تاراز، baq.kz ٴتىلشىسى. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگتە تاراز قالاسى اكىمى عالىمجان ٴابدىرايىموۆ مالىمدەدى.
استانا: 
1775 
0
تاراز، baq.kz ٴتىلشىسى. بۇل جونىندە وڭىرلىك كوممۋنيكاسيالار قىزمەتىندە وتكەن بريفينگتە تاراز قالاسى اكىمى عالىمجان ٴابدىرايىموۆ مالىمدەدى.
«جىل سوڭىنا دەيىن قالاداعى 28 كوشە مەن 3 داڭعىلدى جارىقتاندىرۋ بويىنشا قايتا جاڭعىرتۋ جۇمىستارى جوسپارلانۋدا. ياعني، بۇل باعىتتا تەمىر بەتون باعانالاردى مەتالدىق باعانالارعا اۋىستىرۋ، جارىقتاندىرۋ شامدارىن جارىق ديودتى شامدارعا اۋىستىرۋ جانە كابەلدەردى جەر استىمەن جۇرگىزۋ جۇمىستارى كوزدەلگەن. سونىمەن قاتار، جىل سوڭىنا دەيىن قالانىڭ 99 كوشە قيىلىسىنداعى جول بەلگىلەرى مەن باعدارشامداردىڭ باعانالارىن اۋىستىرۋ جۇمىستارى جۇرگىزىلەدى. بۇل باعانالاردا قوسىمشا ۋاقىتتى كەرى ەسەپتەگىش جانە كوشە اتاۋلارىن باعىتتايتىن بەلگىلەر ورناتىلاتىن بولادى»، - دەدى قالا باسشىسى.
ٴابدىرايىموۆتىڭ ايتۋىنشا، قالانىڭ سىرتقى كەلبەتىن كورىكتى ەتۋ ماقساتىندا وسى كۇنگە دەيىن زاڭسىز ساۋدا جاساپ كەلگەن 106 دۇڭگىرشەك الىنىپ تاستالعان.
قالانىڭ دامۋ كورسەتكىشتەرىنە توقتالعان قالا اكىمى شاھاردىڭ دامۋىندا وڭ قارقىن قالىپتاسىپ، ەسەپتى كەزەڭدە ونەركاسىپ ٴوندىرىسىنىڭ كولەمى 154 ملرد 68 ملن تەڭگەنى، ناقتى يندەكس كولەمى 106،5% قۇراعانىن ايتتى.
«وتكەن جىلمەن سالىستىرعاندا، 13 ملرد 617 ملن تەڭگەگە ارتىق ٴونىم وندىرىلگەن. حالىقتىڭ جان باسىنا شاققانداعى ونەركاسىپ ٴوندىرىسىنىڭ كولەمى 432،4 مىڭ تەڭگە بولىپ قالىپتاستى. يندۋستريالدى-يننوۆاسيالىق دامۋ مەملەكەتتىك باعدارلاماسى اياسىندا، 2018 جىلى جالپى قۇنى 4 ملرد 897 ملن تەڭگەنى قۇرايتىن 3 ينۆەستيسيالىق جوبا ىسكە اسىرىلۋدا. قوسىمشا 517 جاڭا جۇمىس ورنىنىڭ اشىلۋى كوزدەلىپ وتىر»، - دەدى ٴابدىرايىموۆ.
بريفينگتە بەلگىلى بولعانداي، 2018 جىلى قالادا بيۋدجەت ەسەبىنەن جالپى سوماسى 15 ملرد 325 ملن تەڭگەنى قۇرايتىن 47 نىساننىڭ قۇرىلىسىن جۇرگىزۋ قاراستىرىلعان. ونىڭ ىشىندە، 6 نىساننىڭ قۇرىلىسى 2019 جىلعا وتپەلى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
6547
0