسىلىق جانە جەكە كوللەكسيادان الىنعان 80-نەن استام كەسكىندەمەلىك جانە گرافيكالىق جۇمىستارى قويىلادى.

ايشا عالىمبايەۆا ۇلتتىق مادەنيەت تاريحىنا قازاق ايەلدەرى اراسىندا تۇڭعىش كاسىبي سۋرەتشى رەتىندە كىردى. 1939 جىلى ايشا عالىمبايەۆا الماتى تەاتر-كوركەمسۋرەت ۋچيليششەسىنە وقۋعا ٴتۇسىپ، وندا ا. چەركاسسكيي مەن ل. لەونتەۆتەن ٴدارىس الدى. 1949 جىلى ماسكەۋدەگى بۇكىلوداقتىق مەملەكەتتىك كينەماتوگرافيا ينستيتۋتىنىڭ كوركەمسۋرەت-بەزەندىرۋ فاكۋلتەتىن اياقتاعان سوڭ، الماتى كوركەمسۋرەتتى جانە حرونيكالىق فيلمدەر كينوستۋدياسىندا جۇمىس ىستەدى. ا. عالىمبايەۆا ٴومىرىنىڭ كوپ بولىگىن قوندىرعىلى كەسكىندەمەگە ارنادى. ونىڭ كولوريست رەتىندەگى تاماشا تالانتى جانە رۋحى مەن كوركەمدىك ورىندالۋ ٴتاسىلى ۇلتتىق جارقىن دا كوركەم وبرازداردى جاساۋ قابىلەتى ناق وسى ارادا تولىعىمەن اشىلدى. ايشا عالىمبايەۆانىڭ تۋىندىلارى بۇگىندە ۇلتتىق بەينەلەۋ ونەرىنىڭ كلاسسيكاسىنا اينالۋى زاڭدى دەپ بىلەمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي