BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا مەكتەپ ۇستازدارىنا سىيلىق جاساۋعا تىيىم سالىنادى

فوتو: Vakilsearch

الدا كەلە جاتقان جاڭا جىل مەرەكەسىنە وراي ايماقتىڭ بارلىق ٴبىلىم وشاقتارىندا وقۋشىلاردىڭ اتا-انالاردان اقشا جيناۋعا تىيىم سالىنادى. قازىردە وبلىستىق ٴبىلىم باسقارماسىنىڭ باسشىلىعى شىعارعان بۇيرىق مەكتەپتەرگە جولدانۋدا، دەپ حابارلايدى baq.kz اقپارات اگەنتتىگى.

بۇل جايلى شىعىس قازاقستان ايماقتىق كوممۋنيكاسيالار قىزمەتىندە قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ شىعىس قازاقستان وبلىسى بويىنشا دەپارتامەنت باسشىسى، ادەپ جونىندەگى كەڭەس ٴتوراعاسى جاننا قابدولداقىزىنىڭ قاتىسۋىمەن ٴباسپاسوز ٴماسليحاتىندا بەلگىلى بولدى.

«قازىردە ٴبىزدىڭ ورگان وبلىستىق ٴبىلىم باسقارماسىمەن بىرلەسىپ، مەكتەپتەردە اتا-انالاردان اقشا جيناۋعا تىيىم سالۋ ماقساتىندا جۇمىس جاساۋدى كوزدەپ وتىرمىز. باسقارما باسشىلىعى سايكەسىنشە بۇيرىق شىعارىپ، ٴبىلىم وشاقتارىنا جولدادى»، – دەدى جاننا قابدولداقىزى.

ٴباسپاسوز ٴماسليحاتىنا قاتىسقان ٴبىلىم باسقارماسى باسشىسىنىڭ ورىنباسارى اسەل قايىربەكوۆانىڭ ايتۋىنشا، وقۋشىعا سىيلىق جاساۋ ٴۇشىن اتا-انا اقشانى ەرىكتى تۇردە تاپسىرا الادى.

«جاڭا جىل مەرەكەسىنە وراي مەكتەپتەردە ٴتۇرلى شارالارعا اتا-انالاردان اقشا جينالۋى مۇمكىن. بۇنىڭ وزىنە تىيىم سالىپ وتىرمىز. ال ەگەر بالالارعا جاڭا جىلدىق سىيلىق جاساۋ ٴۇشىن اقشا جينالسا، ول اتا-انانىڭ ٴوز ەركىندە. ەشكىم تالاپ ەتپەۋى ٴتيىس»، – دەدى اسەل قايىربەكوۆا.

سونداي-اق، باسقارما باسشىسىنىڭ ورىنباسارى مالىمدەگەندەي، ۇستازعا سىيلىق جاساعان ۋاقىتتا دا ساق بولعان ٴجون. سەبەبى العىسىن بىلدىرەمىن دەگەن اتا-انالار ٴمۇعالىمدى قيىن جاعدايعا قالدىرۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي