سەمەي بيىلعى قىستان قىسىلماي شىعادى

فوتو: reform.energy

استانا، baq.kz. شىعىس قازاقستان وبلىسى اكىمى سەمەي قالاسىنداعى رك-3 قازاندىعىن ارالادى. بۇل تۋرالى altaynews.kz سايتى حابارلايدى.

قالا اكىمى ەرماك ٴسالىموۆتىڭ ايتۋىنشا، سەمەيدەگى بارلىق جىلۋ قازاندىقتارى قىسقا تولىعىمەن دايىن. كومىر جەتكىلىكتى. رك-3 قازاندىعى قالانىڭ زاتون، سيليكات اۋداندارىن جىلۋمەن قامتيدى.

«جىلۋكوممۋنەنەرگو» مەكەمەسىنە قارايتىن رك-3 قازاندىعىنىڭ باسشىسى راسيلحان جولداسوۆتىڭ ايتۋىنشا، بۇعان قاراستى 85 كوپپاتەرلى تۇرعىن ٴۇي مەن 10 الەمۋەتتىك نىسان بار. 15 قازاننان باستاپ سەمەيدەگى ٴبىلىم بەرۋ نىساندارى مەن دەنساۋلىق ساقتاۋ مەكەمەلەرى، تەحنيكالىق قۇجاتتارى دايىن تۇرعىن ۇيلەر بىردەن جىلۋعا قوسىلدى.

بۇل ەندى سەمەيلىكتەر ٴۇشىن بۇرىن-سوڭدى بولماعان كەرەمەت جاڭالىقتىڭ ٴبىرى. جەكە اۆتونومدى قازاندىقتارى بار بالاباقشالار، مەكتەپ، اۋرۋحانالار دا نازاردان تىس قالماق ەمەس. ولارعا دا جىلۋ ۋاقتىلى بەرىلۋ ٴۇشىن كومىر جەتكىزىلۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!