BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جايىق وزەنىنەن بەس توننا ٴولى بالىق جينالعان

استانا، baq.kz. اتىراۋ وبلىسىندا جايىق وزەنىنەن وسى ۋاقىتقا دەيىن جينالعان ٴولى بالىقتىڭ جالپى سالماعى بەس تونناعا جەتكەن. بۇل تۋرالى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار الەمىن قورعاۋ كوميتەتى حابارلادى. بۇعان دەيىن ساراپتاما قورىتىندىسى بويىنشا، قىرىلعان بالىقتاردان اممياك تابىلعانى تۋرالى حابارلانعان.

اتىراۋدا جايىق وزەنىندە بالىقتاردىڭ جاپپاي قىرىلعانى تۋرالى اقپارات جەلتوقساننىڭ باسىندا الەۋمەتتىك جەلىلەردە تاراعان. جەلتوقساننىڭ 10-ى كۇنى اتىراۋ وبلىسىنىڭ اكىمدىگى 110 ٴولى بالىق تابىلعانى تۋرالى حابارلاسا، كەلەسى كۇنى قىرىلعان بالىقتىڭ جالپى سالماعى ٴبىر تونناعا جەتكەنىن مالىمدەگەن.

سول كەزدە اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىندا ۆەدومستۆوارالىق كوميسسيا جۇمىسىن باستاعان. جەلتوقساننىڭ ٴ12-ى كۇنى وبلىس اكىمدىگى تاراتقان رەسمي اقپاراتتا تەكسەرۋ ناتيجەسى وزەن سۋىنىڭ "تازا ٴارى حالىققا ەش ٴقاۋىپ توندىرمەيتىنىن" انىقتاعانى ايتىلعان. سونىمەن بىرگە بالىقتاردىڭ جاپپاي قىرىلۋىنا بايلانىستى قىلمىستىق ٴىس قوزعالعانى حابارلانعان.

رەسمي اقپارات بويىنشا، ٴقازىر جايىق وزەنىنە سۋ توگەتىن ٴتورت كاسىپورىندا – «اتىراۋ سۋ ارناسى»، اتىراۋداعى جىلۋ ەنەرگەتيكالىق ورتالىعى، ورال-اتىراۋ بەكىرە ٴوسىرۋ زاۋىتى مەن اتىراۋ بەكىرە بالىق ٴوسىرۋ زاۋىتىندا تەكسەرۋ جۇمىستارى جۇرگىزىلىپ جاتىر


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي