استانا: 
1690 
0
استانا، baq.kz. بۇگىن قازاقستان رەسپۋبليكاسى ۇكىمەتىنىڭ سەلەكتورلىق رەجيمدەگى وتىرىسى ٴوتتى. پرەمەر - مينيستر باقىتجان ساعىنتايەۆتىڭ توراعالىعىمەن وتكەن جيىندا ينفراقۇرىلىمدى دامىتۋدىڭ 2015 - 2019 جىلدارعا ارنالعان جوباسى، «نۇرلى جول» مەملەكەتتىك باعدارلاماسىنىڭ ىسكە اسىرىلۋ بارىسى جانە ەنەرگيا تيىمدىلىگى مەن ەنەرگيا ۇنەمدەۋدى ارتتىرۋ جونىندەگى شارالار تۋرالى ماسەلەلەر تالقىلاندى. بۇل تۋرالى تۇركىستان وبلىسى اكىمىنىڭ ٴباسپاسوز قىزمەتى حابارلايدى.
جيىندا ٴسوز العان قر ۇلتتىق ەكونوميكا ٴبىرىنشى ۆيسە-مينيسترى رۋسلان دالەنوۆ «نۇرلى جول» مەملەكەتتىك باعدارلاماسىن ىسكە اسىرۋعا 792 ملرد. تەڭگە قارالعانىن مالىمدەدى. 1 قاراشاعا دەيىن ونىڭ 410،8 ملرد. تەڭگەسى نەمەسە 51،9 پايىزى يگەرىلگەن. ناتيجەسىندە كولىك ينفراقۇرىلىمدى، ەنەرگەتيكالىق ينفراقۇرىلىمدى جانە تۇرعىن ٴۇي – كوممۋنالدىق شارۋاشىلىق سالاسىن دامىتۋ باعىتىنداعى ٴبىرقاتار شارۋالار اتقارىلعان. ماسەلەن، جوسپار بويىنشا 3475 شاقىرىمدى قۇرايتىن 19 جوبا ىسكە اسىرىلىپ جاتسا، جىل سوڭىنا دەيىن ونىڭ 426 شاقىرىمى پايدالانۋعا بەرىلىپ، 453 شاقىرىم جول اشىلاتىن بولادى.
ٴوز كەزەگىندە تۇركىستان وبلىسىنىڭ اكىمى جانسەيىت تۇيمەبايەۆ وڭىردەگى كولىك ينفراقۇرىلىمىنىڭ جاعدايىمەن تانىستىرىپ، اتقارىلىپ جاتقان جۇمىستاردى باياندادى.
«2018 جىلى وڭىردەگى وبلىستىق ماڭىزى بار 161 شاقىرىمدى قۇرايتىن جولدىڭ قۇرىلىس جۇمىسىنا رەسپۋبليكالىق بيۋدجەتتەن 3،288 ملن. تەڭگە قارالعان. سونداي-اق، «نۇرلى جول» باعدارلاماسى شەڭبەرىندە 2019 جىلعا دەپ ۇزىندىعى 300 شاقىرىم بولاتىن وبلىستىق ماڭىزى بار جولدى جوندەۋگە رەسپۋبليكالىق قازىنادان 7،5 ملرد. تەڭگە ٴبولىنىپ وتىر. وسى قارجى تولىعىمەن يگەرىلسە، كەلەر جىلدىڭ سوڭىنا قاراي ايماقتاعى وبلىستىق، اۋداندىق ماڭىزى بار جولداردىڭ جاقسى جانە قاناعاتتانارلىق جاعدايداعى ۇلەسىن 74،1 پايىزعا وسىرۋگە مۇمكىندىك تۋادى»، - دەدى جانسەيىت قانسەيىت ۇلى.
سونداي-اق، باسقوسۋدا ەنەرگيا تيىمدىلىگى جانە ونى ۇنەمدەۋدى ارتتىرۋ ماسەلەسى دە قارالدى. قر ينۆەستيسيالار جانە دامۋ ٴمينيسترى جەڭىس قاسىمبەكتىڭ سوزىنشە، ەلىمىزدىڭ ستراتەگيالىق دامۋ جوسپارى جانە جاسىل ەكونوميكاعا كوشۋ جونىندەگى تۇجىرىمداماسى بويىنشا 2020 جىلعا قاراي جالپى ىشكى ٴونىمىنىڭ ەنەرگيا سيىمدىلىعىن كەم دەگەندە 25 پايىزعا، 2050 جىلعا قاراي 2 ەسەگە دەيىن تومەندەتۋ كوزدەلگەن. بۇگىندە رەسپۋبليكاداعى ەنەرگيانى ۇنەمدەۋ شارالارىنىڭ جوسپارى جاپونيالىق تاجىريبەگە سۇيەنىپ جاسالۋدا. اتالعان سالاعا قاتىستى اقپاراتپەن قانىققان ۇكىمەت باسشىسى وبلىس باسشىلارىنا وسى ماسەلەگە باسا نازار اۋدارۋدى تاپسىردى. اسىرەسە، ينۆەستورلار مەن ەنەرگيانى كوپ جۇمسايتىن كاسىپورىندارمەن جۇمىستى جانداندىرۋ قاجەت ەكەنىن ەسكەرتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6547
0