BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا «نۇرلى جول» بويىنشا ٴۇش جىلدا 43 جوبا جۇزەگە اسىرىلعان

استانا، baq.kz. وبلىستا «نۇرلى جول» مەملەكەتتىك باعدارلاماسى ارقىلى سوڭعى ٴۇش جىلدىڭ كولەمىندە بارلىعى 43 جوبا جۇزەگە اسىرىلعان. بۇل جونىندە وبلىستىق ٴماسليحاتتىڭ كەزەكتى سەسسياسىندا وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى مۇرات مۇساتايەۆ مالىمدەدى، دەپ جازادى altaynews.kz.

باسقارما باسشىسى اتاپ وتكەندەي، اعىمداعى جىلى وڭىردە جالپى قۇنى 1 629،58 ملن تەڭگە بولاتىن تۇرعىن ۇي-كوممۋنالدىق شارۋاشىلىعىنىڭ جەتى نىسانى قولدانىسقا بەرىلگەن. ولاردىڭ قاتارىندا ريددەر قالاسىنىڭ 6،7 شاعىن اۋداندارىنداعى ماگيسترالدى جانە كۆارتالىشىلىك جىلۋ جۇيەلەرىنىڭ، وسى قالاداعى ەكى جىلۋ جۇيەلەرىنە ارنالعان سورعى ستانسياسىنىڭ قۇرىلىستارى، جارما اۋدانىنىڭ سۋىقبۇلاق كەنتىندە جانە جاڭاوزەن اۋىلىندا سۋ جەتكىزۋ جەلىلەرىنىڭ قۇرىلىستارى، سونىمەن بىرگە وسكەمەن قالاسىنىڭ بايباتشين كوشەسىندەگى كارىز كوللەكتورىن قايتا قۇرۋ مەن سەمەي قالاسىنىڭ ش.ٴۋاليحانوۆ كوشەسىندەگى سۋ جەتكىزۋ جەلىسىنىڭ قوسانوۆ كوشەسىنەن ايۋچەنكو كوشەسىنە دەيىنگى ارالىعىن قايتا قۇرۋ بار. بۇدان بولەك كۋرچاتوۆ قالاسىندا كارىز جۇيەسىن قايتا قۇرۋ اياقتالعان. تاعى التى جوبانىڭ قۇرىلىسى جالعاسۋدا.

«بيىلعى جىلدىڭ سوڭىنا دەيىن وسكەمەن قالاسى بويىنشا سولتۇستىك-اتامان جانە تومەنگى-سوگرا سۋ بوگەتتەرىن قايتا قۇرۋ (ەكىنشى كەزەك)، سەمەي قالاسىنىڭ ٴشۇلبى كەنتىندەگى جانە قاينار اۋىلىنداعى سۋ تارتۋ جۇيەسىن قايتا قۇرۋ جوبالارىن اياقتاۋ جوسپارلانىپ وتىر. جوبالار بويىنشا كەستەدەن اۋىتقۋشىلىق جوق، پايدالانۋعا بەرۋ مەرزىمدەرى – 2018 جىلدىڭ 30 جەلتوقسانى. سونىمەن قاتار شەمونايحا اۋدانىنداعى كراسنايا شەمونايحا اۋىلىندا سۋ بوگەتى جانە سۋ وتكىزۋ جۇيەسىنىڭ قۇرىلىسى جۇرگىزىلۋدە. بۇگىنگى كۇندە 191،8 ملن تەڭگەسى يگەرىلگەن. تاپسىرۋ مەرزىمى – 2019 جىل»، – دەدى سەسسيادا جوبالاردىڭ ىسكە اسىرىلۋ بارىسىن بايانداعان مۇرات مۇساتايەۆ.

اقپارات رەتىندە ايتار بولساق، وبلىستا بۇعان دەيىن وتىز جوبانى جۇزەگە اسىرۋ ٴۇشىن 2015-2016 جىلدار ارالىعىندا اتالمىش مەملەكەتتىك باعدارلاما اياسىندا ۇلتتىق قوردان 9 924،5 ملن تەڭگە بولىنسە، 2017 جىلى «نۇرلى جول» مەملەكەتتىك باعدارلاماسىنىڭ اياسىندا 12 جوبانى ىسكە اسىرۋعا ۇلتتىق قور قاراجاتىنان 5 975،1 ملن تەڭگە قارجى قاراستىرىلعان. ال بيىل ٴبىر جوبانى جۇزەگە اسىرۋعا جانە 2019 جىلعا اۋىساتىن تاعى ٴبىر جوبانى ىسكە اسىرۋ ٴۇشىن 1 794،2 ملن تەڭگە بولىنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي