BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

جامبىلدا پيك ٴتاريفى 20% ارزاندايدى

فوتو: ашық дереккөзден

استانا، baq.kz. وبلىستا پاتەر يەلەرى كوپەراتيۆتەرى قىزمەتىنىڭ ٴتاريفى 2019 جىلدىڭ 1 قاڭتارىنان باستاپ 20% تومەندەتىلەدى. بۇل جونىندە جامبىل وبلىسى اكىمىنىڭ ٴبىرىنشى ورىنباسارى بەكبولات ورىنبەكوۆ مالىمدەدى.

«تاريفتەردى تومەندەتۋ جونىندە بەرىلگەن تاپسىرمالار بويىنشا ٴبىرقاتار جۇمىستار جۇرگىزىلدى. اتاپ ايتساق، 2019 جىلدىڭ 1 قاڭتارىنان باستاپ تاۋارلى گازدىڭ شەكتى باعاسى جامبىل وبلىسىنا 11،4% نەمەسە 21،1 تەڭگەدەن 18،7 تەڭگەگە تومەندەتىلەدى. سونىمەن قاتار، تاۋارلى گازدى تاسىمالداۋ قىزمەتى دە 25% تومەندەتىلدى، ياعني 1،0 م3 ٴۇشىن 8،5 مىڭ تەڭگەدەن 6،4 مىڭ تەڭگەگە. ناتيجەسىندە، تۇرعىندار ٴۇشىن تاۋارلى گازدىڭ بولشەك ساتىلىمداعى باعاسى 1،0 م3 ٴۇشىن 6،3% نەمەسە 27،2 تەڭگەدەن 25،5 تەڭگەگە تومەندەتىلدى»، - دەدى ورىنبەكوۆ.

ونىڭ ايتۋىنشا، كەلەر جىلدىڭ 1 قاڭتارىنان باستاپ، «جامبىل گرەس» اق وندىرەتىن ەلەكتر ەنەرگياسىنىڭ ٴتاريفى 14% جانە «تارازەنەرگوورتالىق» (تەس-4) 19% ارزانداتىلماق.

«ەلەكتر ەنەرگياسىن تاسىمالدايتىن «جامبىلەلەكترجۇيەسى» مەكەمەسىنىڭ ٴتاريفىن 1 قاڭتاردان باستاپ 1،07% تومەندەتۋ بويىنشا كەلىپ تۇسكەن ۇسىنىسى قارالۋدا. ناتيجەسىندە قولدانىستاعى تاريف 5،62 تەڭگەدەن بولجاممەن 5،56 تەڭگەگە تومەندەيدى. ەلەكتر ەنەرگياسىن جابدىقتايتىن «جامبىلجارىقساۋدا» مەكەمەسىنىڭ ٴتاريفى 3،9% دەيىن تومەندەتۋ مىسەلەسى قاراستىرىلىپ جاتىر. ناتيجەسىندە، تۇرعىندارعا ارنالعان قولدانىستاعى تاريف 15 تەڭگەدەن بولجاممەن 14 تەڭگەگە تومەندەيدى»، - دەدى اكىم ورىنباسارى.

ۇسىنىلعان مالىمەتكە سايكەس، وبلىستا اۋىز سۋمەن قامتۋ سالاسىندا دا ٴبىرقاتار ارزانداۋلار ورىن العان.

«اعىمداعى جىلدىڭ 1 قازانىنان باستاپ، تۇرعىندار ٴۇشىن 1 م3 سۋىق سۋ باعاسى 21،9% نەمەسە 52،3 تەڭگەدەن 40،8 تەڭگەگە دەيىن ارزاندادى. ال كارىز قىزمەتى 0،4% تومەندەپ، 16،4 تەڭگەدەن 16،3 تەڭگەنى قۇرادى. سول سياقتى، پاتەر يەلەرى كوپەراتيۆتەرى قىزمەتىنىڭ ٴتاريفى 1 قاڭتاردان باستاپ 20% نەمەسە 15 تەڭگەدەن 12 تەڭگەگە تومەندەتىلەدى»، - دەدى وبلىستىق اكىمدىك وكىلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي