BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جايىقتاعى بالىقتىڭ جاپپاي قىرىلۋىنا كىنالىلەر انىقتالۋدا

استانا، baq.kz. اتىراۋدا بالىقتىڭ جاپپاي قىرىلۋى سەبەپتەرىن انىقتاۋ جانە جينالعان ٴولى بالىقتىڭ وڭىردەگى بازارلاردا ساتىلۋىنا جول بەرمەۋ جونىندە ۆەدومستۆوارالىق كوميسسيا وتىرىسى ٴوتتى. كوميسسيانىڭ كەزەكتى وتىرىسىن اتىراۋ وبلىسى اكىمىنىڭ ورىنباسارى الىبەك ناۋتيەۆ وتكىزدى، دەپ حابارلايدى اتىراۋ وبلىستىق وڭىرلىك كوممۋنيكاسيالار قىزمەتى.

اتىراۋ وبلىستىق اۋماقتىق ورمان شارۋاشىلىعى جانە جانۋارلار دۇنيەسى ينسپەكسياسىنىڭ باسشىسى دانيار بايماعامبەتوۆتىڭ ايتۋىنشا، ٴقازىر ۆەدومستۆوارالىق كوميسسيا ولگەن بالىقتىڭ سانىن ەسەپتەۋمەن اينالىسىپ جاتىر.

«بالىق شارۋاشىلىعى سۋبەكتىلەرىن تارتۋ ارقىلى جانە وكىلەتتى ورگانداردىڭ بىرلەسە جۇمىس ىستەۋى ناتيجەسىندە ينسپەكتورلار 4 توننا 165 كگ ٴولى بالىق جينادى. بالىق قورىنا كەلتىرىلگەن زالال 4 ملن 200 مىڭ تەڭگە. جەو قىزمەتكەرلەرى مەن ينسپەكتورلاردىڭ پەرەتاسكا وزەگىنەن جيناعان بالىق كولەمى 1 توننا 304 كگ بولدى، ياعني 1 ملن 254 مىڭ تەڭگە زالال كەلگەن. بالىق قورىنا كەلگەن زالال تۋرالى انىقتاما قىلمىستىق ٴىس ماتەريالدارىنا قوسۋ ٴۇشىن پوليسيا دەپارتامەنتىنە جولداندى»، - دەيدى دانيار بايماعامبەتوۆ.

بالىق قىرىلۋىنا قاتىستى دەرەك بويىنشا ەكى قىلمىستىق ٴىس قوزعالدى. اتىراۋ وبلىستىق ەكولوگيا دەپارتامەنتى «اتىراۋ سۋ ارناسى» ٴجشس-ىن تەكسەرۋدى اياقتادى. اتىراۋ جەو تەكسەرۋ توبىن دايىنداۋدا. تاعى ەكى نىساندا، بەكىرە بالىق ٴوسىرۋ زاۋىتتارىندا تەكسەرۋ جۇرگىزىلەدى.

باستىسى، ۆەدومستۆوارالىق كوميسسيا وتىرىسىنا شاقىرىلعان قوعامدىق ۇيىمدار مەن باق وكىلدەرىن بالىقتىڭ نەلىكتەن قىرىلعانى جانە سۋ مەن بالىقتىڭ تازالىعى ماسەلەسى الاڭداتتى. وتىرىستا ايتىلعانداي، بالىق ولە باستاعان ۋاقىتتان بەرى الىنعان بارلىق سىنامالار زەرتحانالىق تەكسەرۋگە باعىتتالعان. ناقتى سەبەپتى انىقتاۋ ٴۇشىن ۋاقىت كەرەك.

«بۇگىنگە دەيىن جايىق وزەنىنىڭ ٴتۇرلى نۇكتەلەرىنەن 69 سىناما الدىق. سۋ جاعدايىندا ەشقانداي اۋىتقۋشىلىق تىركەلمەگەنىن سەنىمدى تۇردە ايتامىز. «اتىراۋ سۋ ارناسىنىڭ» تازارتۋ قوندىرعىلارىنان دا سۋ سىناماسى الىندى. سانيتارلىق نورمادان اۋىتقۋ بولعان جوق»، - دەدى اتىراۋ وبلىستىق قوعامدىق دەنساۋلىق ساقتاۋ دەپارتامەنتى باسشىسىنىڭ ورىنباسارى امانتاي جۇماعاليەۆ.

جينالىستا جايىق وزەنىندەگى جانە «اتىراۋ سۋ ارناسى» تازارتۋ قوندىرعىسىنداعى سۋ ساپاسىنا تۇراقتى تۇردە مونيتورينگ جۇرگىزۋ تۋرالى ۇسىنىس ايتىلدى. بۇل جۇرتشىلىقتى سۋدىڭ قاۋىپسىزدىگى تۋرالى اقپاراتتاندىرۋعا مۇمكىندىك بەرەدى. ۆەتەرينارلىق قىزمەت پەن پوليسيا وكىلدەرى بازارلارداعى بالىق ونىمدەرىن باقىلاۋعا رەيد جۇرگىزۋ بويىنشا جاسالعان جۇمىستاردى ايتتى. بۇل جۇمىستار كۇندەلىكتى جۇرۋدە جانە زەرتحانا سىنامالارى ساتىلىمداعى ونىمدەردىڭ قاۋىپسىزدىگىن كورسەتىپ وتىر.

«بازارداعى بارلىق بالىق ونىمدەرى سەرتيفيكاتتالعان. باقىلاۋ جاسالادى. ولگەننەن كەيىن جينالعان بالىقتار ساتىلىپ جاتىر دەۋگە ەش نەگىز جوق.بالىق اۋلاۋ ماۋسىمىندا وندىرىستىك كووپەراتيۆتەردىڭ اۋلاعان ونىمدەرى. اۋلانعان بالىقتىڭ ٴبىر بولىگى وڭدەلەدى دە ساۋداعا شىعارىلادى، كەلەسى بولىگى مۇزداتىلادى، سوندىقتان تۇرعىنداردىڭ بالىق ونىمدەرىنىڭ ساپاسىنا الاڭداماۋلارىنا بولادى»، -دەپ اتاپ ٴوتتى الىبەك ناۋتيەۆ..

الىبەك ناۋتيەۆ سونداي-اق وبلىس اكىمى نۇرلان نوعايەۆتىڭ تاپسىرماسىمەن جايىق-كاسپيي باسسەينىنىڭ ساعاسىن زەرتتەۋ جۇمىستارى جۇرگىزىلەتىنىن ايتتى. تۇرعىنداردىڭ كاسپييدەگى جاعدايعا الاڭداۋى جەرگىلىكتى اتقارۋشى بيلىكتىڭ باقىلاۋىندا.

«ازىرگە اۋا-رايى جاعدايى تەڭىز بولىگىن زەرتتەۋگە مۇمكىندىك بەرمەي وتىر. ٴبىز ٴبىراق جايىق وزەنىنىڭ جاعدايىن باقىلاۋدا ۇستاي بەرەمىز. بالىقتىڭ قىرىلۋىن تەكسەرۋ ماسەلەسى جۇرتشىلىققا اشىق ايتىلاتىن بولادى. بۇرىن دا ايتىلعانداي، بالىق ولىمىنە قاتىستى ەكى قىلمىستىق ٴىس قوزعالدى، ونىمەن قۇقىق قورعاۋ ورگاندارى اينالىسىپ جاتىر. سوتقا دەيىنگى تەرگەۋ-تەكسەرۋ جۇمىستارى ٴجۇرىپ جاتىر، سول اياقتالمايىنشا ەشكىمدى كىنالاي المايمىز. كوپتەگەن ساۋالدارعا جاۋاپ بەرەتىن وسى تەرگەۋلەردىڭ اياقتالۋىن كۇتەمىز. ازىرگە كۇن سايىن مونيتورينگ جۇرگىزىپ، حالىقتى جايىق وزەنى سۋ باسسەينىنىڭ جاعدايى تۋرالى اقپاراتتاندىرىپ وتىرامىز. باستىسى – ٴقازىر بالىق ٴولىمىنىڭ جاڭا دەرەكتەرى تىركەلگەن جوق»، - دەپ قورتىندىلادى الىبەك ناۋتيەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي