BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ايشا ابدۋللينا – 100 جاستا!

جاقىندا عانا قۇرىلعان قازاقستان تەاترلارى اسسوسياسياسى 5 ناۋرىز كۇنى قازاقستاننىڭ حالىق ٴارتىسى «پاراسات»، «قۇرمەت» وردەندەرىنىڭ يەگەرى، 100 جاستاعى ايشا ابدۋللينانىڭ ٴومىرى مەن شىعارماشىلىعىنا ارنالعان مەرەيتويلىق كەشىن وتكىزدى.

كسرو حالىق ٴارتيسى ٴاسانالى ٴاشىموۆتىڭ باستاماسىمەن قۇرىلعان بۇل اسسوسياسيانىڭ باستى ماقساتى اتى اڭىزعا اينالعان تۇلعالار تۋرالى جيىن وتكىزە وتىرىپ، تەاتر ونەرىن دامىتۋ، ارتىستەرگە قولداۋ كورسەتۋ ٴارى جاس بۋىندى تەاتر ونەرىنە باۋلۋ.

مەرەيتويلىق كەشتە ا.توكەبايقىزىنا قازاقستان تەاترلارى اسسوسياسياسىنىڭ اتىنان 1،500 000 ميلليون تەڭگە اقشالاي سىيلىقتى كسرو حالىق ٴارتيسى ٴاسانالى ٴاشىموۆ تاپسىردى. م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەرلان ٴبىلال ۇجىم اتىنان قۇتتىقتاۋىن جەتكىزدى. قر مادەنيەت جانە سپورت ۆيسە-مينيسترى ا.رايىمقۇلوۆا مەملەكەتتىك حاتشى گ.ٴابدىحالىقوۆا مەن مينيستر ا.مۇحامەدي ۇلىنىڭ قۇتتىقتاۋىن جەتكىزىپ، مەرەيتوي يەسىنە شاپان جاپتى.

جينالعان كوپشىلىكتىڭ ىستىق ىقىلاسى مەن قۇرمەتىنە ريزا بولعان ايشا توكەبايقىزى اۋەلەتىپ ٴان سالدى. ٴومىر مەكتەبىنەن سىر شەرتتى:

«ەڭ ٴبىرىنشى 18 جاسىمدا «ەڭلىك-كەبەك» قويىلىمداعى ەڭلىكتىڭ بەينەسىن سومدادىم. بۇل مەنىڭ ەڭ ٴبىرىنشى باستى ٴرولىم ەدى. قوبالجىدىم، ىشتەي قاتتى ۋايىمدادىم. سول كۇيىمدى بايقاعان كۇلاش بايسەيىتوۆا «قورىقپا، ٴوزىڭدى ەركىن ۇستا، ٴاربىر ٴسوزىڭدى ناقتى ايت. سەنىڭ ٴسوزىڭدى ەڭ سوڭعى قاتاردا وتىرعان كورەرمەن انىق ەستيتىن بولسىن»، – دەپ اقىل-كەڭەسىن بەردى. العاش تەاتر تابالدىرىعىن اتتاعان جاستارعا كۇلاش بايسەيىتوۆاداي كىسىلەردىڭ ٴبىر اۋىز جىلى ٴسوزى قانات بىتىرەتىن. شابىتتاندىراتىن. ٴقازىر ويلاپ وتىرسام ساحنادا 200-دەن استام رولدە ويناپپىن. ٴار ٴرول جانىما جاقىن بولدى. ونى سەنىمدى شىعارۋ ٴۇشىن قانشاما ىزدەندىم، تەر توكتىم. سول كەيىپكەر بولىپ ٴومىر ٴسۇردىم. «قىز جىبەكتە» – جىبەك بولسام، «قوزى كورپەش بايان سۇلۋدا» – بايان بولدىم»، «ايمان – شولپاندا» – ايمان، «ەر تارعىندا» – ٴاقجۇنىس، تاعى باسقا كوپتەگەن قويىلىمداردا باستى ٴرولدى سومدادىم. سونداي-اق، ەلىمىزدە تۇڭعىش رەت قويىلعان ۋ. شەكسپيردىڭ «وتەللو» قويىلىمىندا دەزدەمونانى بەينەلەدىم. بۇل ەكىنىڭ بىرىنە بۇيىرا بەرمەيتىن باق ەدى.

1947 جىلى شىمكەنتتەگى جۇمات شانين تەاترىنا اۋىسىپ كەلدىم. شىنىمدى ايتسام، ٴرول تاڭدامايتىنمىن. ۇلكەن، كىشى دەپ تە بولمەدىم. قانداي ٴرول بۇيىرسا سوعان بار جان-تانىممەن كىرىستىم».

الماتى قالاسىندا ومىرگە كەلىپ، كۇلاش بايسەيىتوۆامەن ٴبىر كوشەنىڭ بويىندا تۇرۋى ايشا توكەبايقىزىنىڭ ومىردەن ٴوز ورنىن تابۋعا نەگىز بولدى. قولىنان جەتەكتەپ ساحناعا الىپ شىققان ك.بايسەيىتوۆا دراما تەاتردان وپەرا تەاترىنا اۋىسقاندا ونىڭ رولدەرىن الماستىرۋ مىندەتى ايشا توكەبايقىزىنا تاپسىرىلادى. كۇلاش بايسەيىتوۆا سومداعان رولدەردى ٴوز دەڭگەيىندە الىپ شىعۋ ٴۇشىن اكتريسا بار كۇش-جىگەرىن سالادى. ايانباي تەر توگەدى. اكتريسانىڭ ٴتۇرلى سۇحباتتارىندا «مەنىڭ ساحناداعى باعىمدى اشقان – كۇلاش بايسەيىتوۆا» دەپ ايتىپ ٴجۇرۋىنىڭ دە سىرى وسىندا ەدى.

ەلۋباي ٴومىرزاقوۆ، سەركە قوجامقۇلوۆ، قاليبەك قۋانىشبايەۆ سەكىلدى كوپتەگەن ابزال اعالارمەن بىرگە ونەر كورسەتىپ، ساحنادا كارىنى دە، جاستى دا، قازاق، وزبەك، تاتار سەكىلدى كوپتەگەن ۇلت وكىلدەرىنىڭ بەينەسى سەكىلدى 200-دەن استام ٴرول سومداۋ ەكىنىڭ ٴبىرىنىڭ باسىنا بۇيىرا بەرمەيتىن باق ەدى.

1958 جىلى اكتريساعا «قازاقستاننىڭ حالىق ٴارتىسى» اتاعى بەرىلدى. ايشا توكەبايقىزى قازاقتان شىققان تۇڭعىش ايەل-رەجيسسەرلەردىڭ ٴبىرى عاينيجامال حايرۋللينا دايىنداعان ٴتورت قويىلىمدا ويناپ، تورتەۋىن دە ماسكەۋدىڭ ساحنا مايتالماندارى ۇزدىك دەپ مويىنداپ، جوعارى باعا بەرەدى. وسى جەتىستىگى ونىڭ «قازاقستاننىڭ حالىق ٴارتىسى» اتاعىن الۋعا سەبەپشى بولادى.

بار ٴومىرىن ساحنا ونەرىنە ارناعان ايشا ابدۋللينانىڭ ٴومىر جولى ونەگەگە تولى. قازاقستان تەاترلارى اسسوسياسياسىنىڭ دا باستى ماقساتى ايشا توكەبايقىزى سەكىلدى ساحنا ساڭلاقتارىن بۇگىنگى جاس ارتىستەرگە ۇلگى ەتىپ، ايتقان اڭگىمەسى ارقىلى ساباق بەرۋ ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي