BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يۋريي پيا مەن يليا يلينگە «سىر جاناشىرى» اتاعى بەرىلدى

تاۋەلسىزدىك كۇنى قارساڭىندا قىزىلوردادا «تۋعان جەرگە تاعزىم» فورۋمى ٴوتتى. شارعا ەلىمىزدىڭ تۇكپىر-تۇكپىرىنەن ٴارتۇرلى سالادا تابىستى ەڭبەك ەتىپ جۇرگەن قىزىلوردالىقتار ارنايى كەلىپ قاتىستى. ايماقتىڭ دامۋىنا قوسقان ۇلەستەرى ٴۇشىن سىر ەلىنىڭ ٴبىرقاتار تۋمالارىنا «سىر جاناشىرى» ماراپاتى تابىستالدى. ولاردىڭ ىشىندە ايگىلى زىلتەمىرشى يليا يلين مەن كارديوحيرۋرگ، قازاقستاننىڭ ەڭبەك ەرى يۋريي پيا، «ا.ن. سىزعانوۆ اتىنداعى حيرۋرگيا عىلىمي زەرتتەۋ ورتالىعى» اق باسقارما ٴتوراعاسى بولاتبەك بايماحانوۆ بار، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

وبلىس اكىمى قىرىمبەك كوشەربايەۆ فورۋمعا ارنايى كەلگەن ەلدىڭ جاناشىر ازاماتتارىنا العىسىن جەتكىزىپ، جىلى لەبىزىن ٴبىلدىردى.

«مەملەكەت باسشىسى ٴوزىنىڭ كورەگەن ساياساتىمەن ۇلتتىق قۇندىلىقتارىمىزعا نەگىزدەلگەن رۋحاني جاڭعىرۋدى الدىمىزعا قويدى. رۋحاني جاڭعىرۋدىڭ ٴبىر تاراۋى «تۋعان جەرگە تاعزىم» بولسا، بۇل ٴبىزدىڭ وڭىردە 2014 جىلدان بەرى جۇزەگە اسىپ كەلەدى. جۇرەگى ەلىم دەپ سوققان ٴار ازامات «تۋعان جەر» باعدارلاماسىن جۇزەگە اسىرۋعا ۇلەس قوسۋى كەرەك دەپ بىلەمىن. سىر وڭىرىندە «تۋعان جەرگە تاعزىم» اكسياسى باستاۋ العان كۇننەن باستاپ 400-گە جۋىق جوبا جۇزەگە اسىرىلىپ، 6 ملرد 228 ملن تەڭگە قارجى ٴبولىندى. بۇل - ەلىن سۇيگەن، جەرىن قاستەرلەگەن ازاماتتاردىڭ اتامەكەننىڭ دامۋىنا قوسقان ۇلەسى. بۇگىن، مىنە، سول ازاماتتاردىڭ ٴبىرقاتارىن «سىر جاناشىرى» اتاعىمەن ماراپاتتاعىمىز كەلىپ وتىر»، - دەدى ايماق باسشىسى.

بۇگىنگى شارادا عالىمدار، دارىگەرلەر مەن ونەر مايتالماندارى، كاسىپكەرلەر، سپورتشىلار جانە باسقا دا سالالاردىڭ وكىلدەرىنەن 19 ادام ماراپاتتالدى.

فورۋم اياسىندا تەلەكوپىر ارقىلى وبلىستاعى ٴبىرقاتار جاڭا كاسىپورىندار ىسكە قوسىلدى. اتاپ ايتقاندا، جاڭاقورعان اۋدانىنداعى اك زاۋىتى، قىزىلوردا قالاسىنداعى مال بورداقىلاۋ جانە سويۋ بەكەتى، شيەلىدەگى قۇس فەرماسىنىڭ 2 سەحى اشىلدى. سونىمەن قاتار، رەسەيدە ٴبىلىم الىپ جاتقان سىربويىلىق ستۋدەنتتەر تىكەلەي بايلانىسقا شىعىپ، جەرلەستەرىن مەرەكەمەن قۇتتىقتادى. تەلەكوپىر ارقىلى ارال اۋدانىنداعى اسفالتبەتون زاۋىتى مەن وبلىس ورتالىعىنداعى شىنى پلاستيكالىق قۇبىر شىعاراتىن زاۋىت تا تىكەلەي بايلانىسقا شىقتى.

ايماق باسشىسى تەلەكوپىر قاتىسۋشىلارىن تاۋەلسىزدىك كۇنىمەن قۇتتىقتاپ، كاسىپورىنداردىڭ جۇمىسىنا ساتتىلىك تىلەدى.

سونداي-اق، فورۋمدا قازاقستاننىڭ ەڭبەك سىڭىرگەن قايراتكەرلەرى – سۋرەتشى اعىمسالى دۇزەلحانوۆ، جىراۋ الماس الماتوۆ پەن الماتى ونكولوگيالىق ورتالىعىنىڭ باس دارىگەرى دامير داۋلەتبايەۆ ٴسوز سويلەپ، جەرلەستەرىن مەرەكەمەن قۇتتىقتادى.

«مەن م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە ٴ70-شى جىلدارى وقىدىم. ول كەزدە بۇل ۋنيۆەرسيتەتتە وقىعان ەكى-اق قازاق بولاتىنبىز. ال بۇگىندە سىربويىلىق تۇلەكتەردىڭ وسى وقۋ ورداسىندا ٴبىلىم الۋلارىنا جاعداي جاسالعان. جىل سايىن ماسكەۋ مەملەكەتتىك ۋنيۆەرسيتەتى قىزىلوردا وبلىسىنىڭ ستۋدەنتتەرى ٴۇشىن ماگيستراتۋرادا بىلىمدەرىن جەتىلدىرۋگە 20 گرانت بولەتىن بولدى. بۇل ۇلكەن جەتىستىك. ٴتورت جىل بۇرىن ۇبت قورىتىندىسى بويىنشا وبلىس رەسپۋبليكادا ەڭ سوڭعى ورىندا ەدى. ال، بيىل مەكتەپ بىتىرگەن تۇلەكتەردىڭ 97% ورتا ارناۋلى جانە جوعارى وقۋ ورىندارىنا وقۋعا تۇسكەن. بۇل دا جۇيەلى جۇمىستىڭ ناتيجەسى دەپ سانايمىن»، - دەدى اكادەميك اسقار جۇمادىلدايەۆ.

ايتا كەتۋ كەرەك، كەشەگى وتكەن وبلىستىق ٴماسليحاتتىڭ سەسسياسىندا اكادەميك اسقار جۇمادىلدايەۆقا قىزىلوردا وبلىسىنىڭ قۇرمەتتى ازاماتى اتاعىن بەرۋ تۋرالى شەشىم قابىلدانعان بولاتىن.

شارا سوڭى قازاق ەستراداسىنىڭ بەلگىلى ونەرپازدارى جەڭىس ىسقاقوۆا، تورەعالي تورەالى مەن «تۇران» تريوسىنىڭ كونسەرتتىك باعدارلاماسىنا ۇلاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي