BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ترامۆاي قاعىپ كەتكەن قىزدىڭ اناسى 1،5 ملن تەڭگە وتەماقى تالاپ ەتتى

فوتو: Архив Baq.kz

پاۆلوداردا ٴاپالى-سىڭلىلى قىزداردى قاعىپ كەتكەن ترامۆاي جۇرگىزۋشىسىنىڭ ىسىنە قاتىستى كەزەكتى سوت وتىرىسى ٴوتتى. جالعىزباستى انا شىنار ٴۋاليتوۆانىڭ قورعاۋشىسى مورالدىق شىعىن رەتىندە كۇدىكتىدەن 1،5 ملن. تەڭگە تالاپ ەتتى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

پاۆلودار قالالىق №2 قىلمىستىق سوتتا شىنار ٴۋاليتوۆانىڭ مالىمدەمەسى تىڭدالدى.

«مورالدىق شىعىن رەتىندە 1،5 ملن تەڭگە كولەمىندەگى سومانى ٴوندىرۋدى سۇرايمىن»، - دەپ جازىلعان مالىمدەمەدى.

ايىپتالۋشىنىڭ قورعاۋشىسى ٴوز كەزەگىندە تارمۆاي باسقارماسىنىڭ زارداپ شەككەندەردىڭ ەسەبىنە 2 ملن تەڭگە جانە كاسىپورىننىڭ ماماندارى ٴوز ەرىكتەرىمەن 350 مىڭ تەڭگەنى اۋدارعانىن ىسكە قوسۋدى سۇرادى. دەسە دە، شىنار ٴۋاليتوۆانىڭ تارابى بۇعان قارسىلىق ٴبىلدىردى، سەبەبى زارداپ شەككەندەر سوتقا قارسى تالاپتى ترامۆاي باقسارماسىنا ەمەس، جۇرگىزۋشىنىڭ وزىنەن عانا تالاپ ەتىلدى.

ايتا كەتەيىك، 30 جاستاعى ناتاليا پەكنيچكە قاتىستى العاشقى سوت وتىرىسى 21 قىركۇيەكتە ٴوتتى. ول قر قىلمىستىق كودەكسىنىڭ 345-بابى 3 بولىگى بويىنشا ايىپتالۋدا. بۇگىندە سوت پروسەسسىن سۋديا دۋمان سەرىكبايەۆ جۇرگىزۋدە. بۇعان دەيىن ايىپتالۋشى ەسكى ترامۆايلاردىڭ سپيدومەترلەرى جۇمىس ىستەمەيتىنىن ايتقان ەدى.

ەسكە سالا كەتسەك، وسى جىلدىڭ 7 قىركۇيەگىندە تاڭعى ساعات 7:43-تە لوموۆ-كاتايەۆ كوشەلەرىنىڭ قيىلىسىندا ەكى وقۋشىنى ترامۆاي باسىپ كەتكەن ەدى. سالدارىنان 12 جاستاعى ماحاببات ماسعۇت جاراقات الىپ، كوز جۇمدى. كەلەسى سوت وتىرىسى 30 قاراشادا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي