سقو-دا بەلگىسىز كاسىپكەر تەگىن كارتوپ تاراتۋدا

سولتۇستىك قازاقستان وبلىسى، baq.kz. سولتۇستىك قازاقستان وبلىسىندا بەلگىسىز كاسىپكەر ەككەن كارتوبىن تۇرعىندارعا تەگىن تاراتۋدا.

«حابار 24» ارناسىنىڭ مالىمەتىنشە، ٴقازىر ونى بەسكول اۋىلىنىڭ ماڭىنداعى تۇرعىندار قازىپ الۋدا. ٴبىر قىزىعى شارۋا جەردى مەملەكەتكە قايتارىپ بەرىپ، شىققان ٴونىمىن الماي كەتكەن. ٴبىراق ونىڭ كىمدىكى ەكەنىن تۇرعىنداردىڭ ەشبىرى بىلمەيدى. ادامدار بەيمالىم كاسىپكەرگە العىستارىن جاۋدىرىپ، قاپ-قابىمەن قازىپ الىپ جاتىر.

كارتوپ 65 گەكتار جەرگە ەگىلگەن. ادامدار القاپتىڭ جارتىسىنا جۋىعىن جيناپ الىپتى.

«ادامدارعا ايتتىق. ٴبارى بىلەدى. ٴبىراق باسىندا سەنبەدى. كەيىن جاپپاي جيناي باستادى. بۇل جەردەن كەم دەگەندە 30 ملن تەڭگە پايدا تابۋعا بولادى. كاسىپكەردىڭ كارتوپتى جيناماي، ادامدارعا تەگىن بەرە سالعانى تۇسىنىكسىز. ول ٴوزى تۋرالى ايتپاۋدى سۇراپتى»، دەيدى قىزىلجار اۋداندىق اۋىل شارۋاشىلىعى ٴبولىمىنىڭ باسشىسى، امانجول ساكەنوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!