BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇلكىباس اۋدانىندا 64 وتباسى قونىس تويىن تويلادى

تۇركىستان وبلىسى، baq.kz. سالتاناتتى شاراعا ارنايى قاتىسقان تۇركىستان وبلىسىنىڭ اكىمى جانسەيىت تۇيمەبايەۆ قۋانىش يەلەرىن قۇتتىقتاپ، پاتەر كىلتىن تابىس ەتتى.

ساستوبە كەنتىندەگى 32 پاتەرلىك ەكى كوپقاباتتى تۇرعىن ٴۇيدىڭ قۇرىلىس جۇمىستارىن مەردىگەر مەكەمە «كورپوراسيا اق ورداسى» جشس جۇرگىزگەن. جالپى قۇنى 298،9 ملن. تەڭگە. جالپى بۇل تۇرعىن ۇيلەر باسپانا كەزەگىندە تۇرعان اتا-اناسىنان ايرىلعان بالالارعا، بيۋدجەتتىك قىزمەتكەرلەرگە، جالعىز باستى وتباسىلارعا بەرىلدى.

ايتا كەتەيىك، اۋداندا 1600-دەن استام ازامات ٴۇي كەزەگىنە تۇرعان. كەلەر جىلى سونىڭ 60-نا پاتەر كىلتى تابىستالادى دەپ كۇتىلۋدە.

سونىمەن قاتار، بالىقتى اۋىلىندا ەكى قاباتتان تۇراتىن 10 پاتەرلى الەۋمەتتىك قىزمەتكەرلەرگە ارنالعان ٴۇي پايدالانۋعا بەرىلدى. ونىڭ قۇرىلىس جۇمىستارىمەن مەردىگەر مەكەمە - «ەۆرو رەمونت سەرۆيس» جشس اينالىسقان.

2019 جىلى تۇرار رىسقۇلوۆ اۋىلىندا قوسىمشا تاعى ەكى قاباتتى 10 پاتەرلى تۇرعىن ٴۇي پايدالانۋعا بەرىلەدى. مەملەكەتتىك قىزمەتكەرلەرگە ارناپ سالىنىپ جاتقان باسپانا اۋدانعا جۇمىس ىستەۋگە كەلگەن جاس ماماندارعا ۇلەستىرىلەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي