BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەلەكوپىر ارقىلى ىسكە قوسىلعان زاۋىت جىلىنا 200 مىڭ تەمىرجول دوڭگەلەگىن شىعارادى

فوتو: Автор

پاۆلودار وبلىسى. baq.kz ٴتىلشىسى. ەرتىس وڭىرىندە جىلىنا 200 مىڭ تەمىرجول دوڭگەلەگىن وندىرەتىن كاسىپورىن ىسكە قوسىلدى. جوعارى تەحنولوگيالى زاۋىت ەلباسى نۇرسۇلتان نازاربايەۆتىڭ قاتىسۋىمەن وتكەن «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» تەلەكوپىرىندە جۇمىسىن باستادى.

جاڭا كاسىپورىننىڭ ەرەكشەلىگى سول، جوبانىڭ ارقاسىندا زاۋىت يپورتقا تاۋەلدىلىكتەن ارىلدى. بۇل جاڭا جۇمىس ورىندارىن اشىپ، بيۋدجەتكە تۇسەتىن سالىق كولەمىن ارتتىرۋعا مۇمكىندىك بەرەدى. سالا ماماندارىنىڭ ايتۋىنشا، تەمىرجول سالاسىنا قاجەت بولشەكتەردى شىعاراتىن كاسىپورىن ورتالىق ازياداعى جالعىز.

«بىرەگەي كاسىپورىندى ىسكە اسىرۋعا 54 ملرد تەڭگە جۇمسادى. قازاقستاننىڭ دامۋ بانكى تاراپىنان بولىنگەن نەسيە 36 ملرد تەڭگەنى قۇرادى. زاۋىت وندىرىستىك قۋاتىنا تولىق كوشكەن سوڭ جۇمىسشىلاردىڭ شتاتى 1000 ادامعا جەتەدى. وندىرىلەتىن ٴونىمنىڭ ۇشتەن ەكى بولىگى سىرتقى نارىققا تاسىمالدانادى. ياعني، 70%-ى - رەسەيگە، 27،5%-ى ىشكى نارىققا ارنالعان»، - دەيدى كاسىپورىننىڭ باسقارما ٴتوراعاسى داۋلەت سىزدىقوۆ.

مامانداردىڭ ايتۋىنشا، ەرىبكستۇز ٴوڭىرى تەمىرجول جەلىسىنە جاقىن ورنالاسقاندىقتان، ٴونىمدى تاسىمالداۋ بويىنشا قيىندىقتار بولمايدى. بۇل – ٴوندىرىس وشاعىنىڭ ەكسپورتتىق الەۋەتى زور دەگەن ٴسوز.

وبلىستىق يندۋستريالدى-يننوۆاسيالىق دامۋ باسقارماسىنىڭ مالىمەتىنشە، 2015-2019 جىلدارعا ارنالعان يندۋستريالاندىرۋ كارتاسىنىڭ ەكىنشى بەسجىلدىعى شەڭبەرىندە 41 جوبا جۇزەگە اسىرىلماق. جالپى قۇنى 1،2 ترلن. تەڭگە. ٴساتىن سالسا، 9 مىڭعا جۋىق جۇمىس ورنى اشىلماق.

ايتا كەتەيىك، ەكىباستۇز وڭىرىندە تەمىرجول كلاستەرى قۇرىلدى دەۋگە نەگىز بار. ايماقتا سالاعا قاجەت بولشەكتەر شىعاراتىن بىرنەشە كاسىپورىن بار. سوڭعى رەت اشىلعان وشاق تەمىرجول وستەرى جانە ترامۆاي لوكوموتيۆتەرىنىڭ قۇرامداس بولىكتەرىن شىعارادى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي