تۇركىستانعا يۋنەسكو دەلەگاسياسى كەلدى

استانا، baq.kz. تۇركىستان وبلىسىنىڭ اكىمى جانسەيىت تۇيمەبايەۆ يۋنەسكو-نىڭ الماتىداعى كلاستەرلىك بيۋروسىنىڭ دەلەگاسياسىمەن كەزدەستى. بۇل تۋرالى وبلىسى اكىمىنىڭ ٴباسپاسوز قىزمەتى مالىمدەدى.

ايماق باسشىسى توپ قۇرامىن باستاپ كەلگەن يۋنەسكو-نىڭ پاريجدەگى تاريحي قالالىق لاندشافتتار جونىندەگى كەڭەسشىسى كريستينا يامانديگە وڭىرىمىزدەگى جاڭالىقتاردىڭ جايىن حابارلاپ، دەلەگاسيانىڭ جاڭادان جاڭارىپ، جاڭعىرۋعا كىرىسكەن تۇركىستان وبلىسىنىڭ قايتا قۇرىلعان تۇسىندا كەلگەنىنە ريزاشىلىعىن ٴبىلدىردى.

«تۇركىستان وبلىسى مەن يۋنەسكو-نىڭ ٴوڭىرىمىزدىڭ الەۋەتىن ارتتىرىپ، ودان ٴارى دامىتۋدا مۇمكىندىكتەرى زور دەپ بىلەم. جىلدىڭ باسىندا ٴبىز سىزدەرمەن «مۋزەي ٴىسى» ماماندارىن وقىتۋ بويىنشا بىرلەسكەن ترەنينگتەر وتكىزدىك. بۇگىندە وزدەرىڭىز قر مادەنيەت جانە سپورت مينيسترلىگىنىڭ قولداۋىمەن "تۇركىستانداعى ق.ا.ياسساۋي كەسەنەسىن تاريحي لاندشافت قالاشىعىنا باعىتتالعان كوزقاراستى ەنگىزۋ جولىمەن تەحنيكالىق قولداۋ" ۇلتتىق سەمينارىن وتكىزۋدى باستادىڭىزدار. وسى جىلى كريستا پيككات حانىممەن كەزدەسۋدە بىزدەر ماتەريالدىق جانە ماتەريالدىق ەمەس مادەني مۇرانى قورعاۋ، سونداي-اق يۋنەسكو-نىڭ ۇسىنىسىمەن تىكەلەي ىسكە اسىراتىن مامانداردى دايارلاۋ مەن ولاردى وقىتۋ ماسەلەلەرىندەگى جۇمىستى تەرەڭدەتۋگە ۋاعدالاستىق. وسىعان بايلانىستى، يۋنەسكو-نىڭ پاريجدەگى كەڭسەسى مەن كريستينا ياماندي حانىمنىڭ وبلىسىمىزعا ساپارى ٴۇشىن جەكە العىسىمدى بىلدىرگىم كەلەدى»، - دەدى ايماق باسشىسى.

ەكى جاقتى جۇزدەسۋدە اكىم قوجا احمەت ياسساۋي ماۆزولەيى يۋنەسكو الەمدىك مۇراسىنىڭ نىسانى رەتىندە شەتەلدىك تۋريستەر ٴۇشىن تارتىلىس كۇشىندەي ەكەنىن ٴسوز ەتكەن وبلىس باسشىسى ەسكەرتكىشتىڭ، مەيلىنشە، بۇرىنعى كەيپىندە ساقتالۋى ماڭىزدى ەكەنىن جەتكىزدى. ونداعى رەكرەاسيالىق جۇكتەمەنى ەسكەرگەن ول كەسەنەنى باسقارۋ مەنەدجمەنتىنە ساندىق تەحنولوگيانى ەندىرۋ ماڭىزدى دەپ ەسەپتەيتىنىن ٴبىلدىردى.

وتىرىستا مەيماندار وبلىس باسشىسىمەن بىرگە تۇركىستان وبلىسى مەن ونىڭ ورتالىعى تۇركىستان قالاسىنىڭ تاريحي، قالالىق لاندشافتتار ماسەلەلەرى جونىندە دە اڭگىمەلەستى. يۋنەسكو-نىڭ ق.ا.ياسساۋي كەشەنىن ناقتى اۋماقتىق بايلانىستىرۋ جانە ونى تۇركىستان وبلىسىنىڭ ورتالىعى رەتىندە تۇركىستان شاھارىنىڭ جالپى دامۋ ديناميكاسىنا بىرىكتىرۋ قاجەتتىگى تۋرالى قورىتىندىعا كەلگەنى وبلىس ٴۇشىن وتە ماڭىزدى ەكەنىن العا تارتقان ج.تۇيمەبايەۆ ۇيىم تاراپىنان ۇسىنىلاتىن باستامالاردى جان-جاقتى، تولىق قولداۋعا ٴازىر ەكەنىن جەتكىزدى. بۇل رەتتە، ناقتى ناتيجەگە قول جەتكىزۋ ٴۇشىن جۇمىستاردى شەبەرلىك ساعاتى، ساراپشىلار مەن مامانداردىڭ باسىن قوسقان سەمينارلار تۇرىندە ۇيىمداستىرۋدى ۇسىندى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!