BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شقو-دا 500 ورىندىق ەمحانا سالىنادى

فوتو: Irecommend

استانا، baq.kz. شىعىس قازاقستاننىڭ ريددەر قالاسىندا اۋىسىم سايىن 500 ادامعا قىزمەت كورسەتەتىن ەمحانا سالىناتىن بولدى. بۇل تۋرالى altaynews.kz سايتى حابارلايدى.

كەندى التايداعى شاھاردىڭ قالالىق اۋرۋحاناسىنا قارايتىن 12 عيماراتتىڭ بىرنەشەۋىنىڭ جاسى جارتى عاسىردان اسىپ كەتكەن. وبلىستىق دەنساۋلىق ساقتاۋ باسقارماسىنىڭ باسشىسى مارات شورانوۆ ايماق باسشىسى دانيال احمەتوۆكە وسىنداي پروبلەمانى جەتكىزدى. ونىڭ ايتۋىنشا، اۋرۋحانا كەشەنىندەگى ەڭ ەسكى عيمارات 1939 جىلى، تاعى ٴبىرى 1941 جىلى قولدانىسقا بەرىلگەن ەكەن. اۋرۋحانا دەگەن اتى بولعاندىقتان، كەتەۋى كەتكەن عيماراتتاردى جىل سايىن جوندەۋدىڭ ٴوزى ماشاقاتتى شارۋاعا اينالىپ وتىر. جوندەۋگە شىعىن شىققانىمەن، ناتيجەسى شامالى.

«جىل سايىن جوندەۋگە دەپ قاراجات بولەمىز. ونىڭ ٴوزى ىلەكەر عانا. بۇلاردى جەرمەن-جەكسەن ەتىپ بۇزايىق دەپ وتىرعان ٴبىز جوق. جارامدى دەگەندەرىن جاتاقحانا نەمەسە اكىمشىلىك عيمارات قىلىپ پايدالانۋعا بولادى. ورنىنا كۇنىنە 500 ادامعا قىزمەت كورسەتەتىن جاڭا ەمحانا سالساق»، - دەدى مارات شورانوۆ.

قازىرگى ەمحانادان ٴبىر اۋىسىمدا 385 ادام ەم قابىلداۋى ٴتيىس. و باستاعى جوبالىق قۋاتى سونداي. ٴبىراق كۇن سايىن دەنساۋلىعىنا شاعىم ايتىپ كەلۋشىلەردىڭ سانى 670-680 ادامعا جەتىپ وتىر.

باسقارما باسشىسى 500 ادامدىق ەمحانا مۇنداي قاجەتتىلىكتى ەمىن-ەركىن ورىندايتىنىن ايتتى.

«بۇل شىنىمەن دە شەشىلۋى ٴتيىس ماسەلە. وبلىس بويىنشا ەسكى اۋرۋحانا بورودۋليحا اۋدانى مەن سىزدەردە عانا بار. كوكتەمگە دەيىن قۇرىلىستىڭ جوبالىق-سمەتالىق قۇجاتىنا قاجەت 125 ملن تەڭگە بولەمىز. الداعى جىلدارى مىناۋ قاۋساعان اۋرۋحانانىڭ ورنىنا جاڭا عيمارات بەرەتىن بولامىز»، - دەدى وبلىس اكىمى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 جەلتوقسان 2018, 18:34
500 مىڭ تەڭگە ايلىق تىلەيمىن!
كوممەنتاريي