BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جامبىل وبلىسىندا 40 كگ ەسىرتكى تاركىلەندى

فوتو: облыстық ІІД баспасөз қызметі

استانا، baq.kz. جامبىل وبلىسىندا «كوكنار-2018» جەدەل ىزدەستىرۋ ٴىس-شاراسى بارىسىندا ەكى تۇرعىننان ۇلكەن كولەمدە ەسىرتكى تاركىلەندى. بۇل تۋرالى وبلىستىق ٴىىد ٴباسپاسوز قىزمەتى حابارلادى.

2018 جىلدىڭ 13 قازانىندا مەركى جانە ت.رىسقۇلوۆ اۋداندارى ارالىق ەسىرتكى بيزنەسىنە قارسى كۇرەس بولىمدەرى مەن مەركى ٴاىىب جەرگىلىكتى پوليسيا قىزمەتى قىزمەتكەرلەرىمەن «كوكنار-2018» جەدەل ىزدەستىرۋ ٴىس-شاراسى بارىسىندا مەركى اۋدانىنان قر قك 259-بابى بويىنشا بۇرىن سوتتالعان 57 جاستاعى تاراز قالاسىنىڭ جانە 24 جاستاعى شۋ قالاسىنىڭ تۇرعىندارى ۇستالدى.

وقيعا ورنىن قاراۋ بارىسىندا ەكى پوليپروپيلەن قابىنا قاپتالعان جالپى سالماعى 40 كگ اسا «كەپتىرىلگەن ماريحۋانا» ەسىرتكى زاتى تاركىلەندى.

كۇدىكتىلەر كىناسىن تولىق مويىنداپ، مەركى ٴاىىب-نىڭ ۋاقىتشا قاماقتا ۇستاۋ يزولياتورىنا قاماۋعا الىندى.

قازىرگى تاڭدا قر قق 296-بابى ٴ4-بولىمى بويىنشا قىلمىستىق ٴىس قوزعالىپ، سوتقا دەيىنگى تەرگەۋ امالدارى جۇرگىزىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي