BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شەنەۋنىكتەر سىيلىقتارىن مەملەكەت قورىنا تاپسىردى

استانا، baq.kz. قازاقستان رەسپۋبليكاسىنىڭ مەملەكەتتىك قىزمەتى تۋرالى زاڭىنا سايكەس، مەملەكەتتىك قىزمەتشىلەرگە وزدەرىنىڭ مەملەكەتتىك نەمەسە سوعان تەڭەستىرىلگەن فۋنكسيالارىن اتقارۋعا بايلانىستى قىزمەت بابىندا وزدەرىنە مەملەكەتتىك قىزمەتشىلەردەن جانە وزگە ادامداردان سىيلىقتاردى نەمەسە كورسەتىلەتىن قىزمەتتەردى قابىلداۋىنا تىيىم سالىنادى.

بۇل تۋرالى، قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسىنىڭ ورىنباسارى ا.ٴشىلمانوۆ، قالالىق مۇلىك جانە جەكەشەلەندىرۋ دەپارتامەنتىنىڭ باسشىسى ا.قارابالايەۆ، قالالىق اكىم اپپاراتىنىڭ ادەپ جونىندەگى ۋاكىلى م.اكيشەۆ باسپاسوز-كونفەرەنسياسىندا حاباردار ەتتى.

«مەملەكەتتىك قىزمەتشى بىلمەي كەلiپ تۇسكەن سىيلىقتار جەتi كۇن مەرزiمدە ارناۋلى مەملەكەتتiك قورعا وتەۋسىز تاپسىرۋعا جاتادى. وزiنە سىيلىقتار كەلiپ تۇسكەن مەملەكەتتىك قىزمەتشى جوعارى تۇرعان لاۋازىمدى ادامنىڭ كەلiسiمiمەن ولاردى اتالعان قوردان تيiستi جەردە قولدانىلىپ جۇرگەن نارىقتىق بولشەك ساۋدا باعاسى بويىنشا ساتىپ الۋعا قۇقىلى. بۇل تۋرالى قالا اكىمدىگىمەن، مۇلىك جانە جەكەشەلەندىرۋ دەپارتامەنتىمەن بىرلەسە ٴبىرقاتار ٴتۇسىندىرۋ جۇمىستارىن جۇرگىزدىك» - دەپ اتاپ ٴوتتى ا.ٴشىلمانوۆ.

سونداي-اق دەپارتامەنت باسشىسىنىڭ ورىنباسارى ايبەك اقبەرگەن ۇلى سىيلىقتاردى ٴوز ەركىمەن وتكىزبەگەن جاعدايدا ايىپپۇل سالىناتىندىعىن، ٴبىراق بۇگىنگى تاڭدا جۇرگىزىلگەن تۇسىندىرمە جۇمىستار ٴوز ناتيجەسىن بەرگەندىگىن اتاپ ٴوتتى.

وعان دالەل جاڭا جىل مەرەكەسى قارساڭىندا اۋماقتىق جانە جەرگىلىكتى اتقارۋشى ورگاندارىنىڭ قىزمەتشىلەرىنە سىيلىقتاردى شىمكەنت قالاسىنىڭ مۇلىك جانە جەكەشەلەندىرۋ دەپارتامەنتىندەگى ارناۋلى مەملەكەتتىك قورعا جاپپاي وتكىزۋىندە.

بۇگىنگى كۇنگە قورعا مەملەكەتتىك قىزمەتشىلەرمەن ٴوز ەركىمەن 50-دەن استام سىيلىقتى تاپسىردى.

سونىمەن قاتار، باسپاسوز-كونفەرەنسيا بارىسىندا مەملەكەتتiك فۋنكسيالاردى ورىنداۋعا ۋاكiلەتتiك بەرىلگەن تۇلعانىڭ نە وعان تەڭەستiرiلگەن تۇلعانىڭ زاڭسىز ماتەريالدىق سىياقى الۋى التى ٴجۇز ايلىق ەسەپتiك كورسەتكiش مولشەرiندە، ياعني، 1،5 ملن. تەڭگەگە جۋىق ايىپپۇل سالۋعا، سونداي-اق، جەكە تۇلعالاردىڭ زاڭسىز ماتەريالدىق سىياقى بەرۋi ەكى ٴجۇز اەك (481 000 تەڭگە) مولشەرiندە ايىپپۇل سالۋعا اكەپ سوعاتىندىعى ەسكەرتىلدى.

ايتا كەتەيىك، شىمكەنت قالاسىنىڭ تۇرعىنى اۋدانارالىق ەكونوميكالىق سوتتىڭ قىزمەتكەرىنە ەكى مىڭ تەڭگە بەرمەك بولعان. بۇل جايت شىمكەنت قالاسىنىڭ مامانداندىرىلعان اكىمشىلىك سوتىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ قاتىسۋىمەن قارالىپ، ازامات كىنالى دەپ تانىلىپ ەكى ٴجۇز اەك 481 000 (ٴتورت ٴجۇز سەكسەن ٴبىر مىڭ) تەڭگە مولشەرiندە ايىپپۇل سالىنعان.

كونفەرەنسيا بارىسىندا قاي ۋاقىتتا بولسا دا مەملەكەتتىك قىزمەتشىلەردى سىيلىق الماۋعا، ادەپتەن وزباۋعا، مەملەكەتتىك قىزمەتشى دەگەن اتاققا لايىقتى بولۋعا شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي