BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەزقازعان مىس بالقىتۋ زاۋىتى تولىق قۋاتىمەن جۇمىس ىستەي باستادى

فوتو: karaganda-region.gov.kz

استانا، baq.kz. بۇگىن «قازاقمىس سمەلتينگ» جشس قارايتىن جەزقازعان مىس بالقىتۋ زاۋىتى ٴوز جۇمىسىنىڭ تولىق قۋاتتىلىعىن قايتا جاڭعىرتتى. مۇندا ەكىنشى رۋدوتەرميالىق پەش (رتپ) ىسكە قوسىلدى. بۇل تۋرالى قاراعاندى وبلىسى اكىمدىگىنىڭ رەسمي سايتى حابارلايدى.

2009 جىلدان باستاپ كاسىپورىندا تولىق جۇكتەمە ٴۇشىن شيكىزات جەتكىلىكسىز بولعاندىقتان تەك ٴبىر پەش قانا جۇمىس ىستەگەن بولاتىن. ەندى، كوپ جىلدارعا سوزىلعان ۇزىلىستەن سوڭ، زاۋىت تولىققاندى جۇمىس رەجيمىنە ورالدى.

ەكىنشى رۋدوتەرميالىق پەشتى ىسكە قوسۋ سالتاناتىنا قاراعاندى وبلىسىنىڭ اكىمى ەرلان قوشانوۆ جانە "kazakhmys holding" جشس ديرەكتورلار كەڭەسىنىڭ باسقارما ٴتوراعاسى ەدۋارد وگاي بولدى.

مىس بالقىتۋ زاۋىتىنىڭ مەتاللۋرگتەرىن قۇتتىقتاي كەلە، ايماق باسشىسى اتالمىش ٴوندىرىس وشاعىنىڭ تەك ٴبىزدىڭ وبلىس ٴۇشىن عانا ەمەس، بۇكىل ەلىمىز ٴۇشىن ماڭىزدى ەكەنىن اتاپ ٴوتتى.

«ەگەر زاۋىت ون جىل كولەمىندە ٴوزىنىڭ جارتىلاي قۋاتتىلىعىنا عانا جۇمىس ىستەپ، 100 مىڭ توننا مىس وندىرگەن بولسا، ەندى ەكىنشى پەشتىڭ كومەگىمەن ەلىمىز 200 مىڭ توننا مىس الاتىن بولادى. بۇل، ٴبىرىنشى كەزەكتە، ەلباسىنىڭ تىكلەي تاپسىرماسىمەن جەزقازعان ماڭىندا جاڭا مينەرالدى كەن ورىندارىن بارلاۋ، اشۋ جانە قۇرۋدىڭ ارقاسىندا مۇمكىن بولىپ وتىر. جەزقازعاننىڭ بولاشاعى ۇلكەن دەپ ويلايمىن»، - دەدى ەرلان قوشانوۆ.

كاسىپورىندا شيكىزات بازاسىن كەڭەيتە الدى. ول سونىمەن قاتار «كاز مينەرالس» جشس جاڭا تاۋ-كەن بايىتۋ نىساندارى ىسكە قوسىلعان سوڭ جۇزەگە اسىرىلدى.

«بۇگىن ٴبىز جەزقازعان مىس بالقىتۋ زاۋىتىنىڭ قايتا جاندانۋىنا كۋا بولىپ وتىرمىز. ٴبىرىنشى كەزەكتە مەن ەلباسىمىزعا 2012 جىلى «قازاقمىس» كورپوراسياسىنىڭ رۋدا-شيكىزات بازاسىن تولىقتىرۋ تۋرالى شەشىم قابىلداعانى ٴۇشىن العىسىمىزدى بىلدىرگىم كەلەدى. سونىمەن قاتار زاۋىت ۇجىمىنا دا ۇلكەن راحمەت دەگىم كەلەدى – وسىنىڭ بارلىعى سىزدەردىڭ كوز الدارىڭىزدان ٴوتتى. ناتيجەسىندە وندىرىسمىزدە بارلىعى قايتا جاندانىپ، بۇرىڭعىداي جۇمىس ىستەۋدى باستاپ كەلەدى»، - دەپ اتاپ ٴوتتى «kazakhmys holding» جشس ديرەكتورلار كەڭەسىنىڭ باسقارما ٴتوراعاسى ەدۋارد وگاي.

جمز ەكىنشى پەشتىڭ ىسكە قوسىلۋى 600-گە جۋىق جاڭا جۇمىس ورىندارىن قۇرۋعا مۇمكىندىك بەردى. ەكى پەشتىڭ جۇمىس ىستەۋى بارىسىندا جۇمىس ىستەيتىن قىزمەتكەرلەردىڭ جالپى سانى 2000 ادامنان اسادى.

بۇگىنگى تاڭدا زاۋىتتىڭ قۋاتتىلىعى – جىلىنا 220 000 توننا كاتودتىق مىس ٴوندىرۋ. ايتا كەتۋ كەرەك، جمز-دا مىستى كاتودقا جىلپىلاي ٴبولىپ الۋ دارەجەسى جوعارى - 98% اسادى.

«جەزقازعان ايماعىنىڭ دامۋى ەلباسىنىڭ ەرەكشە نازارىندا. بىرنەشە جىل بۇرىن پرەزيدەنتتىڭ تاپسىرماسىمەن رەسپۋبليكالىق ماڭىزى بار تەمىرجول تارتىرعان بولاتىن. سونىمەن قاتار قۇرىلىس جانە جول ينفراقۇرىلىمدارى دا جاقسارتىلۋدا: تۇرعىن ٴۇي قۇرىلىسى بەلسەندى جۇرگىزىلۋدە، جولدار جوندەلىپ جاتىر. كەلەسى جىلى ۇلكەن سپورت كەشەنى جانە دارىندى بالالارعا ارنالعان مەكتەپ سالىنادى. وسىنىڭ بارلىعى ەلباسىنىڭ ايماقتاردى دامىتۋ تۋرالى تاپسىرماسى اياسىندا جۇزەگە اسىرىلۋدا. ەگەر ٴوندىرىس ٴارى قاراي دامىسا، الەۋمەتتىك ماسەلەلەر دە شەشىلەدى دەپ ويلايمىن»، - دەپ اتاپ ٴوتتى وبلىس اكىمى ەرلان قوشانوۆ.

جەزقازعان تۇرعىندارى ٴۇشىن تاعى ٴبىر قۋانىشتى وقيعا زاماناۋي uly dala گيپەرماركەتىنىڭ اشىلۋى بولدى. ول باسقا دۇكەندەردەگىگە قاراعاندا وندا باعالارى تومەن ەكەندىگىمەن ەرەكەشەلەنەدى. «كazakhmys holding» قۇرىلىسقا 2 ملرد تەڭگە ينۆەستيسيا سالعان. جوبانىڭ باس مەردىگەرى جانە وپەراتورى «پيك «يۋتاريا ltd». جشس بولىپ تابىلادى.

«بۇل نىساندى قۇرۋ بارىسىندا «كazakhmys holding» وتباسىلىق بيۋدجەتتى قولداپ، پايدالى تاعام ۇسىنۋدى ماقسات قىلعان. ٴبىز نەگىزگى ازىق-تۇلىك ونىمدەرىنىڭ باعالارىن تالدادىق. ٴبىزدىڭ گيپەرماركەتتەگى نەگىزگى تۇتىنۋشىلىق سەبەتىنىڭ باعاسىن تومەندىگى ورتاشا ەسەپتەگەندە 28،7% قۇرايدى. ٴبىز بۇعان ٴونىم وندىرۋشىلەرمەن جانە جەتكىزۋشىلەرمەن تىكەلەي جۇمىس ىستەۋدىڭ ارقاسىندا قول جەتكىزىپ وتىرمىز. گيپەرماركەتىمىزدە شامامەن 50 وتاندىق كومپانيالاردىڭ ونىمدەرى قويىلدى»، - دەدى «پيك «يۋتاريا ltd». جشس جەتەكشىسى ساۋلە شاۋەنوۆا.

بۇل نىسانداعى بارلىق پروسەسستەردى باسقارۋ ٴۇشىن اۆتوماتتاندىرىلعان ەسەپتەۋ باعدارلاماسى، الەمدىك ٴونىم وندىرۋشىلەر تاۋارلارىنىڭ وزىندىك قۇنىن ەسەپتەيتىن باعدارلاما، ۇرلىققا قارسى جۇيە ورناتىلعان.

uly dala گيپەرماركەتى جەزقازعان-ساتپايەۆ جولىندا ورنالاسقان ول ۇلكەن اينالىمعا شاقتالعان – كۇنىنە 3000 ساتىپ الۋشىعا دەيىن. گيپەرماركەتتىڭ اشىلۋى 180 جاڭا جۇمىس ورىندارىن قۇرۋعا مۇمكىندىك بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي