BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا ۇزدىك ىت-شەشىمدەردى قارجىلاندىرۋ باستالدى

فوتو: altaynews.kz

استانا، baq.kz. جەلتوقسان ايىنىڭ باسىندا وسكەمەندە وتكەن العاشقى «digital east – بولاشاققا قادام» حالىقارالىق ٴىت-فورۋمىندا ۇزدىك ىت-شەشىمدەر مەن ستارتاپ-جوبالار سايىسىنىڭ جەڭىمپازدارى انىقتالعان بولاتىن. جاڭا جىل قارساڭىندا اتالمىش جەڭىمپازدارمەن كەلىسىمدەرگە قول قويۋ ٴراسىمى ٴوتتى. بۇل تۋرالى altaynews.kz سايتىنا حابارلايدى.

ٴبىلىم، مەديسينا، اۋىل شارۋاشىلىعى، مادەنيەت، گەواقپاراتتىق جۇيە، كولىك ينفراقۇرىلىمى سىندى ٴتۇرلى سالالاردى قامتىعان يننوۆاسيالىق جوبالارعا گرانتتار ٴبولىنىپ وتىر.

سالتاناتتى راسىمدە «پارىز» قوعامدىق قورىنىڭ ديرەكتورى ۇسا جۇماحان ۇلى، بەيىندى باسقارمالاردىڭ، ىت-كومپانيالاردىڭ باسشىلارى، ستارتاپ-جوبالار ازىرلەگەن دارىندى وقۋشىلارى بار مەكتەپتەردىڭ ديرەكتورلارى اراسىندا ٴۇشجاقتى جانە ٴتورتجاقتى كەلىسىمدەرگە قول قويىلدى.

جۋىق ارادا وبلىس تۇرعىندارى جەر تەلىمىنىڭ كاداسترلىق قۇنىن ونلاين تۇردە باعالايتىن، جەرگە ورنالاستىرۋ جوبالارىن ازىرلەۋ پروسەدۋراسىن وڭتايلاندىراتىن باعدارلامانى، سونداي-اق مال باسى مەن اۋىل شارۋاشىلىق تەحنيكالارىن ەسەپكە الۋ جۇيەسىن، مەديسينالىق قىزمەتتەردى قاشىقتىقتان الۋعا ارنالعان ٴموبيلدى قوسىمشانى قولدانا الادى. ولاردىڭ ٴبارىن اتالمىش جەڭىمپازدار ازىرلەپ وتىر.

سيفرلىق تەحنولوگيالاردى دامىتۋعا د. سەرىكبايەۆ اتىنداعى شقمتۋ قىزمەتكەرلەرى دە بەلسەندى قاتىسۋدا. جوعارى وقۋ ورنى بازاسىندا وبلىستىق مۇراعات پەن سيرەك كەزدەسەتىن كىتاپتار قورلارى، تاريحي جانە ارحەولوگيالىق جادىگەرلەر ساندىق جۇيەگە كوشىرىلمەك.

ەستەرىڭىزگە سالار بولساق، ۇزدىك ىت-شەشىمدەر مەن ستارتاپ-جوبالار جونىندەگى بايقاۋ وسى جىلدىڭ قازان ايىندا جاريالانعان بولاتىن. ٴبىرىنشى كەزەڭدە وتاندىق جانە شەتەلدىك ىت-كومپانيالاردان 79 ٴوتىنىم جانە مەكتەپ وقۋشىلارىنان 10 ستارتاپ-جوبا تۇسكەن. بايقاۋدىڭ ەكىنشى كەزەڭىندە وبلىستىق قازىلار القاسى ىرىكتەۋ جۇرگىزىپ، ناتيجەسىندە 33 ۇزدىك جوبا تاڭدالىپ الىندى. ال ەڭ ۇزدىك التىلىقتى رەسپۋبليكالىق قازىلار القاسى انىقتاعان.

«ٴبىزدىڭ حالىقارالىق دەڭگەيدەگى ٴىت-فورۋم اقپاراتتىق تەحنولوگيالار سالاسىنداعى تاراپتاردىڭ بەلسەندىلىگى مەن مۇددەلىلىگىن كورسەتتى. ىت-كومپانيالارعا جالپى سوماسى 166 ميلليون تەڭگە بولاتىن 6 سەرتيفيكات، ال باعدارلامالاۋمەن شۇعىلدانىپ جۇرگەن مەكتەپ وقۋشىلارىنا جالپى قۇنى 10 ميلليون تەڭگەدەن اساتىن 10 سەرتيفيكات تابىس ەتىلدى. ەندى ٴبىز وسى فورۋمدى جىل سايىن وتكىزبەكشىمىز. جىلدان-جىلعا ونىڭ اۋقىمى دا كەڭەيۋى ٴتيىس. ٴىت-جوبالار ٴتۇرلى سالالارعا جاڭا يننوۆاسيالىق شەشىمدەر اكەلىپ، قىزمەتتەردى الۋ راسىمدەرىن جەڭىلدەتەدى جانە البەتتە وبلىس تۇرعىندارى ٴۇشىن پايدالى بولادى دەپ سەنەمىن»، - دەدى وبلىس اكىمىنىڭ ورىنباسارى اسەم ٴنۇسىپوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي