BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا جىل ۇزدىكتەرى ماراپاتتالدى

تۇركىستان وبلىسى، baq.kz. تۇركىستان قالاسىندا 2018 جىلدى قورتىندىلاعان سالتاناتتى شارادا ەڭبەگىمەن دارالانعان جىل ۇزدىكتەرىنە قۇرمەت كورسەتىلدى.

«ٴححى عاسىردىڭ بەلسەندى ازاماتتارى باسەكەگە قابىلەتتى بولۋى ٴتيىس. قازىرگى كەزەڭدە ەلگە قىزمەت ەتىپ وتىرعان ازاماتتار شىعارماشىلىققا بەيىم، ەركىن ويلى، كرەاتيۆتى ٴارى زيالى بولعانى ٴجون. اتالعان ىزگى قاسيەتتەر بارلىق سالا قىزمەتكەرلەرىنىڭ بويىنان تابىلۋى قاجەت. بۇل — بۇگىنگى زاماننىڭ تالابى. بۇگىن تالاي سىنداردان سۇرىنبەي وتكەن ناعىز دۇلدۇلدەر ورتامىزعا كەلىپ وتىر. وسىناۋ جەتىستىكتەرىڭىزبەن شىن جۇرەكتەن قۇتتىقتايمىن! الداعى ۋاقىتتا دا مەملەكەت پەن قوعام مۇددەسى جولىندا تالماي ەڭبەك ەتىپ، بەلسەندى ازاماتتىق ۇستانىممەن ورتاق ماقساتتى جۇزەگە اسىرۋعا ۇلەس قوساتىندىقتارىڭىزعا سەنىمدىمىن. تۇركىستانعا قىزمەت ەتۋ — ابىرويلى مىندەت. بۇگىنگى ماراپاتتارىڭىز سىزدەرگە شابىت بەرىپ، جاڭا شىڭدارعا جەتەلەيدى دەپ ويلايمىن»، - دەگەن وبلىس اكىمى جانسەيىت تۇيمەبايەۆ جىلدىڭ ۇزدىگى اتانعان ازاماتتاردى ماراپاتتادى.

سالتاناتتى ٴىس-شارادا جىلدىڭ ۇزدىك 15 مەكەمەسى مەن كاسىپورنىنا ماراپات تاپسىرىلدى. سونىمەن بىرگە، كاسىپكەرلىك، تۋريزم، ەكونوميكا، قارجى، رۋحانيات جانە مادەنيەت، دەنساۋلىق ساقتاۋ، سپورت، قۇرىلىس، ٴبىلىم، اۋىل شارۋاشىلىعى، مۇراعات، تۇرعىن ٴۇي – كوممۋنالدىق شارۋاشىلىق، ەنەرگەتيكا جانە وزگە دە سالالار بويىنشا 40 ادام ماراپاتتالدى.

جىلدىڭ ۇزدىك سپورتشىسى اتاعىنا ديدار حامزا يە بولسا، ٴادىحان پولاتبەكوۆ جىلدىڭ ۇزدىك قۇرىلىسشىسى دەپ تانىلعان. جىل اگرونومى بولىپ بولاتبەك قۇمەتوۆ تانىلسا (شاردارا اۋدانى)، مۇقاعالي كەنجەتاي ۇلى جىل اقىنى اتاندى. بايقاپ وتىرعاندارىڭىزداي، ماراپاتتالعانداردىڭ اراسىندا قاراپايىم جۇمىسشىدان باستاپ بىلىكتى باسشىلار دا بار.

سونداي-اق، وسى جيىندا «سالانىڭ ۇزدىك مەملەكەتتىك قىزمەتشى» اتالىمى بويىنشا 7 ادامعا قۇرمەت كورسەتىلدى. جىلدىڭ ەڭ ۇزدىك قىزمەتكەرلەرى ماراپاتتالعان جيىندا وبلىستىڭ ونەر ۇجىمدارى ونەر كورسەتىپ، كونسەرتتىك باعدارلاماسىن ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي