BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالعار قالاسىندا سپورت مەكتەبى اشىلدى

استانا، baq.kz. تالعار قالاسىندا سپورتتىڭ جەكپە-جەك جانە كۇشتىك تۇرلەرىنە ارنالعان 180 ورىندىق دەنە شىنىقتىرۋ-ساۋىقتىرۋ امبەباپ كەشەنى مەن تالعار اۋداندىق «المالى» بالالار مەن جاسوسپىرىمدەر سپورت مەكتەبى اشىلدى. وسى ايتۋلى قۋانىشپەن تۇرعىنداردى وبلىس اكىمى اماندىق باتالوۆ قۇتتىقتادى، - دەپ حابارلايدى الماتى وبلىسى اكىمىنىڭ ٴباسپاسوز قىزمەتى.

اماندىق عابباس ۇلى ٴوز سوزىندە ەلباسى بيىلعى حالىققا ارناعان جولداۋىندا 100 سپورت كەشەنىن اشۋدى، سول سياقتى بۇقارالىق سپورتتى دامىتۋدى تاپسىرعانىنا توقتالىپ ٴوتتى.

«وسىعان وراي جەتىسۋ جەرىندە جاڭا سپورتتىق كەشەن اشىپ وتىرمىز. كەلەر جىلدى ەلباسى "جاستار جىلى" جىلى دەپ جاريالادى. ولاي بولسا جاستارىمىز شىڭدالىپ، سالاۋاتتى ۇرپاعىمىز كوپ بولۋىنا، جاڭا چەمپيوندار تəربيەلەپ شىعارۋعا وسى كەشەننىڭ قوسار ۇلەسى زور بولادى دەپ ويلايمىن»، - دەدى ا. باتالوۆ.

مۇنان كەيىن مəسكەۋ وليمپياداسىنىڭ چەمپيونى جاقسىلىق ۇشكەمپىروۆ پەن سيدنەي وليمپياداسىنىڭ چەمپيونى ەرماحان يبرايموۆ ٴسوز الىپ، جاستارعا اق باتاسىن ارنادى. سالتاناتتى شارادان كەيىن "المالى" بالالار مەن جاسوسپىرىمدەر سپورت مەكتەبىنىڭ ديرەكتورى دəۋرەن ۇشكەمپىروۆكە جاڭا كەشەننىڭ كىلتى تابىستالدى.

نىساننىڭ لەنتاسى قيىلىپ، قوناقتار كەشەننىڭ ٴىشىن ارالاپ كوردى. مۇندا ترەناجەرلىق، ويىن، كۇرەس، بوكس جانە جاتتىعۋ زالدارى بار. كەشەن اۋماعىندا ۆولەيبول، باسكەتبول، فۋتبول سپورتتىق الاڭدارى مەن 400 ورىندىق كورەرمەن تريبۋناسى ورنالاسقان.

دسو عيماراتىندا «المالى» بالالار مەن جاسوسپىرىمدەر سپورت مەكتەبى جۇمىس ىستەيدى. مەكتەپتە بالالارعا سپورتتىڭ 15 تۇرىنەن، اتاپ ايتقاندا، بوكس، باسكەتبول، ۆولەيبول، گرەك-ريم جانە ەركىن كۇرەستەر، قازاقشا كۇرەس، جەڭىل اتلەتيكا، فۋتبول، گاندبول، تاەكۆوندو، كاراتە-دو، سامبو، جەكپە-جەك، ساداق اتۋ، تاي-بوكستان جاتتىعۋعا جاعداي جاسالعان. قازىرگى كەزدە مۇندا 915 وقۋشى سپورتپەن اينالىسىپ ٴجۇر.

كەلۋشىلەر دسو-نىڭ ىشكى جابدىقتالۋى مەن ماتەريالدىق-تەحنيكالىق بازاسىنىڭ نىعايتىلۋىنا كۋا بولدى، سپورت زالدارىن ارالاپ، جاس سپورتشىلارمەن اڭگىمەلەستى.

اتاپ وتسەك، امبەباپ دسو قۇرىلىسىنا 759،6 ملن. تەڭگە بولىنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي