BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىعىس قازاقستاندا كەنىشتەردىڭ بىرىندە جۇمىسشى قازا تاپتى

قايعىلى وقيعا شقو-داعى ورلوۆ كەنىشىندە بولعان. كەنىشتەگى كوتەرۋ قوندىرعىسىنىڭ ٴماشينيستى وقيعا سالدارىنان سول قولىنان جاراقات العان. ول اۋرۋحاناعا جەتكىزىلگەن. الايدا كەلەسى كۇنى جاراقات العان ايەل كوز جۇمعان، دەپ حابارلايدى baq.kz اقپارات اگەنتتىگى newtimes.kz-كە سىلتەمە جاساپ.

اتالعان كەن ورنى «ۆوستوكسۆەتمەت» جشس-عا تيەسىلى. بۇل فيرما «kaz minerals» كومپانياسىنىڭ قۇرامىنا كىرەدى. جۇمىسشىنىڭ ولىمىنە قاتىستى «kaz minerals» كومپانياسىنىڭ كورپوراتيۆتىك بايلانىس دەپارتامەنتىنىڭ مەنەدجەرى ەرمەك ديۋسكەنەۆ تۇسىنىكتەمە بەردى.

«قازىرگى تاڭدا مەملەكەتتىك ورگاندار مەن «kaz minerals» كومپانياسى توبىنان قۇرالعان ارنايى كوميسسيا قۇرىلدى. قايعىلى وقيعانىڭ نەدەن بولعانى ٴالى انىقتالعان جوق. كوميسسيا جۇمىسىنىڭ قورىتىندىسى شىققان كەزدە حابارلايمىز. اتالعان مالىمەتتەر نەگىزىندە قازا تاپقان جۇمىسشىنىڭ جاقىندارىنا وتەماقى تولەۋ ماسەلەسى قارالادى. كومپانيا جۇمىسشىنى جەرلەۋ راسىمىنە دە كومەك كورسەتەدى»، - دەدى قىزمەتكەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي