BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا ارداگەرلەر كومپيۋتەردى مەڭگەرۋدە

فوتو: altaynews.kz

استانا، baq.kz. ٴوڭىردىڭ الەۋمەتتىك-ەكونوميكالىق دامۋىنا وزىندىك ۇلەستەرىن قوسىپ، ٴارقاشان جاس ۇرپاقتى وتانسۇيگىشتىككە تاربيەلەپ كەلە جاتقان ارداگەرلەرىمىز بۇگىندە كومپيۋتەرمەن جۇمىس ىستەۋدى مەڭگەرىپ، كۇندەلىكتى تىرشىلىكتە الەۋمەتتىك جەلىنى بەلسەندى قولدانۋعا كىرىسكەن. سونداي-اق، وبلىستاعى اعا بۋىن وكىلدەرى قوعام تاراپىنان وزدەرىنە دەگەن ٴتيىستى قۇرمەت پەن قامقورلىق ازايماسا ەكەن دەيدى. بۇل تۋرالى altaynews.kz سايتى حابارلايدى.

بۇل جونىندە جاقىندا وتكەن «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ وبلىستىق فيليالىنىڭ ٴىv پلەنۋمىندا جان-جاقتى ٴسوز ەتىلدى.

جيىندا ارداگەرلەر قازىرگىدەي دامىعان زاماندا قوعامعا ماسىل بولماي، كەرىسىنشە «ادەمى قارتايۋدىڭ» جولدارىن دا تالقىلادى. مىسالى، بۇل رەتتەگى ٴوز ويىمەن جانە جوبالارىمەن بولىسكەن شەمونايحا اۋداندىق ارداگەرلەر كەڭەسىنىڭ جەتەكشىسى سۆەتلانا لىچاگينا بۇگىندە زەينەتكەرلەر كومپيۋتەردى مەڭگەرۋگە ۇلكەن قىزىعۋشىلىق تانىتۋدا ەكەندىگىن جەتكىزدى.

«قازىرگى تاڭدا زەينەتكەرلەر قۇقىقتىق جانە كومپيۋتەرلىك ساۋاتتىلىققا باسا ٴمان بەرەدى، ۇيرەنگىسى كەلەدى. اسىرەسە، ينتەرنەتتىڭ مۇمكىندىگىن پايدالانىپ، جەدەل تۇردە اقپاراتتار جاريالاۋعا، سول ارقىلى وزەكتى ماسەلەلەردى تالقىلاۋعا ارنالعان الاڭ قۇرۋ ماقساتتارى بار. بۇل باعىتتاعى وقۋ ساباقتارىنا سمارتفونداردى، نوۋتبۋكتاردى جانە بانكتىك كارتوچكالاردى قالاي دۇرىس قولدانۋدى كىرگىزىپ جاتىرمىز»، - دەدى ول.

ال وبلىستىق ارداگەرلەر كەڭەسىنىڭ مۇشەسى الەكسەي فەدوروۆ ەلباسىنىڭ « ۇلى دالانىڭ جەتى قىرى» باعدارلامالىق ماقالاسىنان العان اسەرىمەن ٴبولىسىپ، جاستار مەن بالالار تاربيەسىندە الاتىن ٴمانى مەن ماڭىزىنا توقتالدى.

سونىمەن قاتار پلەنۋمدە اعا بۋىن وكىلدەرى وزدەرىن تولعاندىراتىن ماسەلەلەردى دە كوتەردى.

ماسەلەن، بورودۋليحا اۋدانىنان قاتىسقان ورالعازى قۇسپانوۆ «1937 جىلى 31 جەلتوقساندا تۋعاندار تىل ارداگەرى بولادى دا، ال 1938 جىلدىڭ 1 قاڭتارىندا تۋعاندار ىلىنبەي قالادى. بولاشاقتا وسى جاعى ەسكەرىلسە» دەگەن تىلەك ايتتى. ال كۇرشىمدىك ارداگەرلەر ۇزاق جىلدار بويى ەل دامۋىنا ەسەلى ەڭبەك ەتكەن ارداگەرلەر ەلەنىپ، ولارعا «ەڭبەك ارداگەرى» مەدالى تاپسىرىلسا دەگەن ٴوتىنىش ٴبىلدىردى.

وبلىستاعى اعا بۋىننىڭ ولشەۋسىز ەڭبەگىن ٴوز بايانداماسىندا «نۇر وتان» پارتياسى وبلىستىق فيليالى ٴتوراعاسىنىڭ ٴبىرىنشى ورىنباسارى انۋاربەك مۇحتارحانوۆ تا ناقتى مىسالدارمەن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي