BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىمكەنتتە 1200 ورىندىق جاڭا مەكتەپ پايدالانۋعا بەرىلدى

بۇگىن شىمكەنت قالاسىنداعى اكىمشىلىك-ىسكەرلىك ورتالىعىندا زامان تالابىنا ساي جابدىقتالعان جاڭا 1200 ورىندىق مەكتەپ پايدالانۋعا بەرىلدى، دەپ حابارلايدى baq.kz اقپارات اگەنتتىگى وقو اكىمدىگىنىڭ ٴباسپاسوز قىزمەتىنە سىلتەمە جاساپ.

№130 جالپى ورتا مەكتەبىنىڭ اشىلۋ سالتاناتىنا قاتىسقان وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ەل تاۋەلسىزدىگى مەرەكەسى قارساڭىندا ەسىگىن ايقارا اشىپ وتىرعان مەكتەپ جاڭا باستامالارعا باي ەكەنىن اتاپ ٴوتتى.

«ٴبىلىمنىڭ دەڭگەيىن كوتەرۋ ٴۇشىن مەكتەپتىڭ ساپاسى جاقسى بولۋى كەرەك. بۇل وسىنداي قاعيداتپەن سالىنعان ٴبىلىم ۇياسى. بالالار سالاۋاتتى ٴومىر سالتىن ۇستانۋ ٴۇشىن بارلىق جاعداي جاسالعان. مۇندا 3 بىردەي سپورت زالى بار. سونداي-اق، مەكتەپتە تىگىن، اعاش ۇستاسى سىندى ٴتۇرلى ۇيىرمەلەردىڭ جۇمىس جاساۋىنا مۇمكىندىك مول. ياعني، مۇندا ٴبىلىم العان وقۋشى امبەباپ بولىپ قالىپتاسادى. مۇنىڭ بارلىعى ەلباسى ساياساتىنىڭ ناتيجەسى»، - دەدى وبلىس اكىمى.

«نۇرلى جول» باعدارلاماسى اياسىندا اشىلىپ وتىرعان ٴبىلىم ورداسىندا وقۋشىلارعا ارنالعان 61 وقۋ بولمەسى مەن جاڭا ۇلگىدەگى بيولوگيا، فيزيكا، حيميا، ينفورماتيكا، مۋلتيمەديالى-لينگوفوندى كابينەتتەر، كىتاپحانا، اسحانا، اكت، سپورت زالدارى مەن سپورت الاڭى، قىزدارعا جانە ۇلدارعا ارنالعان شەبەرحانالار قاراستىرىلعان.

جالپى وڭتۇستىك قازاقستان وبلىسى بويىنشا ٴبىلىم بەرۋ سالاسىندا وسى جىلى 82 نىساننىڭ قۇرىلىسىنا 29،8 ملرد. تەڭگە كولەمىندە قارجى قارالىپ، قۇرىلىستارى جۇرگىزىلۋدە. ونىڭ ىشىندە وسى جىلى 32 نىسان پايدالانۋعا تاپسىرۋ جوسپارلانعان. ال بۇگىنگى كۇنگە دەيىن 28 مەكتەپ اشىلعان بولسا، جىل سوڭىنا دەيىن قالعان ٴبىلىم وشاقتارى ەل يگىلىگىنە بەرىلەدى. ال قالعان 50 نىسان كەلەر جىلعا وتپەلى.

اتالعان 82 نىساننىڭ ٴ67-ى مەكتەپ، 10-ى قوسىمشا قۇرىلىس، ٴ2-ى قايتا قۇرۋ، ٴ1-ى كوللەدج، ٴ2-ى كوللەدجدىڭ قوسىمشا قۇرىلىستارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي