استانا: 
1711 
0
تاراز، baq.kz ٴتىلشىسى. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگتە وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارما باسشىسىنىڭ ورىنباسارى قۇدايبەرگەن قورعانبايەۆ مالىمدەدى.
«بيۋدجەتتىك نىسانداردىڭ، سونداي-اق كوپقاباتتى تۇرعىن ۇيلەردىڭ بارلىعى 100% جىلۋمەن قامتىلىپ وتىر. بۇگىنگى كۇنگە وبلىس بويىنشا جىلۋمەن قامتۋ كوزدەرىنە، بيۋدجەتتىك نىسانداردىڭ جانە كوپقاباتتى تۇرعىن ۇيلەردىڭ 3 250 نىسانىنىڭ بارلىعى قوسىلعان. ولاردىڭ ىشىندە، 794 ٴبىلىم بەرۋ، 406 دەنساۋلىق ساقتاۋ نىسانى جانە وبلىس بويىنشا 1497 كوپ قاباتتى تۇرعىن ٴۇي بار»، - دەدى باسقارما باسشىسىنىڭ ورىنباسارى.
قورعانبايەۆ تۇتىنۋشىلارعا جالپى جىلۋ ەسەپتەۋ اسپاپتارىن ورناتۋ قاجەتتىلىگى بۇگىنگى كۇنگى وزەكتى ماسەلەلەرىنىڭ ٴبىرى بولىپ وتىرعانىن ايتتى.
«ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» زاڭعا سايكەس، تابيعي مونوپوليا نىساندارى تۇتىنۋشىلارعا جالپى جىلۋ ەسەپتەۋ اسپاپتارىن ساتىپ الۋعا جانە ورنالاستىرۋعا مىندەتتى. وبلىستا جالپىۇيلىك ەسەپتەگىش قۇرالدارىن ورناتۋدىڭ دەڭگەيى بۇگىندە 79،8% قۇراپ وتىر. جوسپار بويىنشا 1 249 ورناتىلۋى كەرەك بولسا، ازىرگە 997 بىرلىك ەسەپتەۋىش قۇرال قويىلدى. «تۇرعىن ۇي-كوممۋنالدىق شارۋاشىلىقتى دامىتۋ قورى» اق-مەن وتكەن جىلى 435 جالپىۇيلىك جىلۋ ەسەپتەگىش قۇرالدارىن ورناتۋ ٴۇشىن 363 ملن تەڭگەگە قارجىلىق كەلىسىم-شارت جاسالدى. 2016 جىلى شىلدە ايىندا باستاپ ارنايى كەستەگە سايكەس بۇگىنگى كۇنگە دەيىن 247 ەسەپتەگىش قۇرال ورناتىلۋىنا قول جەتكىزدىك. بۇل ٴىس ودان ٴارى جالعاسۋدا»، - دەگەن باسقارما وكىلى وسى ماسەلەنىڭ تيىمدىلىگىن تۇسىندىرۋگە بايلانىستى قالا تۇرعىندارىمەن 150 استام كەزدەسۋ وتكىزىلگەنىن ايتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6536
0