استانا: 
3071 
0
قاراعاندى، baq.kz ٴتىلشىسى. تەمىرتاۋدا 32 جاستاعى ايەلدى ٴليفتتىڭ ىشىندە 60 جەرىنەن پىشاقتاپ، قىلقىندىرىپ، ٴولتىرىپ كەتكەن. اتالعان قىلمىسقا بايلانىستى تەمىرتاۋ قالاسىنىڭ 37 جاستاعى تۇرعىنى ۇستالدى. كۇدىكتى ايەل قىلمىسىن مويىنداعان. قر قىلمىستىق كودەكسىنىڭ «ادام ٴولتىرۋ» بابىنا بايلانىستى ٴىس قوزعالدى.
وتكەن اپتادا تەمىرتاۋلىقتاردى ٴدۇر سىلكىندىرگەن قىلمىس بولدى. 8 قاراشا كۇنى قاس قارايا ازىق-تۇلىك دۇكەنىن قايتىپ كەلە جاتقان 32 جاستاعى تۋرفيرما قىزمەتكەرى ناتاليا نيكيتينانى ٴوز ٴۇيىنىڭ كىرەبەرىسىندەگى ليفتتە بەلگىسىز بىرەۋ اياۋسىز پىشاقتاپ، ٴولتىرىپ كەتكەن. پوليسيا قىزمەتكەرلەرى ن.نيكيتينانى ولتىرگەن كۇدىكتىنى انىقتادى.
«تەمىرتاۋ قالاسىنىڭ تۋريستىك فيرمادا جۇمىس ىستەگەن، 32 جاستاعى ايەلدىڭ ولىمىنە قاتىستى قك 99-بابى 1-تارماعى «ادام ٴولتىرۋ» بويىنشا سوتقا دەيىنگى تەرگەۋ جۇرگىزىلۋدە. تەرگەۋ كەزىندە پوليسەيلەرمەن تەمىرتاۋ قالاسىنىڭ 37 جاسار تۇرعىنى ۇستالىپ، مويىنداۋ كورسەتپە بەلگىلەرىن بەردى. كۇدىكتى ۋاقىتشا ۇستاۋ يزولياتورىنا قامالدى. تەرگەۋ جالعاسۋدا جانە ٴىس دەپارتامەنت باسشىلىعىنىڭ باقىلاۋىندا. باسقا اقپاراتتار قپك 201-بابىنا سايكەس جاريالانبايدى»، - دەيدى قاراعاندى وبلىسىنىڭ پوليسيا دەپارتامەنتىنىڭ ٴباسپاسوز xاتشىسى باقىتجان قۇدياروۆ.
ليفتتە قان-جوسا بولىپ جاتقان ايەلدىڭ ٴولى دەنەسىنىڭ ۇستىنەن تۇسكەن كۋاگەرلەر ونى سۋرەتكە ٴتۇسىرىپ، الەۋمەتتىك جەلىگە جۇكتەگەپ، موبيلدىك مەسسەندجەرلەر ارقىلى تاراتقان. بۇل قاراعاندىلىقتاردىڭ اشۋىن تۋعىزدى.
«ادامدار اياۋشىلىقتان كەتىپ بارادى. قانداي دا ٴبىر وقىس وقيعا، توتەنشە جاعدايلار، جول اپاتى، ٴتىپتى ادام ٴولىپ جاتسا دا الدىمەن سۋرەتكە ٴتۇسىرىپ الۋعا تىرىسادى. جاستار تاس جۇرەك بولىپ ٴوسىپ كەلە جاتقانداي»، - دەيدى قالا تۇرعىنى رىمبالا ٴومىرزاقوۆا.
الدىن الا مالىمەتتەر بويىنشا، تۋرفيرما قىزمەتكەرىن قىلقىندىرىپ، موينىن سىندىرىپ، 60-تان استام جەرىنە پىشاق سالعان ايەل ناتاليا نيكيتينانىڭ كورشىسى. قازا بولعان ايەلدىڭ تۋىستارىنىڭ ايتۋىنشا، ناتاليا نيكيتينانىڭ ازاماتتىق نەكەدەگى كۇيەۋى كورشى ايەلمەن اشىنا بولعان. ولاردىڭ ٴتىپتى ورتاق 9 ايلىق بالالارى بار. كورشى ايەل قىزعانىشتان وسىنداي قادامعا بارۋى مۇمكىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6536
0