BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

سەمەيلىك وقۋشىلار جەل گەنەراتورىن ويلاپ تاپتى

فوتو: altaynews.kz

سەمەي، baq.kz. سەمەيدەگى نازاربايەۆ زياتكەرلىك مەكتەبىنىڭ وقۋشىلارى مۇحاممەدالى يبراگيم جانە نۇرجان بودەس، يننوۆاسيالىق جەل گەنەراتورىنىڭ جاڭا قۇرىلىمىن جاساپ شىقتى. ەرەكشەلىگى سول، تىڭ قوندىرعى ەلەكتر قۋاتىن ارتىعىمەن وندىرۋگە قاۋقارلى ٴارى قورشاعان ورتاعا زيانىن تيگىزبەيدى.

altaynews.kz پورتالىنىڭ جازۋىنا قاراعاندا، جاس ونەرتاپقىشتار، وسى ارقىلى بالامالى ەنەرگەتيكانى دامىتۋدى كوزدەۋدە. ناقتىراق ايتقاندا، زياتكەرلىك مەكتەپتىڭ وقۋشىلارى ٴوز تابىستارىن قالانىڭ ينفراقۇرىلىمىنا ەنگىزبەك نيەتتە. بۇل ٴداستۇرلى قۋات كوزدەرىنەن اناعۇرلىم ٴتيىمدى، سونداي-اق ەكولوگياعا دا زالال كەلتىرمەيدى دەدى سەمەيلىك يننوۆاتورلار. ايتسە دە ونىڭ ارتىقشىلىعى مۇنىمەن عانا شەكتەلمەيدى.

– فيزيكا ساباعىندا جاڭا تاقىرىپتى وتكەن سوڭ، نۇرجان ەكەۋىمىزگە ٴبىر وي كەلدى. نەگە جەل گەنەراتورىنىڭ تيىمدىلىگى مەن پايدالى اسەر كوەففيسيەنتىن ارتتىرماسقا؟ ول ٴۇشىن بەرنۋلي جانە اەروديناميكا زاڭدارىن نەگىزگە الدىق. جاڭا قۇرىلىمىنىڭ ەرەكشەلىكتەرىن پايدالانۋ ارقىلى جەلدىڭ جىلدامدىعىن كوبەيتتىك. وسىيلاشا ونىڭ اينالىم سانى جوعارىلاي ٴتۇستى. بۇگىنگى قولدانىستاعى جەل گەنەراتورلارى ۆەرتيكالدى، ياعني تىك كۇيىندە ورناتىلادى. سونىڭ سالدارىنان ونى جەلدىڭ باعىتىنا قاراي اۋىستىرىپ وتىرۋ قاجەت. ٴبىزدىڭ ونەرتابىسىمىز كەز كەلگەن عيماراتتىڭ ۇستىنە قويىلادى جانە ەنەرگيانى ٴوندىرۋ ٴۇشىن ونى اينالدىرۋ كەرەك ەمەس. ول 360 گرادۋستا جۇمىس ىستەي بەرەدى، – دەپ اتاپ ٴوتتى سەمەي قالاسىنداعى فيزيكا-ماتەماتيكالىق باعىتىنداعى ٴنزم-نىڭ ٴ12-شى سىنىپ وقۋشىسى مۇحاممەدالى يبراگيم.

جاسىراتىنى جوق، قازىرگى جەل ەلەكتر ستانسيالارىنىڭ پايداسىمەن بىرگە زيانى دا بار. ماسەلەن، اتالمىش قوندىرعىلار قۋاتتى وندىرۋمەن قاتار ۋلترادىبىستى دا شىعارادى ەكەن. ال بۇل ٴوز كەزەگىندە ٴتىرى اعزالارعا كەرى اسەرىن تيگىزبەي قويمايدى. مۇنداي قورىتىندىنى جاپوندىق عالىمدار شىعارعان. وسىنى ەسكەرگەن جاس ەنتۋزياستار، گەنەراتوردىڭ سىرتىن پلاستيكالىق ماتەريالمەن قاپتاعان. ناتيجەسىندە ۋلترادىبىس قوندىرعىنىڭ ىشىندە ساقتالادى. ونىڭ ۇستىنە جەل ەلەكتر ورتالىقتارى اشىق بولعان سوڭ، وعان قۇستاردىڭ سوقتىعۋى بەك مۇمكىن. سول سەبەپتى مۇحاممەدالى مەن نۇرجان، گەنەراتورعا ارنايى توردى ورناتىپتى.

-وسىدان بولەك، «smart» جۇيەگە بايلانىستى تاعى ٴبىر جۇمىستى پىسىقتاپ جاتىرمىز. اتاپ ايتساق، سمارتفوننىڭ جارىعىمەن ٴۇيدىڭ ىشىندەگى تەلەديداردى، شامدى جانە تاعى دا باسقا تۇرمىستىق زاتتاردى ىسكە قوساتىن قوسىمشانى دايىنداۋدى كىرىستىك، – دەپ ايتتى نۇرجان بودەس.

قازاقستان شيكىزاتقا تاۋەلدى ەلدەردىڭ قاتارىندا. الايدا قازىرگى جاھاندا قالىپتاسقان تەندەنسيا، بۇدان ارىلاتىن ٴساتتىڭ جەتكەنىن اڭعارتتى. شىعىستىڭ قوس ۇلانى، ەلدەگى جاسىل تەحنولوگيانىڭ الەۋەتىن جوعارى باعالاپ وتىر. راس، قازاق ساحاراسىندا بالامالى ەنەرگەتيكانى وركەندەتۋ ٴۇشىن ايتارلىقتاي مۇمكىندىكتەر قاراستىرىلعان. ٴتاڭىردىڭ ٴوزى جارىلقادى دەسەك ارتىق ايتقاندىعىمىز ەمەس. بۇعان قىزىعى دا، قىزعانا دا قاراپ وتىرعان مەملەكەتتەر قانشاما؟! تەك بەرىلگەن نەسىبەنى بابىمەن پايدالانا الساق يگى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي