BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ستيپەنديا جوق-جوق». ەكى مىڭنان استام پاۆلودارلىق ستۋدەنت شاكىرتاقىسىن الا الماي ٴجۇر

پاۆلودار وبلىسىنداعى يننوۆاسيالىق ەۋرازيالىق ۋنيۆەرسيتەتىنىڭ 2 مىڭنان استام ستۋدەنتى ەكى اي بويى شاكىرتاقىسىن الا الماي ٴجۇر. ولاردىڭ بارلىعى – مەملەكەتتىك گرانت يەلەرى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

قازىرگى تاڭدا اتالمىش جوعارى وقۋ ورنىندا 6 مىڭنان استام ستۋدەنت ٴبىلىم الادى. بۇگىن ستۋدەنتتەر مەن وقىتۋشىلار قاۋىمى ربك بانكىنىڭ باسشىلىعىنا ۇندەۋ جاريالادى.

«ەكىنشى دەڭگەيلى بانك ۋنيۆەرسيتەت الدىنداعى مىندەتتەمەلەرىن ورىنداماي وتىر. سالدارىنان ستۋدەنتتەرىمىز بەن ماگيسترانتتارىمىز ەكى اي بويى شاكىرتاقى المادى. مەملەكەتتىك گرانت يەلەرىنىڭ قاتارىندا «سەرپىن» باعدارلاماسىمەن ٴبىلىم الىپ جۇرگەن قىز-جىگىتتەر بار. شاكىرتاقى بويىنشا بەرەشەك 20 ملن تەڭگەدەن استى»، - دەيدى يننوۆاسيالىق ەۋرازيالىق ۋنيۆەرسيتەتىنىڭ ۆيسە-پرەزيدەنتى لاريسا فرەزورگەر.

قازىرگى تاڭدا 40-تان استام ستۋدەنت «سەرپىن» باعدارلاماسى بويىنشا ٴبىلىم الۋدا. وڭتۇستىك قازاقستان وبلىسى ماقتارال اۋدانى جەتىساي اۋىلىنىڭ تۋماسى اراي مىرزابەك ازىق-تۇلىك ونىمدەرىنىڭ تەحنولوگى مامانداعى بويىنشا وقيدى. بويجەتكەن جاتاقحانادا تۇرادى.

«شاكىرتاقىسىز وتىرعانىمىزعا ەكى اي بولدى. اتا-انامىزعا اۋرىتپالىق سالعىمىز كەلمەيدى، سوندىقتان ستيپەندياعا ارتار ٴۇمىتىمىز زور»، - دەيدى ستۋدەنت.

شاكىرتاقىسىز وتىرعانداردىڭ قاتارىندا وسپان رايىمبەكوۆ تا بار.

«پاۆلودارعا مەتاللۋرگ بولامىن دەپ ارمان قۋىپ كەلدىم. شاكىرتاقى جۋىق ارادا تۇسەدى دەگەن سەنىمدەمىن. وقۋ ورنىنىڭ باسشىلىعى ماسەلەنىڭ ٴمان-جايىن ٴتۇسىندىرىپ بەردى»، - دەيدى وسپان رايىمبەكوۆ.

بانكتىڭ مىندەتتەمەلەرىن ورىنداماۋى سالدارىنان جوو 26 جىلدىڭ ىشىندە العاش رەت كوممۋنالدىق قىزمەتتەر ٴۇشىن قارىزعا باتقان. بۇل بۇرىن-سوڭدى بولماعان قۇبىلىس. ال وتكەن ايدا ۋنيۆەرسيتەت ۇجىمى جالاقىلارىن كەش العان. ۋنيۆەرسيتەتتىڭ كوممۋنالدىق، سالىقتىق قارىزدارى 167 ملن تەڭگەگە جەتىپتى.

بۇگىنگى كۇنگە دەيىن وقۋ ورنىنىڭ باسشىلىعى بانكتىڭ باس كەڭسەسىنە رەسمي حات جولداپ، شاعىم تۇسىرگەن. دەگەنمەن، قۇرعاق ۋادەدەن باسقا ەشتەڭە ايتىلمادى. قازىرگى ۋاقىتتا ۋنيۆەرسيتەت باسشىلىعى اتالعان قارجى ينستيتۋتىمەن سەرىكتەستىك قارىم-قاتىناستى ٴۇزۋ تۋرالى ماسەلەنى قاراستىرۋدا.

قۋانتارلىعى، ستۋدەنتتەر بولعان جاعدايعا تۇسىنىستىكپەن قارايدى. مويىماق ەمەس. ٴتىپتى، «ستيپەنديا جوق-جوق» دەگەن ٴان شىعارىپ تا ۇلگەردى.

ەستەرىڭىزگە سالا كەتەيىك، بۇگىن استانادا وتكەن بريفينگتە قر ۇلتتىق بانك ٴتوراعاسى دانيار اقىشەۆ bank ٴrbk-نىڭ قازىرگى جاعدايى تۋرالى پىكىر بىلدىرگەن ەدى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي