BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا وڭتۇستىكتەن قونىس اۋدارعان وتباسىلار باسپانالى بولدى

استانا، baq.kz. بۇگىن شىعىس قازاقستاننىڭ شەمونايحا قالاسىندا وڭتۇستىك وڭىرلەردەن قونىس اۋدارعان وتباسىلار باسپانالى بولدى. بۇل تۋرالى altaynews.kz سايتى حابارلايدى.

سونداي-اق ريددەر قالاسىندا تالايدان بەرى كەزەكتە تۇرعان 120 وتباسى قونىس تويىن تويلادى. 60 پاتەرلىك قوس ٴۇيدىڭ قۇرىلىسى 2017 جىلى باستالعان بولاتىن. «شىعىسستروييندۋستريا» كومپانياسى نىساندى مەجەلى مەرزىمدە كەشىكتىرمەي تاپسىرىپ وتىر.

«بيىل ريددەر قالاسى بويىنشا 9436 شارشى مەتر باسپانا بەرىلدى. بۇل سوڭعى 30 جىلدا بولماعان كورسەتكىش. بۇگىن ٴبىر بولمەلى 40 پاتەر، ەكى بولمەلى 70 پاتەر، ٴۇش بولمەلى 10 پاتەر تابىستادىق»، - دەيدى اۋدان اكىمىنىڭ ورىنباسارى ەۆگەنيا نۋجنىح.

ال شەمونايحادا 60 وتباسى جاڭا جىلدى جاڭا باسپانامەن قارسى الاتىن بولدى. ولاردىڭ بارلىعى 2017-2021 جىلدارعا ارنالعان «ناتيجەلى جۇمىسپەن قامتۋ-2020» باعدارلاماسى بويىنشا شەمونايحا اۋدانىنا كوشىپ كەلگەن جانۇيالار. 60 پاتەرلى ٴۇيدىڭ قۇرىلىسى مەملەكەت بيۋدجەتى ٴۇشىن 675،7 ملن تەڭگەگە شىققان. پاتەرلەردىڭ اۋدانى بولمە سانىنا قاراي 45،6 شارشى مەتردەن 73 شارشى مەترگە دەيىن بارادى.

«ٴبىز بۇل قالاعا كەنتاۋدان كوشىپ كەلگەنبىز. ٴوزىم جەرگىلىكتى اكىمدىككە قزىمەتكە ورنالاستىم. جاڭا ٴۇيدىڭ اتى جاڭا ٴۇي عوي. ٴىشى-سىرتى تازا. بالكونى دا كەڭ. ەلەكتر پليتاسى دايىن بولعانىنا قۋاندىق. كوپتەگەن قيىنشىلىقتان ٴوتىپ، قونىس اۋدارعانىمىز بەكەر بولماپتى. قۋانىپ ٴجۇرمىز»، - دەيدى يۋلدىز قۇربانوۆا ەسىمدى تۇرعىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي