2239 
0
تاراز، baq.kz ٴتىلشىسى. جامبىل وبلىسىندا «رۋحاني جاڭعىرۋ» باعدارلاماسى اياسىندا «تۋعان جەرگە تۋىڭدى تىك» اتتى جەرلەستەر فورۋمى ٴوتتى.
استانا: 
تاراز، baq.kz ٴتىلشىسى. جامبىل وبلىسىندا «رۋحاني جاڭعىرۋ» باعدارلاماسى اياسىندا «تۋعان جەرگە تۋىڭدى تىك» اتتى جەرلەستەر فورۋمى ٴوتتى.
وبلىس كولەمىندە العاش رەت وتكەن جەرلەستەر فورۋمىنىڭ نەگىزگى بولىمىندە قوعام قايراتكەرى، وبلىستىق قوعامدىق كەڭەستىڭ ٴتوراعاسى جاندار كارىباي ۇلى، قازاقستاننىڭ ەڭبەك سىڭىرگەن قايراتكەرى، الماتى قالاسىنىڭ قۇرمەتتى ازاماتى اياگۇل ميرازوۆا، قازاق كۇرەسىنەن حالىقارالىق دارەجەلى سپورت شەبەرى، 3 دۇركىن قازاقستان بارىسى، «ەۋرازيا بارىسى» حالىقارالىق تۋرنيرلەرىنىڭ جەڭىمپازى بەيبىت ىستىبايەۆ، بىلىكتى ەكونوميست، بەلگىلى مەسەنات ازاماتحان ٴامىرتاي، "rumi group" مەيرامحانالار جەلىسىنىڭ نەگىزىن قالاۋشى، كاسىپكەر قۋانىش شوڭباي، قازاقستاننىڭ ەڭبەك ەرى، «كازفوسفات» جشس باس ديرەكتورى مۇقاش ەسكەندىروۆ قاتىسىپ، قۇتتىقتاۋلارىن جەتكىزدى.
«بۇگىنگى قاسيەتتى اتامەكەنىمىزدىڭ وركەندەۋىنە ٴوز ۇلەسىن قوسىپ جۇرگەن ازاماتتار قاتارىنىڭ جىل ساناپ ٴوسىپ كەلە جاتقانى كوڭىلگە قۋانىش ۇيالاتادى. بۇعان مىسال، بۇگىنگى كۇنى «اتامەكەن» باعدارلاماسى اياسىندا ولار 39 جوبا، ونىڭ ىشىندە 7 تۇرعىن ٴۇي مەن پاتەر، 4 اللەيا، 1 مەديسينالىق پۋنكت، 1 مۋزەي جانە 26 سپورت نىسانى پايدالانۋعا بەرىلسە، جىل سوڭىنا دەيىن تاعى 18 جوبا جۇزەگە اسىرىلادى. ونىڭ ىشىندە 5 سپورت نىسانى، 3 تۇرعىن ٴۇي، 5 الەۋمەتتىك كومەك جانە 5 ينفراقۇرىلىمدى جاڭعىرتۋ شارالارى بار»، - دەدى جاندار كارىباي ۇلى.
قوعامنىڭ جوعارى قولداۋىنا يە بولعان «رۋحاني جاڭعىرۋ» باعدارلاماسىن ىلگەرىلەتۋ، «تۋعان جەر» باعدارلاماسىنىڭ جالپىۇلتتىق ٴپاتريوتيزمنىڭ نەگىزگى وزەگىنە اينالۋىنا سەرپىن بەرۋ جانە وتانعا دەگەن قالتقىسىز قىزمەت پەن تۋعان جەرگە دەگەن شىنايى سۇيىسپەنشىلىك سەزىمدەرىنىڭ قالىپتاسۋىنا ىقپال ەتۋ شارانىڭ ماقساتى بولىپ تابىلادى.
فورۋم بارىسىندا «رۋحاني جاڭعىرۋ» باعدارلاماسى اياسىندا وتكىزىلگەن «جومارت جۇرەك» سىيلىعىنىڭ لاۋرەاتتارى ماراپاتتالادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6547
0